احمد العليان
12-09-2012, 05:48PM
توفي احد اقاربي (رحمه الله ) وحضرنا للعزاء ولفت انتباهي بنته الصغيره وهي حزينه مكسورة الجناح وقد كتبت هذه القصيده على لسانها وقلت /
ابوي لا تتركني مع سود الليال
وحدي ونا توي صغيره ماهتدي
ونا بجنبك لا هيه لعب ودلال
ماقوى على صبح ٍ يجيني اوحدي
كنت اذخرك في حزة العسر الثقال
واليوم مع صفق الهبايب مفردي
ونته معي يمناك يمنايه طوال
اختار لو اجمع سهيل ٍ والجدي
تشيل همي وانحنى ظهرك ومال
وماحسبت احساب وقت ٍ معتدي
لا من ذكرتك بين حلم ٍ او خيال
اعطيك من عمر ٍ بقالي زايدي
وارجع على عهدٍ سريع ٍبالزوال
مع غيبة ٍ للشمس حضنك مرقدي
ومع ساعة ٍ اجري بحولك في الرمال
لا زلت الأقدام كفك مسندي
ياكم يتيم ٍ الهته دنيا بوصال
لكن يتمي نار صدر ٍ توقدي
قلت احمله يوم ٍ على صم الجبال
ون صخر ٍ كنت اضنه جامدي
يقول لي ياهيه مافيه احتمال
انتي الذي فيك الرواسي تقتدي
لا زلزلت من تحتنا ارض ٍ هيال
مانلقى مثلك يايتيمه يصمدي
ابوي عندك واقفه جسمي ظلال
اسقيك لو تظمى نهار ٍ من يدي
يمكن تنادي يانظر عيني منال
انا بخيرٍ كفي الدمع الندي
ابوي لا تتركني مع سود الليال
وحدي ونا توي صغيره ماهتدي
ونا بجنبك لا هيه لعب ودلال
ماقوى على صبح ٍ يجيني اوحدي
كنت اذخرك في حزة العسر الثقال
واليوم مع صفق الهبايب مفردي
ونته معي يمناك يمنايه طوال
اختار لو اجمع سهيل ٍ والجدي
تشيل همي وانحنى ظهرك ومال
وماحسبت احساب وقت ٍ معتدي
لا من ذكرتك بين حلم ٍ او خيال
اعطيك من عمر ٍ بقالي زايدي
وارجع على عهدٍ سريع ٍبالزوال
مع غيبة ٍ للشمس حضنك مرقدي
ومع ساعة ٍ اجري بحولك في الرمال
لا زلت الأقدام كفك مسندي
ياكم يتيم ٍ الهته دنيا بوصال
لكن يتمي نار صدر ٍ توقدي
قلت احمله يوم ٍ على صم الجبال
ون صخر ٍ كنت اضنه جامدي
يقول لي ياهيه مافيه احتمال
انتي الذي فيك الرواسي تقتدي
لا زلزلت من تحتنا ارض ٍ هيال
مانلقى مثلك يايتيمه يصمدي
ابوي عندك واقفه جسمي ظلال
اسقيك لو تظمى نهار ٍ من يدي
يمكن تنادي يانظر عيني منال
انا بخيرٍ كفي الدمع الندي