مجموعة احساسيس

[يفوق الوصف]

لي ذاكره ما غبت عنها دقيقه

أشغلتها بالحيل في كل الأفكار

ولي قلب لو ينسى البشر والخليقه..

إلا أنت ما ينساك لو صار ما صار
*****


حلفت باللي غيب الشمس مناك ..
والصبح بأمر تظهر الشمس منا . .
إن أسعد الأيام شوفك ولقياك . .
وإن أقشر الأيام لاغبت عنا . .
ودك تلاقيني وودي بلقياك . .
لكن ظروف الوقت ما ساعدنا
*****

على البال
حتى لو قل السؤال
مقصرين!
بس ترى البال وافي
ماينشغل عنك ولو كله أشغال
ماتغيب!
عنه ولوطال التجافي
نعطي الوفا للي جزا الحب بإهمال
وشلون باللي يحبنا
.... (حب صافي) ....

*******

اغلـيـــــك .. من قـلبــي
ومــن روحـي اغلــيـــك
وافراح عمري تكتمل في ملاقاك
كلك حلى سبحان منهو مسويك
يا مجملك في عين قلبي ومحلاك
زود على حسن طبوع تحليك ..
تفـــرقك عن هـــذا .. و هـــذا
وهــــــــذااااك****

فيك الأمل لا ضاقت الدنيا علي

فيك الفرح لا زادت جروح الأيام

و فيك الوفا لاحتجت بدنيتي انسان

و فيك المحبة واضحه دون عنوان

باختصار :

ღ انت ღ

الدفا لا ذبحني برد الأحزان**********

أنا رفيقك لا قسى الوقت وأكفيك"
ولاني من اللي وقت المصالح يجونك"
أعزك يا صاحبي بكل ما فيك"
ومن كثر ما اعزك صرت اعز اللي يعزونك"
أفتخر لا قلت إني مخاويك"
يا منبع الطيب قلبــــــــك والصفا في عيونك"



أنتهت...

من احاسيسي

يفوق

[رهب]

يفوق وربي ابدعت ..

هلا وغلا بك اخوي طمني عنك ..؟

وان شاء الله تهون غربتك وانا اختك وتعود سالم..

واشكر تواجدك الا اني اتمنا ان تهتم بدراستك وعلمك اكثر واكبر وقت .. ؟

والمنتدى باقي ينتظرك ويفتقدك.. واشكر حرصك والا الوفاء كلك وفاء وانا اختك .؟

الله يرجعك بالسلامه لوطنك واهلك يا رب سالم غانم ..

وافر التحايا

رهب

[شعاع الشمس]

صح احساسك
يفوق كلمات رائعه
بروعة صاحبها
ما اجمل ما سطره قلمك
تحياتي لك

[يفوق الوصف]

اولا اسعدني مرورك الذي شرفتي به متصفحي وعطرتيه

انا بخير وبسرك الحال من افضل الى افضل ..

ودراستي الحمدلله تمام ابشرك

ولا هو بناقصني الا دعواتكم وشوفتكم بكل خير يارب..


المنتدى هو بيتي هنا وهو الوصل بيني وبينكم وبيني وهو الونيس والي يشعرني اني بينكم وبين اهلي

وربعي ..


الوفاء ماتعداكم اختي العزيزه رهـب

وصدقيني باذن الله ماشي بيمنعني عن دراستي ومستقبلي وهي من اولوياتي وانتم هنا من اولوياتي بعد


والله يسمع منك يارب والله يرجعني لديرتي واهلي مرفوع الرأس


ولا هو بغريب عليك الحرص علينا .. دائم انتي راعية الاولة وراعية الواجب ولا يحلقك احد بفعالك



اميرتنا رهب تحيه لك من اخوك والله يحفظك ويصونك ويخليك لنا

[يفوق الوصف]

اسعدني مرورك وتواجدك اختي شعاع الشمس

اشرقتي بمتصفحي بروعة قلبك العذب

تحيه لك


دمتي بود

[وعد]

لي ذاكره ما غبت عنها دقيقه

أشغلتها بالحيل في كل الأفكار

ولي قلب لو ينسى البشر والخليقه..

إلا أنت ما ينساك لو صار ما صار
&

&

&

&
ماااروع احساسك

وان شاء الله ترجع بالسلامه


تحياتي لك

[رياض الهديرس]

أحاسيسك جميله مرات الغربه تأتي بشي نعجز عنه كلنا



مودتي