القصايد على غيرك حرام (( عزيز محيسن الحميداني ))

[عزيز محيسن]

السلام عليــــكمـ.....



____


جيت عقب الغياب مع الغمام...
.....جيت والشوق يمشي بالوريد


جيت نورٍ يصحيه الظلام...
.....لاتنفس على اليوم الجديد


من عرفتك وعيني ما تنام...
.....اكذب اني بكل لحظه سعيد


المشاعر من اسبابك صيام...
.....كل جرحٍ على فعلك شهيد


مركب العمر ياشط الغرام...
.....ما يساعد زماني والقصيد


اتحمل عتابك والملام...
.....وانت همك عليَه يا عنيد


بعض الاحلام لو كانت مرام...
.....خطوتي دون غيرك ماتفيد


انت حلمي قبل كل الانام...
.....يا قريبٍ على قلبي بعيد


القصايد على غيرك حرام...
.....مثل من يمدح الشخص البليد


دمعك اللي جرا خلف اللثام...
.....جدد بروحي الحب الوحيد


والعتب ذاب في ملح الكلام...
.....يا حبيبي جعل عمرك مديد


, عزيـــز محيســـن

[سفير المعاني]

الغالي
الشاعر
عزيز محيسن



والله انه يسعدك ويوفقك بجميع الاوقات بكل خير

كما اسعدني كثيرا ان اكون اول المصافحين لهذه

القصيده الاجمل من جميلة و الاروع من رائعه

بما تحمله في طياتها من حب واحساس راقي

وصح لسانك وعلا شانك مليون ولا يكفون










تقبل تحياتي

[احمد العليان]

الشاعر
عزيز محيسن

صح لسانك وقصيده في منتهى الجمال