الدهر جحاد طيب

[يفوق الوصف]

ودنا بالطيب بس الدهر جحـاد طيـب
كل ما تخلص مع الناس كنـك تغشهـا
يدك لامدت وفاء لاتحرى وش تجيـب
كان جاتك سالمه حب يـدك وخشهـا
كل ماشبيت نار المحبـه مـع حبيـب
قام يسحـل فـي مشاهيبهـا ويرشهـا
وكل ما واجهت لك فالزمن وجه غريب
مثل ماقال المثـل دام تمشـي مشهـا
وذمةٍ ماهيب تنـدار للحـق المصيـب
جعل قشاش الحطب لاسـرح يقتشهـا

سعد بن جدلان

[العنود الشيباني]

صح لسان شاعرها وناقلها

يفوق الوصف

عودتنا على كل ماهو مميّز وجميل

http://islamroses.com/zeenah_images/130rq.gif

[يفوق الوصف]

المميز مرورك على الموضوع واضافة لمستك عليها

وصح الله بدنك وكلك


تسلمين على مرورك الكريم اللي عطرتي به صفحتي



تقبلي تحياااااتي

[شعاع الشمس]

صح احساسك وصح لسان شاعرها


يفوق الوصف


دائما مبدع في بوحك وفي نقلك وفي كل شي

دمت بود

[يفوق الوصف]

شعاع الشمس


صح بدنك وراسك وكلك


تسلمين على مرورك الي عطرتي به الصفحة بمروك العذب


تسلمين وربي يحفظك



دمتي بود

[عبدالله بن عريمة]

يفوق الوصف هذا شاعر الغرائب الاكلبي

وكل قصائدة اعجوبة ويعتبر مدرسة للشعر كما اطلق عليه

نهج نهجه كثير ممن برزوا على الساحة

وهذي احدى جواهر الاكلبي

مشكور اخوي يفوق الوصف

ولك اطيب التحااياا

[يفوق الوصف]

عبدالله بن عريمة

اسعدني تواجدك واسعدني اكثر ردك عليه


بن جدلان يلقب بملك الوصف


وشاعر قدير وانا اعتبره من اواخر الشعراء العظماء من الجيل القديم


تحيه عطره لشخصك الكريم