لا تسأليني

[وليد السلطان]

لا تساليني جرح قلبك متى يطيب
لا طبت كني ياغلى القلب طيب
كثر التمني لا يودي ولا يجيب
قبلك رجيته لين هالراس شيب
اببتسم لك زيف ولا تكاذيب
لو كان قصدك حزني اللي يخيب
الظيف حكمه في يدين المعازيب
والقلب ظيفً في يدين المغيب
يابنت انا والجرح صرنا اصاحيب
هين علي مره ومره صعيب
يهون همي والجروح المعاطيب
كل ماذكرت انك بجمبي قريب
خلك معي في كل وقتً ولا تغيب
مابي عذولاً في غلانا يعيب
وان كان همك جرح قلبي متى يطيب
اطيب لا شفتك بخيرً وطيب

وليد السلطان

[خالد البرمان]

الضيف حكمه في يدين المعازيب
والقلب ضيف ٍ في يدين المغيب



الله


صح لسانك






مع اجمل باقة ورد

[فواز علي الروقي]

صح لسانك لاهنت ولاهان راسك

[سفير المعاني]

الغالي
الشاعر
وليد السلطان

الله انه يسعدك ويوفقك بجميع الاوقات بالخير

اسعدني كثيرا ان اكون ضمن المصافحين لهذه

القصيده الاروع من رائعه والاجمل من جميلة

وما تحمله بطياتها من جزالة من شاعر متمكن

وصح لسانك وعلا شانك مليون ولا يكفون


وتقبل تحياتي

[تفاصيل الخجل]

::
صح لسانك ولاهنت ابدا..
احترااامي..

[رديمة]

نصٌ جميل ممزوجــا بالعذوبه
كلماتك سلسة
و تتكئ على جمال الحرف كذلك
ف صح لسانك واعتلا شانك
ننتظر منك المزيد
ودمت بخير لاينتهي