محمد العياده
01-21-2008, 03:56PM
مرت يخالط عطرهـا نفحـة العـود=مرت كما المعتاد باسلوبهـا الـذرب
مرت معاها حـب وشمـوع وورود=مرت وخلت حيرتي باوسط الـدرب
فيها الحلا طاغي ولايعـرف حـدود=ومن الصفات مغرّده خارج السـرب
بين الزهور اليانعه تطلـب الـزود=والشهد بين ايدينها يطلـب القـرب
الياضحكت ياكنهـا مكسـب النـود=طاح المطر وبروقها تلتعـج غـرب
ياوجد حالـي كنهـا فـرز عنقـود=حريف قَصّـه للتعاليـل والشـرب
وش عاد لو البال ضايق ومشـدود=يلقى معاهاجـوه الرايـق الطـرب
وقت الدلع/أقرب مثل/ورع مقـرود=يبغى يحفظ بالعفرته جدول الضـرب
حب وسلام وخيرفي عيـن مولـود=والعين الاخرى تمتلك دفّة الحـرب
حسبي عليها واجمـل العمرمحـدود=والخوف تقضي زهوته باوسط ادرب
مرت معاها حـب وشمـوع وورود=مرت وخلت حيرتي باوسط الـدرب
فيها الحلا طاغي ولايعـرف حـدود=ومن الصفات مغرّده خارج السـرب
بين الزهور اليانعه تطلـب الـزود=والشهد بين ايدينها يطلـب القـرب
الياضحكت ياكنهـا مكسـب النـود=طاح المطر وبروقها تلتعـج غـرب
ياوجد حالـي كنهـا فـرز عنقـود=حريف قَصّـه للتعاليـل والشـرب
وش عاد لو البال ضايق ومشـدود=يلقى معاهاجـوه الرايـق الطـرب
وقت الدلع/أقرب مثل/ورع مقـرود=يبغى يحفظ بالعفرته جدول الضـرب
حب وسلام وخيرفي عيـن مولـود=والعين الاخرى تمتلك دفّة الحـرب
حسبي عليها واجمـل العمرمحـدود=والخوف تقضي زهوته باوسط ادرب