مزدحم
06-13-2012, 02:03AM
الإهداء ،
إلى الأديب عبدالعزيز الفدغوش ،
الشعر ما زان بَدعه غير طوالي
يجيك نظمه ذروف ٍ كالعسل حالي
يا الله يا اللي تَعَرْف السر والنجوى
تغفر ذنوبي ، ألا يا الله واسالي
تستر عيوب ٍ غدت في مهجتي ترعى
مثل المجاهيم شوح ٍ والخلا خالي
أطلبك يا الله وارجي تدمح الزله
لا صرت بين اللحود بقبري -إ- لحالي
لا سار فكري بقاع ٍ تاه من خوفه
سبحانه اللي علينا دايم ٍ والي
من بعدها يا سلامي عِد ما يمطر
همال ربي على الوديان واتسالي
عليك يا اللي علومه دايم اتشرف
معروف بين العرب رجلي وخيالي
كريم سبلا رفيع ٍ عندنا قدره
شاعر تربع على الجزلات ما هالي
عندي علوم ٍ وانا لا شك ببديها
عليه يمكن يجاوب صوتي العالي
يا ابو سعد والمقادي دربها يْعْرَف
وما يَجهَلَك عِرفها يا طيب الفالي
أشوم نفسي عن العيبات واخطمها
وآكنها مهرة ٍ في يد خيالي
من خوف تاتي مناقيد ٍ لنا منك
ما دامنا ما انتمنى جفوة الغالي
أطيح واقوم واضحك لوني امغربل
والوم لحد ٍ درى هو ويش غربالي
جرحني الوقت جرح ٍ في الخفاء ينزف
والصبر نار ٍ ولكن طاب مدهالي
ما دون نفسي سوى وقع ٍ يجملها
لاْقبل نهار ٍ يجي به ذبح واقتالي
وما فج نفسي سوى رمح ٍ يخلخلها
غباش والا عماش بغدر عَيَّالي
يا ما جمحنا على الرفقه نبي رفقه
صروح ما هي على ما قيل تنزالي
في دارك اللي لفاها عارف وجاهل
شموخ ، لكن وطته اقدام الانذالي
ناس ٍ ولا هي بناس ٍ تلحق الشيمه
محرومة ٍ ما لها في الجود منزالي
هذا يصفق لشعره وذاك يا فضحه
الوجه ماكن وعَوَّد يلبس الشالي
يقول والا - تقول - اشلون اوصفها
أبَختصرها عليك ان كان ما جالي
ما هو بيَعرف سلوم المرجله لله
وْلاله بدار المراجل ظل وضلالي
هذا ترى عيشته يا صاحبي ذله
خسيس ما ينزهم في كل الاحوالي
الحِسد يغلي بجوفه جعله الشلفاء
لو كان ما تاب نذر ايجيه سلالي
يَفرح لَمنه عثر صاحْبْهْ ما يدري
إن الليالي لها في الخُرج مدخالي
لو قلت بنصح فلا هو اللي بيتقبل
أشوا له البعد يا رجال واشوا لي
ترى الليالي نغيلات ٍ مشاربها
هماج تبقى بزور الرَجل منخالي
قلته ولي لا بت ٍ وقت الوغى تثبت
قحطان تُعرف من الاول إلى التالي
أفعالنا من قديم الوقت مشهوده
واشيوخنا اهل الوفاء ذربين الافعالي
كل ٍ عَرفنا بوقت اللين والشده
مثل البحر لا صفق م الجال للجالي
أقولها وافتخر في لابتي والله
درعي حزامي ليا من الزمن مالي
وكل القبايل ونعمين ٍ بها دايم
الطيب بيَّن وعِزك من له اينالي
كل ٍ على فعل ربعه رافع ٍ راسه
بينتها في شروح البدع بامثالي
جالك كتابي عساك اتدوم يا نشمي
دوم ٍ على الخير في ذا المنزل العالي
إن كان غبنا فمثلك دايم ٍ يعذر
وان عاد عُدنا فنبقى وانت تبقا لي
وختامهاْ اْسأل إله ٍ نرتجي عونه
يدوم ستره ، ويقطع كل الانذالي ،
