ياموت رجع اللي اخذته

[يفوق الوصف]

ياموت تكفى رجع اللي أخذته
الصاحب اللي طيبته تبري الروح

شف حالتي ياموت جسمي نحلته
خله معي ياموت لو يوم ويروح

************

وين الصبر يا ناس محمد فقدته
راح الوفى راح الأخو راحت الروح

وين الصبر يا ناس قلبي فقدته
وش لي بدنيه مابها ضحك ومزوح

************

يبوني أنسى شخص مبطي سكنته
هو سكني وصرنا اثنين في روح

مرحوم شخص عزيز خسرته
راح وتركني بالحيل مجروح


************

يهل دمع العين لامن ذكرته
غفاه معي وين ماجيت واروح

وصيتي ياحسين لومت قبري دخلته
حطوني بجنبه من دون البكى والنووح

************

لاتذرفون الدمع دامي وصلته
خلوني بجنبه اسف جرحي مفتوح

************



منقوووول

[شعاع الشمس]

يفووق الوصف

صح احساسك وصح لسان شاعرها

توقفت عندها كثيرا بكيت وبكيت


الموت الشي الوحيد الذي يقهر الانسان

والفراق صعب صعب


عسااك ما تفارق غالي


تحياتي لك

[يفوق الوصف]

شعاع الشمس


سلامة عيونك

صدقتي الموت اشي الي مايقهره الانسان

والمشكله ليا خذى من توده مو اذا خذاك


الله يطول بعمركم جميع وكل غالي لكم


تسلمين يارب

[رهب]

الموت حق وكل نفس (ن) تذوقه ...

صح احساسك وتسلم على النقل ..

والله يرحم امواتنا المسلمين في كل مكان ؟.

وافر التحايا

رهب

[يفوق الوصف]

صح بدنك رهـــــــــــــب


والله يرحم جميع المسلمين


تسلمين على مرورك الكريم الذي عطرتي به الصفحه


دمتي بصحه وعافية وبود