جرح الاحساس

[منصور الرويلي]

الوضع مُزري والاماني بعيده=والعمر لحظة والهقاوي مسافات
والمسألة ماهي مُجرد قصيده = اكبر من حروف القصايد والابيات
صدمة أمل بأعماق روحٍ شهيده=مات الطموح وجرح الاحساس مامات
صدمة مشاعر وصفها من يجيده=لا صارت أبعد من حدود الخيالات
وقصيدتي بين القصايد جديده = مضمونها ينبض من الذات للذات
أحروفها مثل العقود الفريده = وأبعادها جاوز بحور ومحيطات
ياوجد حالي لا ذكرت الفقيده =قمت أصفق الكفين وأنوح بسكات
من طعنته نار المشاعر وقيده = زفرة خفوقي كلها هم وآهات
جرح العضيد اللي يخونه عضيده=ماله دواء .. يامروجّين الاشاعات
قصة حياته جرح ينزف وريده = بأعماق روحي يحتظر كل الاوقات
كم من طليقٍ كبل الوقت قيده = أصبح مُجرد حي من ظمن الاموات
شارد فكر من دون روح وعقيده = حاضر جسد بين الوهم والمتاهات
في نظرته كل الحقايق اكيده = وفي واقعه كل الحقايق نهايات
عن قصته مافيه جُملة مفيده = الا بقايا حلم . وأثار . وعلامات
نطلب له المعبود رازق عبيده = سبحانه اللي فوق سبع السماوات
يعّوضه عن هالحياه الزهيده = في جنةٍ فيها نعيم و ملذات



.

.

[صنداح الزلامي]

الله الله

منصور الرويلي لله درك على الفاتنة والتي لايحبكها الاشاعر بحجم منصور

صح لساااانك مدد لا عدد وتقبل اعجابي الشديد واحترامي

[منصور الرويلي]

الجزل صنداح الزلامي

أشادة من شاعر بحجمك أعتبرها

وسام فخر على رأسي قبل قصايدي

وجهك أبيض يالشامخ

ودي و تقديري

[ظل الياسمين]

قصيدة جزله وإحساس يفوق الإحساس صح بوحك ودمت مبدعا

[شموخ امراه]

.

منصور الرويلي

.
.
الله الله نص اكثر من رآئع لله درك

وصح لسآنك ملييون مبدع بكل جديدك


دمت

.
.
.

[خالد البرمان]

الروعة دائماً في حضورك ايها العملاق


شهادتنا مجروحة ولكن حضور للجمال


اطيب واجمل تحية لسموك

[زمان العجايب]

جـرح العضيـد اللـي يخـونـه عضـيـده
مـالـه دواء .. يامروجّـيـن الاشـاعـات

أنشهد يـ منصور
وكالعادة منظومة شعرية محكمة المعنى وافرة الصور من شاعر يجيد صنعة الشعر ويتفوق ايضا"
صح لسانك يـ جود

انحناءة ياسمينة