مطلوب مرور الشعراء (( قصيدة المنتدي ))

[ابو فيصل]

السلام عليكم ورحمة الله وبركاته

أسعد الله جميع اوقاتكم

بالخير والمسرات


أخوانــي / وخــواتــي شعراء منتدى رهب الاعزاء .


جت فى بالـي فكره قلت اطرحها عليك عسى ان تنال رضاكم واعجبكم .


الفكره ترا غير مسبوقه واذا انا مسبوق عليها والله مادري .

شفت افكار مشابهه لها بالمنتديات .

ولكن فكرتي .

هى الاتـي ..


(( ا ب ت ث ج ح خ د ذ ر ز س ش ص ض ط ظ ع غ ف ق ك ل م ن هـ و ي ))


هذي حروف الهجاء الثمانية عشر

يدخل الشاعر الاول ويكتب بيت يبدا بحرف الالف ( والاول طبعا هو من يختار الوزن والقافيه ) اللي بعده يبدا بحرف الباء ويكمل على سياق البيت الاول

حتى تكتمل قصيده من 28 بيت لـ28 شاعر او أقل

ونطلع بقصيده اسمها قصيدة منتدى رهب

اذا تنظمت الفكره ...

لكم مني نشرها بمجله مع ذكر اسماء شعراها تكون الابيات مرقمه وبرقم البيت تعرفه شاعره ..

وبما اني انا صاحب الفكره مارايح اقول اببداء واذا مابغيتوني اشارك برظوا تأمرون أمر لكن..

رجــائى من أخواني الشعراء ابي تفاعل نبي نحس بنجاح العمل الجماعى ..

نبي نحرك روح المنافسه الشريفه بيننا .

ونبي نستفيد من خبرة شعراء كبار بيننا انا الاحظ انهم يدخلون ويشوفنا طافين ويطلعون.

وش رائــكم ..

اخوكم . ع

[العنود الشيباني]

بسم الله الرحمن الرحيم

أخوي عاشق

اشكرك على هالفكره الرائعه جدا

وانا اول المشاركين من بعد اذنك




اعيش اللحْظهْ من همي و حزني و العـذاب شهـور=وصار الحـزن يسكنـي و يـجـري فــي شراييـنـي

عذب التحايا

[ابو فيصل]

مشكوره اختي العنود

على سرعة تجاوبك

وبـدايــه اكـثــر من رائـعـــه

وفكره موفقه بإذن الله

مدام هذي البدايه ابدااااااااااااع يالعنود ...



( حرف الالف )

اعيش اللحظه من همي و حزني و العذاب شهور
و صار الحزن يسكني و يجري فـي شرايينـي
(العنود الشيباني)

[العنود الشيباني]

تنووووويييييييييييه


تعديل البيت



اعيش اللحظه من همي و حزني و العذاب شهور=لأن الحزن يسكني و يجري فـي شرايينـي


نظراً لأنني كتبته على عجل

[رياض الهديرس]

فكره جميله يا عاشق وممتعه


العنود الشيباني بيتك جميل وبدايه حلوه


....

[رهب]

فكره رائعه اخوي الف شكر عليها

صح لسانك العنود بيت رائع ..

العنود --- (اعيش اللحظه من همي و حزني و العذاب شهور
لأن الحزن يسكنـي و يجـري فـي شرايينـي)

----------------------------------

رهب----( بديت اول تفاصيله ويسري بي شعر وشعور
من الاحساس للمعنى الي اخر حرف يرثيني)

[العنود الشيباني]

صح لسانك يارهب

العنود...
اعيش اللحظه من همي و حزني و العذاب شهور=لأن الحزن يسكنـي و يجـري فـي شرايينـي

رهب...
بديت اصغر تفاصيله و يسري بي شعر وشعور= من الاحساس للمعنى الي اخر حرف يرثيني


العنود...
تملكني سكن قلبي اعتبرني بيته المحذور = بنى احساسه وسط قلبي تلبّس باقي سنيني

[رهب]

تم تعديل على الشطــر...

