من طاول اطول منه اشتكى

[عبدالله بن عريمة]

اخر ماكتبت اضعها بين ايديكم



تسلم يمين مدللك=يامعلم الغيم البكى
تطغى كذا ويحقلك=للرمش ساده وملكى
اغراك ليل مجدلك=وخصر.ن. على الورك ارتكى
سكرة شفاك وذبلك=ناجين منها وهلكى
من غير شك وغير لك=مايدرك الدرك ادركى
تسرح مع نجوم الفلك=تشره على ليل النكى
الهم والحزن قتلك=وكحل السهر رمشه شكى
خل الحكي ماقلتلك=طرفك عن احساسك حكى
ياجمل صدى من يجهلك=لكن على الله المشتكى
ماجملك حتى في زعلك=كلك حلا وكلك ذكى
للفوضى والكلمه ملك=ماحتاج شورى وشركى
من أخرك إلى اولك=على اتكاه اللي اتكى
سيف الشجاعه لي ولك=ودرع التفوق والذكى
مالك شبيه يلوقلك=مع شرد ربات الحكى
لمواصلك يسعد هلك =ليلك من الفرحه بكى
ياصعب منى ماسهلك=اجريت للحكمه زكى
من طاوع الدنيا هلك=ومن طاول اطول منه اشتكى

[ريف النشاما]

...

صح لسانك يا بن عريمه و لاهنت


رائعه بالفعل

ريف

..

[عبدالله بن عريمة]

صح بدنك فواز
ومن قال مايهان
اسعدني حضورك واشادتك
لك تحياتي

[السيف ولدنا]

صح لسانك يابوعبدالرحمن كلك احساس وابداع
نزحنا عن سما المينا نزحنا * وفارقت الرفيق اللي بغاني
رفيقي ماهقيت البعد عنه * ولا عن شوف هذيك المباني
تحياتي لك ونشوفك في جده على خير

[عبدالله بن عريمة]

صح لسانك يابوعبدالرحمن كلك احساس وابداع
نزحنا عن سما المينا نزحنا * وفارقت الرفيق اللي بغاني
رفيقي ماهقيت البعد عنه * ولا عن شوف هذيك المباني
تحياتي لك ونشوفك في جده على خير


هلابك يابوفيصل

واسعدني اشادتك

وانت من المخضرمين

معاصر للقديم والجديد :d

وماشاء الله على حفظك

باذن الله نزوركم في جده

وانتوا في اتم صحه

[محمد بن عريمه]

صح الله لسانك ملايييييين ياشاعر الدواسر

قصيده جزله من رجل جزل

ارق التحايا

[خالد البرمان]

وحدائية رائعة في غرض شعري رقيق


وبإتقان لايتقنه الا القليل من الشعراء العمالقة كـ الاخ القدير عبدالله



المعروف ان الحداء حماسي ومع ذلك عشنا لحظات رقيقة مع هذا اللون



معك ايها العملاق



صح لسانك مع اجمل تحية وتقدير لسمو روحك

[عبدالله بن عريمة]

صح الله لسانك ملايييييين ياشاعر الدواسر

قصيده جزله من رجل جزل

ارق التحايا

ياهلا يابوفيصل
واشادة من ابن عم غالي
وحضورك ونوماسك
يعنيلي الشي الكثير
تحيتي لك

[عبدالله بن عريمة]

وحدائية رائعة في غرض شعري رقيق


وبإتقان لايتقنه الا القليل من الشعراء العمالقة كـ الاخ القدير عبدالله
اشادة اعتز بها برغم اني لايهمني المديح بقدر مايهمني النقد والنقاش
المفيد وانت كذلك عندما ذكرت انها حدائية والحداء معروف حتى
عند العرب المتاخرين حداء الخيل يقولها الفارس على ظهر جواده
وانا حدوت بها الم تسمعني اقول / للفوضى والكلمه ملك // ماحتاج شورى وشركى :d
وشتبي اكبر من الملك ههههه

المعروف ان الحداء حماسي ومع ذلك عشنا لحظات رقيقة مع هذا اللون

وان شئت حماسيه ايضا هي حماسية الاصل مطعمة من كل لون
وليس كل رقيق رقيق فالداب رقيق والعطب في نيبانه :d
بالمناسبه عمي رحمة الله عليه صافحه احدهم وكان المصافح
يده خشنه وعمي اقل منه خشونه في يده فقال لعمي ليش كفك
ملسى خلك خشن مثلي فرد عمي على الفور وكان معروف بالرد المسكت
وسرعة البديهه قاله ( مافيه اخشن من الضب ويمسك بعلباه ... والداب
املس والعطب بين نيبانه :d

معك ايها العملاق



صح لسانك مع اجمل تحية وتقدير لسمو روحك

انا اشكرك كل الشكر اخوي خالد
على تعليقك الرائع