في ملكنا مايراود شعبنا ريبه وشكه

[صنداح الزلامي]

http://im15.gulfup.com/oQ5T1.png



في ملكنا ما يراود شعبنا ريبه و شكه=والله انه مالحقنا الشك فيه وفي خوانه

مشكلنا كلها من ياخذ المال ويدكه=ماسكن منصب مدير ولابسٍٍ ثوب الخيانه

حادثة جده لها بقلوبنا غصه ودكه=كيف لا واخواننا راحو ضحايا الإستهانه

كم طفلٍ من فراق امه وابوه الحزن ضكه=من يبي يجبر عزاه المحكمه ولآ الامانه

والخطيه والسبب شيك الرصيد اللي تشكه=بين ذاك وبين ذاك وعارفٍ شانك وشانه

ماعليك الا تفك الباب في الصبح وتصكه=وينتهي وقت الدوام وكل شين في مكانه

حسبنا الله فوق منهو حط للاحداث سكه=والضحية شعبنا ومقدراته ومتحانه

امتحانه بالخطايا والدروب المستشكه=فعلت ضعاف النفوس اهل الخيانه والبطانه

يصرف المليار للمشروع مايرفع بلكه=ضاع حق الشعب والمشروع والمليار وانه


http://im15.gulfup.com/5VNK2.png

[سفير المعاني]

الغالي
الشاعر
صنداح الزلامي




الله انه يسعدك ويوفقك بجميع اوقاتك بكل خير

ولقد اسعدني ان اكون اول المصافحين لهذه

القصيده الجزله بما تحمله من معاني معبره

من شاعر جزل ومتمكن و له باع طويل بالشعر

وصح لسانك وعلا شانك مليون ولايكفون



تقبل تحياتي

[صنداح الزلامي]

مدير نا الغالي الشيخ سفير المعاني اسعدني

مرورك وسجل اعجابك صح الله بدنك وعافاك الله

لاهنت يالشهم

[احمد العليان]

صنداح الزلامي

قصيدة كبيره من شاعر كبير

واعان الله ملكنا المفدى في مهامه والبسه ثوب الصحه والعافيه

تحياتي وتقديري

[لينا البراهيم]

جميل هو قلمك

ابدعت ... صح لسانك وعلاشانك

نتظر كل جديد لك ..

تحياتي .

[صنداح الزلامي]

الشاعر احمد العليان

صح الله بدنك واشكرك على الاعجاب

دمت اخوي بخير حال ولاهنت

[صنداح الزلامي]

الاخت لينا الابراهيم

الف الف شكر لك على سجل الاعجاب

وصح الله بدنك اختي

لاهنتي ودمتي بخير