فتاة حياة مول .... !!

[غلاب بن عايض]

روج ومرطب ..وانفتاح ومناكيـر=ولسانها علـى المشايـخ تمده !
يا اهل الرياض الله يمسيكم بخيـر=هـذا قليـلٍ مـن كثيـرٍ بجـده !
امـا علـى محـارم الامـه نغيـر=ونعامـل المـرأه بلينـه وشـده !
ولا ترانا للـورى نعكـس السيـر=واللي بنا بيتـه بجهلـه يهـده !!
الدار هـذ ي دار حشمـه وتقديـر=فيها الـمطنخ محتمين الاشـده !!
من دون دين وعرض نار وزمهرير=وان ظفتهم تلقى الشحم والموده !!
يوم انها عطفه تسـوق المظاهيـر=عنها العدو بالسيف الاملح نرده ...
واليوم دين اسلام والناس في خيـر=لكـنّ مـن لايشكـر الله لابـده !
التقنيه والسـوق والسايـر يسيـر=والسايق اللي يكشف المستجـده ..
واصبح شرفنا طير يمكنـه يطيـر=لن ما رجع من جاوز الحد حده ...
ماهمنا من كـان لـو انـه اميـر=الدين واضح مانبـا فيـه رده ...
ياويلكـم مـن ربكـم يالهوامـيـر=لاتبتلون اللـي ظروفـه تحـده !!
تغرون بالدنيـا البنـات الغناديـر=والفقر راعيه الليالـي تضـده ...
ويابنت عقلك ليش مخفوف وصغير=الا الشرف من ضيعـه مايـرده !

[فواز علي الروقي]

صح لسانك وعلا شانك مليون ولايكفون

[ريف النشاما]

..

هلابك غلاب بن عايض
و صح لسانك و لاهنت ابد
و تسلم و يسلم راسك على هذي الجزله
ننتظر كل جديد
ريف النشاما

[سفير المعاني]

الغالي
الشاعر
غلاب بن عايض

اسعدك الله بجميع اوقاتك بكل خير

سرني ان اكون ضمن المصافحين لهذه

القصيده الجميله الرائعه بسبكها ومعناها

بما تحمله بطياتها من غيره على بنات الوطن

وصح لسانك وعلا شانك مليون ولا يكفون


وتقبل تحياتي

[تفاصيل الخجل]

::

صح لسانك مليون ولايكفون

قصيده رائعه من شاعر مبدع

نحترى جديدك الاروع

لاهنت:r: