( انا دخيل العين ورموشها السود )

[منصور الرويلي]

شابت سنيني .. شبي أيامي السـود = تماكنـي بـي مابقـى مـن بقايـا
مدي يدينك جود وأنهمري بجـود = قبـل أنــتـثـر تـنـّـثـر لـي هـدايـا
شبي فتيل الشـوق لاهبـت النـود = فلي جديلـك بعثرّينـي شظايـا
قبل الضمأ يجتاحنـا وصل وصـدود = أنا ضمأ روحي لجمـر الشفايـا
والـيا عسركِ البوح ياغــضة العـود = أرميـه يمـي بأمـهـات المنـايـا
اللي بقى شعرٍ ليـا غبـت موجـود = ونيـه تسّيرنـي وحفنـة خطـايـا
أن قلت ماعانيـت ماعنـدي شهـود = الا المواجع فـي جـذور الخفايـا
دورّت نبعك والضمأ فيني بـزود = ولقيت ماكـل النوايـا .. نوايـا
يابنت ماكـل السوالـف بهـا فـود = أجمل كلام الصمت صمت الحكايا
يابنت لي مبدى وأنا مالـي حـدود = لاملـت أوجيـه الوجيّـه المرايـا
كلي غلا لو سيف الأيـام مجـرود = العشـق حسناتـه ثمـن للخطـايـا
ياموعـدٍ يبقينـي أنسـان موعـود = للحلـم وآمـال بخيالـك عـرايـا
راضي بسجنٍ جيت يمه بلا قيود = بقيد الوصل صكي علّي الزوايـا
وأنا دخيل العين ورموشـك السـود = تماكني بي مابقـا مـن بقايـا

[هيام]

صح لسانك اخوي

قصيده روعه

[رياض الهديرس]

صح لسانك اخوي لاهنت


مودتي

[رهب]

صح لسانك شاقي

قصيده رائعه وجزله..

تقبل مروري

وافر التحاياا

رهب

[شجون]

كان الذهب غيرك يزوّد جماله=أنت الذهب لامن لبسته تجملت