سفير المعاني وَ الحب قتال !

[مغمور]

السلام عليكم ، ويسعد الله اوقاتكم :r:

قصيدَة جديدة والفضل يعود لزميلنا سفير المعاني اللي حرّك الهاجس الشعري (الراكد) عندِي
في قصيدته (اليوم جاني هاجس الشعر بالحال ) والحقيقه ان القصيدة جزله ، ولكن أنا أخالفه
بالرأي حول مقولة "الحب قتال "

والاختلاف بالرأي لا يفسد للود قصيدة :)



شعار وقتن فات غنوا بالاطلال = كلن يهوز الفارقة والمهيله
انا اشهد ان الحب يا ناس قتال = هم الدجيما راح به من خليله
ومسلّم اللي ذب عمره من الجال = افراق مضنونه ضعف فيه حيله
غنواْ مثايلهم بزينات الامثال = در البحر من نقوته يا عميله
وسفيرنا جاير عليهم بما قال =(غلطوا ولا عرفوا لحب الفضيله)
لا والله الا الحب سِلٍ وسلال = ينهش ضلوع اللي لفاه يعني له
لمنّ بوسط الروح حط اله منزال = شوق الفواد اللي رموشه ظليله
عنق الغزال اليا تذير مع اللال = وعيون حرن لا كفخ في سبيله
مشيه بهونه لا تسرّع ولا اعجال = ولا مرّته ذعذاع نودٍ تميله
لا اقبل مثل غيثٍ همى وواديٍ سال= وليا تقافا مثل خيلٍ اصيله
يا عنوة اللي عن مقابله رحّال = ويا طيب من راعاه واصبح حصيله
عز الله انه يهتني به ليا طال = يروى ضماه بعذبه وسلسبيله
على النقا ماهو تدرّاق وهبال = طهر الدروب وطيب قلبٍ يشيله
والله يجملنا على كل منوال = يا ذخر تلعات البيوت الجزيله
يا شاعرٍ ما ينطح القيل والقال= عنتيت والعنتيت من يرتكي له
ماهوب عيٍ بكفخه كل عيّال = ما يتبع الا من يكثّر قليله
تومي به فعوله على راس الاقذال = رداه من صدره طفح في شليله
عسَى مثليه فدوة لطيّب الفال = وعسى حياته بين طيحة وميله
ودورة زمنّا غيرت كل الاحوال = يالله تاقانا الخطا والرذيله
لا خير فيمن ينتهج خلف جهّال = لن ضاق ما حصّل حدٍ يشتكي له
والمال ما يصنع رياجيل وابطال = لكن زمنّا حقق المستحيله
والوقت مدهال الغباين والاهوال = ما ينتسلّم ل إغدره واتحويله
وغناتنا ماهيب بجنيه وريال = وليا ملكناها همومٍ ثقيله
غناتنا بنفوس قنعا ولو مال = فيها زمنّا ما تعوّد ذليله
وايامنا تسري الى حين الاجال = وخيارنا من حط دينه دليله



وسلامتكُم

:r:

[زمان العجايب]

قصيدة تستحق أن يعاد قراءتها أكثر من مرة حتى يتسرب جمالها إلى أعماق الذائقة

ومابين الصدى والصوت جسر من المفردات والتراكيب والحس الشعري الراقي

مغمور

صح اللسان وسلم اليراع

يـ نبل

[خالد البرمان]

شاملة
كافية
وافية
حكمة
صدق












صح لسانك





مع اجمل تحية وتقدير







وسفيـرنـا جـايـر عليـهـم بـمـا قــال
(غلطوا ولا عرفوا لحـب الفضيلـه)
لا والله الا الـحــب سِــــلٍ وســــلال
ينهـش ضلـوع اللـي لفـاه يعنـي لـه

[سفير المعاني]

الغالي
الشاعر
مغمور


الله انه يسعدك ويوفقك بجميع الاوقات بكل خير

واسعدني وسرني كثيرا ان اكون ضمن المصافحين

لهذه القصيدة الشامخه بما ورد بها من معنى

ومضمون رائع وخاصة انه من شاعر بحجمك

له المام بالتاريخ والاحداث وخاصة بالحب العذري

القديم والف شكر لك على هذه القصيدة اللتي

اشرت بالمقدمه انها ولدت بعد قصيدتي ومعك

الحق بجد وانا نظرت بمنظار حديث اما قديما فانا

متأكد ان الحب قتال اكرر شكري وامتناني لك

وصح لسانك مــــــــــــدد بــلا عــــــــــــــــدد




وتقبل تحياتي