الغزال الشرودي

[راعي العليا]

يا مرحبا بك يالغضي ظبي الانفاد= والف ن هلابك يا الغزال الشرودي
زين الحلايا صاحبي غض الانهاد=نجل ن عيونه ناعساتن وسودي
العنق عنق الريم مع وسط الاجراد=يتلي مخاشيف المها والعنودي
ابو ثمان ن منبرد ديم لماع= من عقب سحب ن قافيات ن رعودي
بطن الاصيل ليا شعشعت بأول طراد=والردف نابي ليا مشت مع سنودي
شب اللهيب بضامري والغلا زاد= غلاه بقلبي كل يوم ن يزودي
يا ما جرى ما بيننا عهودواسناد=نجم المجرة والنعايم شهودي
بيني وبينه شر مبغض وحساد= انا اشهد اني في هواه محسودي
ونيت انا ونة طريح ن على وساد=عينه سهيرة والخلايق رقودي
وجضيت انا جضة خلوج ن مع اذواد= غادي ولدها مع مجاهيم ذودي
يالله ياللي له الخلق سجاد= يا رب لا ترزق خطاة الحسودي

بقلم راعي العليا

[سفير المعاني]

الغالي
الشاعر
راعي العليا






اهلا وسهلا بك بعد غياب طال علينا

الله انه يسعدك ويوفقك بجميع الاوقات بكل خير

اسعدني ان اكون اول المصافحين لهذه

القصيده الاجمل من جميله والاروع من رائعه

والجزله من شاعر متمكن له باع طويل

وصح لسانك وعلا شانك مليون ولا يكفون


تقبل تحياتي

[فواز علي الروقي]

صح لسانك وعلاء شانك

لاهنت ولاهان راسك

تحياتي وتقديري لك

[احمد العليان]

راعي العليا

احساس وصور جميله

زينت بها نصك

صح لسانك

[راعي العليا]

الغالي
الشاعر
راعي العليا






اهلا وسهلا بك بعد غياب طال علينا

الله انه يسعدك ويوفقك بجميع الاوقات بكل خير

اسعدني ان اكون اول المصافحين لهذه

القصيده الاجمل من جميله والاروع من رائعه

والجزله من شاعر متمكن له باع طويل

وصح لسانك وعلا شانك مليون ولا يكفون


تقبل تحياتي

اخي
الكريم سفير المعاني
كم كانت سعادتي كبيرة بتشريفك الذي تشرفت به وانت كما عهدتك رائع في كل في كل شئء دمت كا تحب0

[راعي العليا]

صح لسانك وعلاء شانك

لاهنت ولاهان راسك

تحياتي وتقديري لك

اخوي فواز
اشكرك من الاعماق على مرورك الذي اسعدني وتشرفت به دمت كما تحب0

[خالد البرمان]

والله ونعم يابو فواز



وصح لسانك




وتقبل التقدير والود والاحترام لسمو روحك