بديت اول تفاصيله ويسري بي شعر وشعور
من الاحساس للمعنى الي اخر حرف يرثيني

[العنود الشيباني]

العنود...



اعيش اللحظه من همي و حزني و العذاب شهور=لأن الحزن يسكنـي و يجـري فـي شرايينـي


رهب...



بديت اصغر تفاصيله و يسري بي شعر وشعور=من الاحساس للمعنى الي اخر حرف يرثينـي



العنود...



تملكني سكن قلبي اعتبرني بيته المحـذور=بنى احساسه وسط قلبي تلبّس باقي سنيني


العنود...



ثلاث سنين يعشقني ويعشق خافقي المقهور = سلبني فرحتي حتى غرس ف الصدر سكيني

[رهب]

جمعته در بأحساسي ونثرته للمساء من نور = يسافر لآخر اشعوري على مركب عناويني


حمل جرح الزمن عني وحملته من الميسور = تسلح خنجر اطعوني ولا ادري وش نوى فيني


خفايا علتــه عــله يحير بطبــها الدكتــــور = تفرحني وتحزني وتضحكني وتبكيني

رهب

[رياض الهديرس]

ابيات جميله جدا وابشارك معكم




دعيته في سما شوفي وطيّر بالهوى عصفور = وناداه الشعور اللى على دربـه يوديني

ذعاذيع الهبوب اللى تمر وخاطري مكسور = وش اللى فيه ذكرني وهو من قبل ناسيني
.
.
.
.

[عواد العنزي]

حنينه ساكنآ قلبي ثمان سنين وفوقه شهور=اه ياجرح هجره وبعده الحزن كاسيني
احس العبره بصدري وبين الحنايا تدور=بعد عيونه الحلوه هموم البعد تطويني

[رهب]

العنـود.

اعيش اللحظه من همي و حزني و العذاب شهور = لأن الحزن يسكنـي و يجـري فـي شرايينـي
تملكني سكن قلبي اعتبرني بيته المحـذور = بنى احساسه وسط قلبي تلبّس باقي سنيني
ثلاث سنين يعشقني ويعشق خافقي المقهور = سلبني فرحتي حتى غرس ف الصدر سكيني


رهب.

بديت اصغر تفاصيله و يسري بي شعر وشعور = من الاحساس للمعنى الي اخر حرف يرثينـي
جمعته در بأحساسي ونثرته للمساء من نور = يسافر لآخر اشعوري على مركب عناويني
حمل جرح الزمن عني وحملته من الميسور = تسلح خنجر اطعوني ولا ادري وش نوى فيني
خفايا علتــه عــله يحير بطبــها الدكتــــور = تفرحني وتحزني وتضحكني وتبكيني


ريـاض الهـديرس.
دعيته في سما شوفي وطيّر بالهوى عصفور = وناداه الشعور اللى علـى دربـــه يودينـــي
ذعاذيع الهبوب اللى تمر وخاطري مكســور = وش اللى فيه ذكرني وهو من قبل ناسينـي


عـواد العنـزي.
حنينه ساكنآ قلبي ثمان سنين وفوقه شهور = اه ياجرح هجره وبعـده الحـزن كاسينـي
احس العبره بصدري وبين الحنايـا تــــدور = بعد عيونه الحلوه همـوم البعـد تطوينـي

[حسااس]

فيه تكرار في وقفة الشطر الاول من البيت الأول لكل من العنود وعواد

اذا كان هذا التكرار ما يعيب القصيدة اقول فالكم البيرق


العنود : اعيش اللحظه من همي و حزني و العذاب شهور
عــواد: حنينه ساكنآ قلبي ثمان سنين وفوقه شهور


تحياتي لكم

[عادل مطلق الخالد]

العنـود.

