برجك العاجي ؟!

[منصور الرويلي]

ياعطر شوقي .. ياصّفوة مزاجي = يانبض شعري .. يامواطن حروفي

همسك دوافع فرحتي وأبتهاجي = وشوفك يبدد كل حزني وخوفي

من غيّبتك بان الحزن وأنزعاجي = وتجمّعت من دون وصلك ظروفي

صار الزلال العذب مثل الهماجي = والنار شبت في معاليق جوفي

ماينعقد من ضيق وقتي جحاجي = لاعلنت من بعد المسيره وقوفي

تعبت أضحّي وأنت في برج عاجي = وأنا على النوماس يابعد شوفي

أخترت عن برجك شموخ الفجاجي = حفظت ماء وجهي بشذرة سيوفي

رحلت في شيمة عقاب العواجي = وشموخ ربعي مكرمين الضيوفي

ما الله خلقني للوهم والمّناجْي = وكسر الخواطر ماوراها أحسوفي

ماهمني لو قلت شاعر مزاجي = بس الاكيد الحر طبعه عزوفي

البوم مايشبه لفرخ الزراجي = فرق الاصايل والكدش بالوصوفي

كم بارقٍ يقفاه ريح وعجاجي = وكم رمح صوبني برجوى أحتوفي

مايرتجل أخذ القرار المفاجي؟ = الا جزومٍ بالعهد دوم يوفي

وأنا عزيز النفس ماني براجي = لو القوافي تشتعل من كفوفي

الريح هب وبحر الافكار هاجي = وعلى ضفافه جيت أبعلن عزوفي





.



.

[الفلاحي]

هــمـــســـك دوافــــــــع فــرحـــتـــي وأبــتــهــاجـــي
وشـــوفـــك يـــبـــدد كــــــل حـــزنــــي وخـــوفــــي
مــــن غـيّـبـتـك بــــان الــحــزن وأنـزعــاجــي
وتجمّعـت مـن دون وصـلـك ظـروفـي


تسلم يا مبدع

نص غارق بالابداع

تحااااياي

[خالد البرمان]

مايرتـجـل**أخــذ**الـقـرار**المـفـاجـي؟الا**جـــــ زومٍ**بـالـعـهــد**دوم**يــوفـــي


رائع يابو نايف وشهادتي جد مجروحة

لكن الجمال يجبرنا حضوره



صح لسانك ملايين


وتقبل اجمل تحية م القلب