راس السنه والطير... 2013

[أنا]

راس السنه .. العام .. في شانز .. باريس=وهاذ السنه .. مقناص .. أطلس .. وطانطان

إهناك .. بين أضواء .. عقد .. وفوانيس=وهنا .. حطب .. والليل .. مشتب نيران

نارن حطبها .. مثل شهبن .. مقابيس=على جمرها .. فاحت .. دلال رسلان

العام مرتبكه .. مشااعر واحاسيس=وهاذ السنه .. الموود .. مزيان .. مزيان

الفرق واضح .. مايبي له .. مقاييس=و(أنا)بجو البر .. ياسعود .. فرحان

لاعود .. يعزف لي .. ولابه مراويس=صوت المطر .. ف اجيوبنا .. منه طربان

تحت النجوم .. اللا معات النواعيس=أحيان وبل .. واكثر الوقت .. هتان

وسبر الظباء .. ومخاتل الوعل .. والتيس=وطرد الحبارا .. بااشقر الريش .. شقران

وصلاة فجر .. وفوح زهر .. ونسانيس=ومسراحهن .. مع فجة النور .. شيصان

يسوقها اللي .. كاسبن .. ل النواميس=أهل الشيم .. والطيب .. ذربين ألايمان

اخوان وابناء عم .. قدوه .. واشاويس=بواردية صيد .. ظفران شجعان

مافيهم اللي .. يستمع .. ل اللساليس=ولافيهم اللي .. في رفاقته خوان

ياعل تفداهم .. وجيهن معابيس=شذابة المقفي .. بغيبه .. وبهتان

من روسهم .. عند المواجه .. مناكيس=ومقدارهم .. عند الرياجيل .. حقران

الهيس .. مهما ترفعه .. مرجعه هيس=اقصى طموحه .. لارضن عنه .. نسوان

لاصاح لطيوره .. ولا رافق العيس=ولارقى .. روس المشاريف .. عطشان

ولا سرى ليله .. بوعر التضاريس=مابين بيته .. واستراحته .. سهران

هاذي حياته .. ياحياة المفاليس=ويظن .. إنه بالبشر .. أفضل إنسان

على حياته .. يوزن الناس .. ويقيس=وعلى رداته .. يحسب الناس .. رديان

مايدري إنه .. أنتن الناس .. ومخيس= تقصر يدينه .. عن مجاراا .. كحيلان

يالله دخيلك .. من حياة .. الدنافيس=عفنا وشمنا .. عن دنائات .. خبلان

وياسعود أسئلتك .. تثير الهواجيس=وانته تعرف .. اخوك .. حساس وانسان

اذا زعل يكسر .. خشم .. عقرب ابليس=واذا رضى .. شال اللحن .. دان يادان

تسأل وتضحك .. يابعيد المراميس=وتقول .. بين العام .. واليوم شتاان

العام نكشخ .. ف أحتفالات .. باريس=وهاذ السنه .. ف البر ..سحمان شهبان

والمدريقال ..وجلسة الفيس .. توفيس= عنها اخذنا .. الطير ..ياطير حوران

ياسعود .. شف فعل .. الحرار القرانيس=صقارهن ياسعود .. ماجاه خذلان

وشف .. مضرب البندق .. بحدبن مقاويس=بااعلى .. كتوف الظبي .. ياسعود ثقبان

مدخالها .. مخراجها .. من بعد قيس=موزونتن .. ع العنق .. تصويب فنان

تسلم يدينن .. كاسبه .. ل النواميس=وتبت رخومن ..فعلها .. حكي سفهان

ياسعود ..إيه العام .. في حفل .. باريس=وهاذ السنه ..قناص .. اطلس وطانطان

والفرق واضح .. مايبي له .. مقاييس=والمود .. ويّا الهارت .. مزيان .. مزيان

العود فاح .. وذعذعت به .. نسانيس=والشهب تتنزل ..على راس شيطان

واخوك دون .. فوق .. بيض القراطيس=راس السنه .. والطير .. ل النص عنوان

[احمد العليان]

اخوان وابناء عم .. قدوه .. واشاويس
بواردية صيد .. ظفران شجعان
مافيهم اللي .. يستمع .. ل اللساليس
ولافيهم اللي .. في رفاقته خوان


والله كفو بك وباخوياك وهاذي الرفقه اللي تنشرى

شاعرنا أنا قصيده فوق الوصف

تحيه خاصه لك

[سفير المعاني]

الغالي
الشاعر
اااااانااااااا

الله انه يسعدك ويوفقك بجميع الاوقات بكل خير

كما انه اسعدني ان اكون ثاني المصافحين لهذه

القصيده والرائعه بكل ما تحمله الكلمة من معنى

والاجمل فيها التصوير الحقيقي المتناقض من جو

المدينه واحتفالاته الى جو البر ولفح برده وامطاره

ولكن له قيمته اللتي لايختلف عليها اثنين والسبب

المدينه بجميع ترفها ملحوق عليها اما القنص فوقته

شبه مقنن لقد ابدعت بصياغة القصيده بحروف ذهبيه

وهذا غير مستغرب من شاعر جزل ومتمكن بحجمك

وصح لسانك وعلا شانك مـــــــــدد بلا عـــــــــدد





تقبل تحياتي

[العتيبي]

صح لسانك حتى ترضى
لاجديد دائما في القمه
متعطش لما هو قادم استاذي
لاهنت

[عبدالله حاشم الشمري]

والله والف نعم

بـ الطيبين و اللي يرفعون الراس

وجودهم رفع من شأن الشعر


ها هنا



صح لسااااااانك

[خالد البرمان]

والله ونعم ياخلوق


واحسن مقناص





الـفـرق واضــح .. مايـبـي لـــه .. مقـايـيـس
و(أنـا)بـجـو الـبــر .. يـاسـعــود .. فــرحــان


لايكون الاخ القدير الشاعر سعود فرحان معكم:d




رائع في كل المقاييس كـ العادة عزيزي أنــا




اجمل تحية م القلب

[شاعر الاحساس]

صح لسانك

ابدعت يا انت بكل المقاييس

ولله درك وسلم فكرك وبنانك

ولك كل التحايا والتقدير

[متعب]

العزيز/أنا

صح ألسانك رائع

الـعـام نـكـشـخ .. ف أحـتـفـالات .. بـاريــس

وهـاذ السنـه .. ف البـر ..سحمـان شهـبـان

[ترانيم المطر]

نص فاق الوصف عذوبه وتصوير وجمال
لله درك ولا هان مغليك
تحياتي

[عبدالعزيز محمد الشلوه]

انا يسعد صباحك شاعر ما فيك حيله لله در ك والى الامام شاعرنا

[كلاس]

هذا العام بقي منه اقل من شهر ننتظر قصيده تليق بفترات انقطاعك ومدة انتظارنا

امر على قصائدك القديمه المتجدده
اتأملها واستمتع بها
واتوقف مرات كثيره في محاولة ان اجد مايليق بالمداخله
فأجد الأخوه الاعضاء قد سبقوني بمشاعر ومفردات تليق بك
لذالك اكتفيت لفتره طويله بالمتابعه دون المداخله
ولكن هذا المساء مررت على بعض قصائدك وهذه القصيده الباذخه
اثارت المشاعر

وفقك الله في غربتك واعادك سالما غانما