اعيش اللحظه من همي و حزني و العذاب شهور = لأن الحزن يسكنـي و يجـري فـي شرايينـي
تملكني سكن قلبي اعتبرني بيته المحـذور = بنى احساسه وسط قلبي تلبّس باقي سنيني
ثلاث سنين يعشقني ويعشق خافقي المقهور = سلبني فرحتي حتى غرس ف الصدر سكيني



رهب.

بديت اصغر تفاصيله و يسري بي شعر وشعور = من الاحساس للمعنى الي اخر حرف يرثينـي
جمعته در بأحساسي ونثرته للمساء من نور = يسافر لآخر اشعوري على مركب عناويني
حمل جرح الزمن عني وحملته من الميسور = تسلح خنجر اطعوني ولا ادري وش نوى فيني
خفايا علتــه عــله يحير بطبــها الدكتــــور = تفرحني وتحزني وتضحكني وتبكيني

ريـاض الهـديرس.
دعيته في سما شوفي وطيّر بالهوى عصفور = وناداه الشعور اللى علـى دربـــه يودينـــي
ذعاذيع الهبوب اللى تمر وخاطري مكســور = وش اللى فيه ذكرني وهو من قبل ناسينـي



عادل الخالد


ركنته في رهيب الصمت وجاني دمعه المهدور=رجع لي بعد ماحط المسافه بينه وبيني
زهمني ثم لزمني قلت له ياسيدي مشكور= قبل لاتبدي اعذارك دخيلك لا تباريني

[رهب]

رهب والحرف يرهبنيي انا ارهب ظلمة الديجور = احرك هادي اسكونه اذا ثارت براكيني

[معسفة القصيد]

اخوي عاشق يعطيك العافيه على الفكره الاكثر من رائع
وبالتوفيق لكل الشعراء اللي حيشاركوا

[عواد العنزي]

زرعت الحب في قلبي في همس وغلا منثور=حنين الغالي المخلص فراقك حيل يأذيني

[رهب]

سمعت الشعر يزهمني ألبي رغبة الجمهور = ألااا ياحــرفي الوافــي دخيلك لا تخلينــي
شربت البعد من بعدك ولا يروى ظماى بحور = اصبح فى مساي الصبح اذا صوتك يمسيني
صباح الخيـر ياحرفـي مدام انــه علي الـدور = صباح(ن) مايليــق إلا على حضرة محبينــي

[العنود الشيباني]

الف الف صح لسانكم جميع

سبقتيني يارهوبتي وكتبتي في حرف س و ش

بروح وارجع بابيات من باقي الحروف

تحياتي للجميع

[ابو فيصل]

منوريــــــــن



الجميــــــــــــع



الــــــــــف



شكـــــــــراً



لكـــــــــم




والله يعطيكــم العافيــــــــــه...


تقبلو تحياتي وتقديري

[عواد العنزي]

ضلام الليل اسهربه واحن للماضي المذكور=وسرح بطيفك الغالي حبيبي ليه تجفاني
طارقلبي بحبك تعاتبني وانا خافقي مئسور=طال الهجر ماترحم ماغير الهم وحزاني

[ابو فيصل]

مشكور اخوي عواد العنزي

مشاركه غير محسوبه لخروجها عن القافيه ..!!

تحياتي لك

[رهب]

هلا وغلا عاشق..

منور صفحتك ليش ما تشارك معنا ..؟

لا تروح السجن تطلع رياض خله يجلس يومين ..؟

ههههههههههههههههههههههههه

وافر التحايااا

رهب

[ابو فيصل]

هلا وغلا رهب

الصفحه منوره بوجودك

ووجود اخوانا الشعراء


والف شكراً لك.. ولهم جميعاً ..


مقصرتو الله يعطيكم العافيه


وانا من البدايه قايل ابعطي الفرصه لاخواني اعضاء المنتدي


هههههههههههههههههههههههههههههههههههههههه

ذكرتيني إلا ابروح اطلعه بس من بحط بداله

.
.
ههههههههههههه


الله واعلم





ككككككككككككككككككككككككك

[رياض الهديرس]

ابيات جميله



ننتظر




....

