يا بلادي مالك بقلبي شريك

[نجد الضاوي]

ياوطن شعبٍ حضنته بين ايديك=يرخص الغالي ويفدى به ثراك

الاصل يارث وعهده مانسيك=لك رجالٍ ما تهاب اللي جفاك

الشموخ اللي بدابك ينتهيك=مجدك الغالي رويته من عطاك

ديننا هو رايتك منك وفيك=بيرقك عالي يغنّي في سماك

تاجنا بالدين وبلاد ومليك=جندنا عزّه وفخره في حماك

دام أبو متعب بقلبه محتويك=كل فردٍ في السعودية معاك

قادك وصدق المشاعر ترتجيك=من عروقه تحتوي صدرٍ رواك

سيفنا للحق يضرب م يعصيك=يشهد التاريخ مع هذا وذاك

يمحي منهو بالمعادى يلتقيك=صارم وحزمه شديدٍ للهلاك

هذا بو تركي ملكنا ما نسيك=وحّد قفار الصحاري ثم شراك

يجهل التاريخ من ينكر عليك=ذا صهيل خيولنا يروي ضماك

يا بلادي مالك بقلبي شريك= وحدك وتملك فؤادي من غلاك

قبلة الاسلام والطهر ونبييك=يفتخر منهو تعنّاك ونصاك

عيدك اللي بالفرح دايم يجيك=فاحت عطور الاصايل من شذاك

ياوطنا ذا قصيدي ما وفييك=تعجز حروف المعاني في رضاك

[الإدمي]

يعطيك الف عافيه يالغلا
طرح اكثثثثثثر من راائع
ماننحرم منك ولا من جديدك المميزز كاطرحك الرائع
تقبل مروري )=

[سفير المعاني]

الغالية
الشاعره
نجدالضاوي




حياك الله واهلا وسهلا بك ومن حضر ما غاب

والله انه يسعدك ويوفقك بجميع الاوقات بالخير

واسعدني كثيرا ان اكون ثاني المصافحين لهذه

القصيده الاجمل من جميلة والاروع من رائعة بما

تحمله من معنى ومضمون بما صورته بفكر نظيف

باليوم الوطني وحب الوطن ومن على ارضه الطيبة

وليس هذا بمستغرب على شاعرة مثلك دائما مبدعه

وصح لسانك وعلا شانك مليون ولا يكفون




وتقبلي تحياتي