,,, اقرب شاعر او شاعرة محاوره ...يتفضل

[تراحيب]

ودنا بها الطاروق ياجماعة خير



من هجوس الشاعر اللى يفيد ويستفيد = مرحبا واهلين والنار من شبابها
في رهب يازين نظم القوافي والقصيد = بكره وبعدين والنار من شبابها

[رياض الهديرس]

هلا تراحيب واستلم



البقا يالشاعر اللى على النهج الفريــد=يااهلا وسهلين والنار من شبابـها
دمنا مقسوم في كل شريان ووريد=بالقسـا واللين والنـار من شبابـها
.
.
.
.

[تراحيب]

البقا يارياض واستلم لاهنت


يارياض اليوم معناى والمغزى بعيد = بين خشم وعين والنار من شبابها

الشعر من بعد ماكان له ماض ٍ تليد = صار بريالين والنار من شبابها

[رياض الهديرس]

الله الله استلم يا تراحيب





كم عصفـورن تهزهز على خضر الجريد = ياليل يا عين والنار من شبابها
انا اريد وانته تريد والله يفعل مايـريد = ادروبها سيدين والنار من شبابها
.
.
.
.

[الأمير الصغير]

يرجى ترصيص الكفر .. قبل السفر :)

[تراحيب]

في البدايه كان عزمك وباسك من حديد = ثم عوّد لين والنار من شبابها
اظبط الوزنه ترى ياعميلي جبت عيد = والسنه عيدين والنار من شبابها

[رياض الهديرس]

العذر واستلم


فـ البدايه والنهــايه سعد ولا سعيــد = شبر او شبرين والنار من شبابها
حج يا حجاج دام الرساله بالبريــــد = فالحرم مفتين والنار من شبابها
.
.
.

[تراحيب]

مايحتاج يالذيب

واستلم


عارف ٍ بغداد دانت لهارون الرشيد = في ثمان سنين والنار من شبابها
ومن يقدم غاليه لاتقدمله زهيد = المواقف دين والنار من شبابها

[البرّاق]

الشاعرين

تراحيب
ورياص

جزالة وفتل ونقض ومعنى بطريقة الشعراء الكبار

بيض الله وجيهكم

حج يا حجاج دام الرساله بالبريد
فالحرم مفتين والنار مـن شبابهـا

الله يا رياض كم ابدعت


ومن يقدم غاليه لاتقدملـه زهيـد
المواقف دين والنار مـن شبابهـا

انشهد ان المواقف دين

ياسلام عليكم يا شعار ياسلام


بداية جزله لمنتدى اتوقع له النجاح الكبير

[رياض الهديرس]

صح لسانك اخوي تراحيب ولاهنت امتعتنا
واعتذر اخوي تراحيب عن اكمال المحاوره بسبب ( السفر) ارجوا انت تقبل العذر

ونراكم على خير

[تراحيب]

معذور اخوى رياض ولاهنت وصح لساانك وتنومست بمحاورتك والله

البراق كلامك وحضورك نوماااس


ولاهنت والله يالسناافي

[يفوق الوصف]

ووووووووين الشعراااااااااااااااء

يتفضلون بالدخووووووووووووووووول رجااااااااااااااااااااااااء

[]•[ رُوحْـ الخَيَالـْ ]•[]

يعطيكم العااااااااافيه

[ليل]

يعطيكم العافيه

فعلا وين الشعراء؟

المنتدي ما شاء الله كله شعراء

[مشعل بن القهيديه]

الشاعرين
تراحيب و رياض الهديرس

صح لسانكم جميعاً
ونقض وفتل من الدرجة الاولى


تقبلوا شكري وفائق تحياتي ،،،


اخوكم
مشعل بن القهيديه