[رياض الهديرس]

ضميتك وانت اكثر من خضار ٍ بيّن ممطور = عسى القاك قبل الهم ما يمطر ويرويني


.
.
.
.
.

[عواد العنزي]

اسفين عن المشاركات اخي عاشق

انا من اليوم مستبعد

من المشاركات

لكم تحياتي

جميع

[ابو فيصل]

ســــــــلامات وشفيكــم وقفتــــــــو

توقعت الاقى الالفيه كامله .


انا اخذتني الانفلونزا كم يوم عن المنتدى


عواد العنزي

ليه زعلان يالغالي؟

انت ليس مستبعد انت منا وفينا وشاعر قدير

كل مافى الامر ياعزيزي

انه فاتك الالتزام بالقافيه وتم تنبيهك

لتعديلها . وكذلك ارسلت لك على رسالة شكر واعتذار

تقديراً لدورك ونشاطك بالمنتدى ..

استغربت اعتذارك هنا ؟

لك خالص تحياتي ومودتي

[رهب]

هلا وغلا عاشق وين الغيبات ..؟

وحشتنا كير كثير وفقدتك والله سلامااات ما تشوف شر بس عاد الخفاره لا هنت للتحقيق .. ؟
ما كملنا الاستـاذ غاب قلبنـا نلعـب وخـاطر فتـح السجـن وريـاض يسجـن فينـا تعال شف لك دبـره ..؟
الا الـزعـل ما نبيـه مـرفوض عندنا اخوي عـواد لا توعل وتزعلنا كلنا ..
هلا والله بعـاشـق نلتقـي بالمكتـب للتحقيــق .. ؟

رهب

[ابو فيصل]

هلا وغلا بك رهب

وماتفقدين غالي أنشاءالله


تخفيف ذنوب

وجايكم بالخفاره

الله يعين على رياض وخاطر




الخوف من مكتب التحقيق ,,,, ومحقق المشكله خاطر

بالسجن محدن عليك يويق ,,,, وفى لعبة السجن لا تخاطر


هههههههههههههههههههههههههههههههههههههههههه

[العنود الشيباني]

طلبتك ترفق بقلب (ن) من همومك غدى مفطور = رجيتك خفّف الآمك ونارك دوم تصليني


ظلمت الفرحه بقلبي وصرت بداخلك مأسور = تلذّذ يابعد عيني بعمري لين تفنيني


عذابك بدّد آمالي ...هو الآمر وانا المأمور = يسيّرني على كيفه وهمه بس يشقيني

[رهب]

تفضـل استـاذنـا عاشـق..
___________________

غيابك اجبر الخاطر يظيق ويكشف المستور
تماديت بعذاباتـي وانـا اللي منك يعنينــي


فقدتك والورق يشهد عليك وخاطرن مكسور
إلا يصــدق محبينـي غريبـه ليـه جافينــي

قلطت بعالمي ساحر وانا فى عالمك مسحور
ومابين السحر والساحر مثل مابينك وبيني

وافــر التحـايـا رهـب.

[الاحنف]

:

:



كذا كان الحنين العذب يراودني عليك شهور = يرتب ما بقى من شوق على سكة عناويني
لأن القلب ياصاحب يرفرفر بالصدر عصفور= جناحينه جموح أحساس .. فضاءة مقبل سنيني

:

:

[الاحنف]

إن سمح لي الاستاذ عاشق بجمع القصيدة ،،
أظنها تحتاج قليلاً من الربط بشكل أكثر كتسلسل وبناء
لينتج رتم واحد ومتناسق كل التحايا مع اعجابي بالفكره بلا شك
الحروف من البداية

(( ا ب ت ث ج ح خ د ذ ر ز س ش ص ض ط ظ ع غ ف ق ك ل م ن هـ و ي ))






