سود اليالي

[وليد السلطان]

سود اليالي

الهم سوقً واليالي تجاره
والقلب سلعه بين بايع وشاري
كلً فرق بالسوم عن سوم جاره
وكلً يقول الربح من حظ جاري
وانا تجرعت الهموم بـ مراره
ومعاد للفرحه بـ وجهي مواري
من ضيقةً شنت على الصدر غاره
ومن عيني اللي جرحتها العباري
سود اليالي حطت القلب شاره
ولعاد لآمال المقابيل طاري
والعمر ليلً ماشرق به نهاره
والرجل بدروبه طوتها المساري
لا قلت ابسلى بين تاره وتاره
واسج سجة عاشقين الصحاري
لقيت نفسي بين همي وناره
ماجاني السلوان حسب اختياري
ياالله انا طالبك سر وجهاره
انت الوحيد اللي عن الحال داري
مادام تو العود بأول عماره
اجعل خفوقي من عناء الهم عاري
وان كان مالاح القدر بالبشاره
اسوق للدنيا عظيم اعتذاري

وليد السلطان

[خالد البرمان]

صح لسانك


وربنا يبعد عنك الحزن



ويمتعك بالسرور ايها العملاق



اجمل تحية وتقدير

[سفير المعاني]

الغالي
الشاعر
وليد السلطان

الله انه يسعدك ويوفقك بجميع الاوقات بالخير

اسعدني كثيرا ان اكون ثاني المصافحين لهذه

القصيده الاروع من رائعه والاجمل من جميلة

وما تحمله من شعر وربي يبدل الحزن بفرح

وصح لسانك وعلا شانك مليون ولا يكفون


وتقبل تحياتي

[فواز علي الروقي]

صح لسانك لاهنت ولاهان راسك

[وليد السلطان]

بسم الله الرحمن الرحيم