تعال قاسمني غلا الروح للروح

[عبدالعزيز محمد الشلوه]

ابيات للتواصل
امل ان تحوز على رضا الجميع


تعال قاسمني غـــلا الروح للــــروح = وقبــــل فوادي ياريــش العين باقه
اما تبل عروق قلبــــــك بقرطـــــوح = ولا بــــلاش من الغـــلا والعلاقه
بعض الوجيه تمر وتحــــل وتـــروح= وبعض الوجـــيه تشد قلبي سراقه
مليـــــت من حظ كتبلـــــي على لوح= ومليت من طرد السراب وبــراقه
وحتى انتي اشدالك من الحزن والنوح = ولفح السموم اللي يحرك رواقه
اخاف يجرحــك الهوا دون مــصلوح= وتموت يانفـــح النســــــيم الرقاقه
تبغى تقاســــــمني أو احـــــل واروح = وتبقـــــى محبتنا مجرد صـداقه

[سفير المعاني]

الغالي
الشاعر
عبدالعزيز محمد الشلوه

الله انه يسعدك ويوفقك بجميع الاوقات بالخير

اسعدني كثيرا ان اكون اول المصافحين لهذه

القصيده ,الاجمل من جميله والاروع من رائعه

وما تحويه من جمال روح خضراء لشاعرنا القدير

وصح لسانك وعلا شانك مليون ولا يكفون


تقبل تحياتي

[فواز علي الروقي]

للتواصل رونقه الخاص مع الشاعر الكبير

عبدالعزيز الشلوه

بيض الله وجهك وصح لسانك

ابيات ممزوجه بروح الانسان الراقيه والحيه

لاهان راسك وعلاء شانك

[خلف العاطفي]

ابومحمد
صح السانك
جزل دائما
وممتع مبدع
صح السانك
وتقبل مروري وتقديري

[عبدالله الغنيم]

قصيدة .. رائعة ، عذبة ، متماسكة ، جزلة ...

ولا غرو .. !

فعاسف مهور حروفِها ، هو شاعرنا القدير : عبدالعزيز

صح لسانك وبارك الله فيك ..

تحياتي ... .

[الغواص]

صح لسانك ياعبدالعزيز
قصيده رائعه
اخوك
الغواص

[ذوق عابر]

صح لسانك ..رائعه واكثر

[ريف النشاما]

...

الشاعر القدير

عبدالعزيز الشلوه
صح لسانك و لاهنت ابد
العذوبه دائما لها بحرفك روعة
كل التقدير

ريف

..

[عبدالعزيز محمد الشلوه]

الغالي
الشاعر
عبدالعزيز محمد الشلوه

الله انه يسعدك ويوفقك بجميع الاوقات بالخير

اسعدني كثيرا ان اكون اول المصافحين لهذه

القصيده ,الاجمل من جميله والاروع من رائعه

وما تحويه من جمال روح خضراء لشاعرنا القدير

وصح لسانك وعلا شانك مليون ولا يكفون


تقبل تحياتي

ابو محمد لاهنت حيال اطلالتك شرفني مرورك وابهجني حظورك اشادتك شرف واطراك وسام

[الصقيل]

بــعــض الـوجـيــه تــمــر وتــحــل وتــــروح
وبــعــض الـوجـيــه تــشــد قـلــبــي ســراقـــه

صح لسانك وعلا شانك
دمت مبدع وعلى ماتحب

تحيتي وتقديري لسموك الكريم