1. أعيش اللحظة من همي و حزني و العذاب شهور = لأن الحزن يسكنـي و يجـري فـي شرايينـي
2. بديت اول تفاصيله ويسري بي شعر وشعور =من الاحساس للمعنى الي اخر حرف يرثيني
3. تملكني سكن قلبي اعتبرني بيته المحـذور = بنى إحساسه وسط قلبي تلبّس باقي سنيني
4. ثلاث سنين يعشقني ويعشق خافقي المقهور = سلبني فرحتي حتى غرس ف الصدر سكيني
5. جمعته در بإحساسي ونثرته للمساء من نور = يسافر لآخر أشعوري على مركب عناويني
6. حمل جرح الزمن عني وحملته من الميسور = تسلح خنجر أطعوني ولا ادري وش نوى فيني
7. خفايا علتــه عــله يحير بطبــها الدكتــــور = تفرحني وتحزني وتضحكني وتبكيني
8. دعيته في سما شوفي وطيّر بالهوى عصفور = وناداه الشعور اللي علـى دربـــه يودينـــي
9. ذعاذيع الهبوب اللى تمر وخاطري مكســور = وش اللي فيه ذكرني وهو من قبل ناسينـي
10. رهب والحرف يرهبنيي انا ارهب ظلمة الديجور = احرك هادي اسكونه اذا ثارت براكيني
11. ركنته في رهيب الصمت وجاني دمعه المهدور=رجع لي بعد ماحـط المسافـه بينـه وبينـي
12. زهمني ثم لزمني قلت لـه ياسيـدي مشكـور=قبـل لاتبـدي اعـذارك دخيلـك لا تبارينـي
13. سمعت الشعر يزهمني ألبي رغبة الجمهور = ألااا ياحــرفي الوافــي دخيلك لا تخلينــي
14. شربت البعد من بعدك ولا يروى ظماى بحور = اصبح فى مساي الصبح اذا صوتك يمسيني
15. صباح الخيـر ياحرفـي مدام انــه علي الـدور = صباح(ن) مايليــق إلا على حضرة محبينــي
16. ضميتك وانت اكثر من خضار ٍ بيّن ممطور=عسى القاك قبل الهم ما يمطـر ويروينـي
17. طلبتك ترفق بقلب (ن) من همومك غدى مفطور=رجيتك خفّـف الآمـك ونـارك دوم تصلينـي
18. ظلمت الفرحه بقلبي وصرت بداخلـك مأسـور=تلـذّذ يابعـد عينـي بعمـري ليـن تفنينـي
19. عذابك بدّد آمالي ...هو الآمر وانـا المأمـور=يسيّرني علـى كيفـه وهمـه بـس يشقينـي
20. غيابك اجبر الخاطر يظيق ويكشف المستور=تماديت بعذاباتـي وانـا اللي منك يعنينــي
21. فقدتك والورق يشهد عليك وخاطرن مكسور=إلا يصــدق محبينـي غريبـه ليـه جافينــي
22. قلطت بعالمي ساحر وانا فى عالمك مسحور=ومابين السحر والساحر مثل مابينك وبيني
23. كذا كان الحنين العـذب يراودنـي عليـك شهـور=يرتب ما بقى مـن شـوق علـى سكـة عناوينـي
24. لأن القلب ياصاحب يرفرفـر بالصـدر عصفـور=جناحينه جموح أحساس .. فضاءة مقبل سنيني



1 - 3 – 4 – 17 - 18 - 19 --- ( العنود الشيباني )

2 – 5 - 6 - 7 - 10 - 13 - 14 - 15 - 20 - 21 - 22 --- ( رهب )

8 - 9 - 16 --- ( رياض الهديرس )

11 – 12 --- ( عادل الخالد )

23 - 24 --- ( الأحنف )



كلها التحايا لكم ...
ولا أعلم هل مسموح للشعراء تكرار الحروف أو الأكمال من حيث وقف أخر مشارك وهل يجوز تكرار كلمات القافيه في العجز والصدر .. بقي من الحروف ( م ن هـ و ي ) حيث النهاية كانت عند حرف ( ل )