أبو عبدالإله ،
إلى الأديب عبدالعزيز الفدغوش ،
الشعر ما زان بَدعه غير طوالي
يجيك نظمه ذروف ٍ كالعسل حالي
يا الله يا اللي تَعَرْف السر والنجوى
تغفر ذنوبي ، ألا يا الله واسالي
تستر عيوب ٍ غدت في مهجتي ترعى
مثل المجاهيم شوح ٍ والخلا خالي
أطلبك يا الله وارجي تدمح الزله
لا صرت بين اللحود بقبري -إ- لحالي
لا سار فكري بقاع ٍ تاه من خوفه
سبحانه اللي علينا دايم ٍ والي
من بعدها يا سلامي عِد ما يمطر
همال ربي على الوديان واتسالي
عليك يا اللي علومه دايم اتشرف
معروف بين العرب رجلي وخيالي
كريم سبلا رفيع ٍ عندنا قدره
شاعر تربع على الجزلات ما هالي
عندي علوم ٍ وانا لا شك ببديها
عليه يمكن يجاوب صوتي العالي
يا ابو سعد والمقادي دربها يْعْرَف
وما يَجهَلَك عِرفها يا طيب الفالي
أشوم نفسي عن العيبات واخطمها
وآكنها مهرة ٍ في يد خيالي
من خوف تاتي مناقيد ٍ لنا منك
ما دامنا ما انتمنى جفوة الغالي
أطيح واقوم واضحك لوني امغربل
والوم لحد ٍ درى هو ويش غربالي
جرحني الوقت جرح ٍ في الخفاء ينزف
والصبر نار ٍ ولكن طاب مدهالي
ما دون نفسي سوى وقع ٍ يجملها
لاْقبل نهار ٍ يجي به ذبح واقتالي
وما فج نفسي سوى رمح ٍ يخلخلها
غباش والا عماش بغدر عَيَّالي
يا ما جمحنا على الرفقه نبي رفقه
صروح ما هي على ما قيل تنزالي
في دارك اللي لفاها عارف وجاهل
شموخ ، لكن وطته اقدام الانذالي
ناس ٍ ولا هي بناس ٍ تلحق الشيمه
محرومة ٍ ما لها في الجود منزالي
هذا يصفق لشعره وذاك يا فضحه
الوجه ماكن وعَوَّد يلبس الشالي
يقول والا - تقول - اشلون اوصفها
أبَختصرها عليك ان كان ما جالي
ما هو بيَعرف سلوم المرجله لله
وْلاله بدار المراجل ظل وضلالي
هذا ترى عيشته يا صاحبي ذله
خسيس ما ينزهم في كل الاحوالي
الحِسد يغلي بجوفه جعله الشلفاء
لو كان ما تاب نذر ايجيه سلالي
يَفرح لَمنه عثر صاحْبْهْ ما يدري
إن الليالي لها في الخُرج مدخالي
لو قلت بنصح فلا هو اللي بيتقبل
أشوا له البعد يا رجال واشوا لي
ترى الليالي نغيلات ٍ مشاربها
هماج تبقى بزور الرَجل منخالي
قلته ولي لا بت ٍ وقت الوغى تثبت
قحطان تُعرف من الاول إلى التالي
أفعالنا من قديم الوقت مشهوده
واشيوخنا اهل الوفاء ذربين الافعالي
كل ٍ عَرفنا بوقت اللين والشده
مثل البحر لا صفق م الجال للجالي
أقولها وافتخر في لابتي والله
درعي حزامي ليا من الزمن مالي
وكل القبايل ونعمين ٍ بها دايم
الطيب بيَّن وعِزك من له اينالي
كل ٍ على فعل ربعه رافع ٍ راسه
بينتها في شروح البدع بامثالي
جالك كتابي عساك اتدوم يا نشمي
دوم ٍ على الخير في ذا المنزل العالي
إن كان غبنا فمثلك دايم ٍ يعذر
وان عاد عُدنا فنبقى وانت تبقا لي
وختامهاْ اْسأل إله ٍ نرتجي عونه
يدوم ستره ، ويقطع كل الانذالي ،
أبو عبدالإله ،