:
:
:

[تراحيب]

متى الفرحه تجى وتعانق ايامي بدون اقصور = واودع حزنى اللى صار مع ظلى يبارينى
نهيت القلب مير القلب مثلي للشقا مجبور = يسريه الغلا درب العنا حتى يسريني
هنا حزن وهنا ضيق وهنا دمع الغلا منثور = وهنا شوق وهنا هم وهنا يالله تعافيني
وقف نبض وهما دمع وتعب قلب ونزفت شعور= ولا القي من يواسينى ولا القي من يعزيني

[العنود الشيباني]

الله الله

صح لسان الجميع

[العنود الشيباني]

عاشق

ليه ماتكتب البيت الأخير؟؟؟

أنت لازم تشارك

[ابو فيصل]

تسلمـــــــــــــــــــــوووووووون يارائعيييييييييييييييييين



الله يعطيكم الف عافيه

رفعتو المعنويات بتجاوبكم الرائع وابداعتكم الرائعه


وصار عند الواحد جراءه بالبحث عن الافكار الجيده والمفيده


وماقصرتوا جميعا بيض الله وجوهكم ...




وانا عند وعدي بإذن الله


ياليت احد لاخوان بتكرم مشكوراً يجمع القصيده

وينسق المشاركات


تحياتي لكم جميعا ً

[رياض الهديرس]

صح لسان كل من كتب بيت




مودتي للجميع



.
.

[الاحنف]

بسم الله الرحمن الرحيم

تفضل يا عاشق



1. أعيش اللحظة من همي و حزني و العذاب شهور = لأن الحزن يسكنـي و يجـري فـي شرايينـي
2. بديت اول تفاصيله ويسري بي شعر وشعور =من الاحساس للمعنى الي اخر حرف يرثيني
3. تملكني سكن قلبي اعتبرني بيته المحـذور = بنى إحساسه وسط قلبي تلبّس باقي سنيني
4. ثلاث سنين يعشقني ويعشق خافقي المقهور = سلبني فرحتي حتى غرس ف الصدر سكيني
5. جمعته در بإحساسي ونثرته للمساء من نور = يسافر لآخر أشعوري على مركب عناويني
6. حمل جرح الزمن عني وحملته من الميسور = تسلح خنجر أطعوني ولا ادري وش نوى فيني
7. خفايا علتــه عــله يحير بطبــها الدكتــــور = تفرحني وتحزني وتضحكني وتبكيني
8. دعيته في سما شوفي وطيّر بالهوى عصفور = وناداه الشعور اللي علـى دربـــه يودينـــي
9. ذعاذيع الهبوب اللى تمر وخاطري مكســور = وش اللي فيه ذكرني وهو من قبل ناسينـي
10. رهب والحرف يرهبنيي انا ارهب ظلمة الديجور = احرك هادي اسكونه اذا ثارت براكيني
11. ركنته في رهيب الصمت وجاني دمعه المهدور=رجع لي بعد ماحـط المسافـه بينـه وبينـي
12. زهمني ثم لزمني قلت لـه ياسيـدي مشكـور=قبـل لاتبـدي اعـذارك دخيلـك لا تبارينـي
13. سمعت الشعر يزهمني ألبي رغبة الجمهور = ألااا ياحــرفي الوافــي دخيلك لا تخلينــي
14. شربت البعد من بعدك ولا يروى ظماى بحور = اصبح فى مساي الصبح اذا صوتك يمسيني
15. صباح الخيـر ياحرفـي مدام انــه علي الـدور = صباح(ن) مايليــق إلا على حضرة محبينــي
16. ضميتك وانت اكثر من خضار ٍ بيّن ممطور=عسى القاك قبل الهم ما يمطـر ويروينـي
17. طلبتك ترفق بقلب (ن) من همومك غدى مفطور=رجيتك خفّـف الآمـك ونـارك دوم تصلينـي
18. ظلمت الفرحه بقلبي وصرت بداخلـك مأسـور=تلـذّذ يابعـد عينـي بعمـري ليـن تفنينـي
19. عذابك بدّد آمالي ...هو الآمر وانـا المأمـور=يسيّرني علـى كيفـه وهمـه بـس يشقينـي
20. غيابك اجبر الخاطر يظيق ويكشف المستور=تماديت بعذاباتـي وانـا اللي منك يعنينــي
21. فقدتك والورق يشهد عليك وخاطرن مكسور=إلا يصــدق محبينـي غريبـه ليـه جافينــي
22. قلطت بعالمي ساحر وانا فى عالمك مسحور=ومابين السحر والساحر مثل مابينك وبيني
23. كذا كان الحنين العـذب يراودنـي عليـك شهـور=يرتب ما بقى مـن شـوق علـى سكـة عناوينـي
24. لأن القلب ياصاحب يرفرفـر بالصـدر عصفـور=جناحينه جموح أحساس .. فضاءة مقبل سنيني
25. متى الفرحه تجى وتعانق ايامي بدون اقصـور =واودع حزنى اللى صار مـع ظلـى يبارينـى
26. نهيت القلب مير القلب مثلي للشقـا مجبـور =يسريـه الغـلا درب العنـا حتـى يسرينـي
27. هنا حزن وهنا ضيق وهنا دمع الغـلا منثـور =وهنا شوق وهنـا هـم وهنـا يالله تعافينـي
28. وقف نبض وهما دمع وتعب قلب ونزفت شعور =ولا القي من يواسينى ولا القي مـن يعزينـي



1 - 3 – 4 – 17 - 18 - 19 --- ( العنود الشيباني )

2 – 5 - 6 - 7 - 10 - 13 - 14 - 15 - 20 - 21 - 22 --- ( رهب )

8 - 9 - 16 --- ( رياض الهديرس )

11 – 12 --- ( عادل الخالد )

23 - 24 --- ( الأحنف )

25 - 26 - 27 - 28- ------ ( تراحيب )

[خالد الدغيلبي]

صباح الفل

اخبر حروف الهجاء ثمانيه وعشرين وش جابها تمانية عشر في اول الموضوع
’’
’’
’
اخ عاشق
اتمنى اقرالك قصيده
بصراحه ابي اشوف مستوى
اللي مايرد على قصايدنا ويقيم
القصايد ويثبتها على كيفه
,
,
تحيتي

[تراحيب]

يظل حضورنا داخل رهب مامثله اي حضور = تحت اسم السدارى ننقش صدور الدواويني

[رهب]

للرفع

[ليل]

http://www.yesmeenah.com/smiles/smiles/50/e%20(112).gif

[ابن روق]

صح السنتكم جميعا

تقبلوا مروري

تحياتي

[عواد العنزي]

من لا يصون الحب خله على خطاه=ماينزعل على اهل النفوس الدنيه
راعي الخيانه وش تبي بهواه=لاصار هو بدى عليك الرديه
خله على دربه ولاتجي مسراه=مافكر المذكور بعهد خويه
كم واحدٍ مثله وابليس اغواه=قليل من يملك الئراده القويه

[محمد الروقي]

صحت السنتكم وقلووبكم


وابدعتم جميعكم ..


وانا عندي اضافة رأي بسيط


ان القصيده بعد ماتكتمل وتصل إلى حرف الياء ان تضع في موضوع مستقل ومثبت ومقفل في قسم بيت القصيد من قبل المشرف والموضوع هذا خاص بالقصائد بعد ماتكتمل


ويتم التجديد بقصيده آخرى في هذا الموضوع ..واذا انتهت يتم نقلها إلى القصائد الآخرى



اذا انتم موافقين خلونا نبدا من جديد بقصيده آخرى



تحيااتي

[عواد العنزي]

مريت في هك الطوال المراقيب
وقريـت ماهومصـوب كنينـي
حروف فيها وافي العهد والطيب
وقمت اتذكرمامضى من سنيني