ترثة " حمد " ستر وذرى الناصريات

[عبدالله بن عريمة]

قصيدة كتبتها في ابن العم / مبارك بن عبدالله بن فالح بن حمد بن عريمة ال ناصر سليل المجد والمكرمات والنبل



للطيب وقفاته وللشعر وقفات = ردوا جوابي ياوجيه الرفاقه

تكفون فـ الطيّب حليف المروات = اللي يعشقها المراجل عشاقه

شروى مبارك جود كف وجمالات = مع الحجاج السمح طيب ولباقه

منصى الدواسر من جميع الحمولات = مركز فخر صيت ومقام وعلاقه

ريف الضيوف أبا الوفى والمهمات = مشيدٍ للمجد ساس وصداقه

مثل البحر ماتلحق اقصاه هيهات = روس المكارم ضمها في رواقه

من راس شيخٍ مكرماته صعيبات = شيخٍ فجع كل القبيله فراقه

عمي عبدالله وطيب الاذكار مامات = شاد البنى مبارك بعزم وحذاقه

ترثة حمد ستر وذرى الناصريات = حفيد مجد وللنجابه عراقه

من لاد ناصر المبيعيج بالذات = للمكرمات موثقين العلاقه

[سفير المعاني]

الغالي
الشاعر
عبدالله بن عريمه




الله انه يسعدك بجميع اوقاتك بكل خير

واسعدني ان اكون اول المصافحين لهذه

القصيده الاجزل من جزله والاروع من رائعه

ويستاهل الممدوح ويشكر المادح على ذلك

وصح لسانك وعلا شانك مليون ولايكفون



وتقبل تحياتي

[ريف النشاما]

..

صح لسانك يا عبد الله

و يستاهل ولد عمك

كل التقدير

ريف

[عبدالعزيز محمد الشلوه]

عبدالله بن عريمه صح السانك وسلم بنانك
يستاهل مبارك بن عبدالله
لاهنت ولا هان

[عبدالله بن عريمة]

صح بدنك ابومحمد

وشرفني حضورك

وكلامك الراقي

تحياتي لك

[عبدالله بن عريمة]

صح بدنك يافواز

وتستاهل الخير

وشرفني مرورك

تحياتي لك

[عبدالله بن عريمة]

صح بدنك عبدالعزيز

وتستاهل الخير

وشرفني مرورك

تحياتي لك

[السيف ولدنا]

صح لسانك يابوعبدالرحمن
وأبو عبدالله يساهل والله يرحم شايبه ويطول عمر شايبك

[الذرب]

صح لسانك يا ابو عبدالرحمن على الابيات الجزلة ويستاهل ابو عبدالله الله يرحم شايبه

[عبدالله بن عريمة]

صح لسانك يابوعبدالرحمن
وأبو عبدالله يساهل والله يرحم شايبه ويطول عمر شايبك

اررحب تراحيب المطر يابوفيصل

ياخوي قل ابوفيصل

يالله حي رفيق الدرب الميناوي سابقا

والجداوي حاليا

تحياتي لك

وخلني اشوفك في قصايد اخرى

[عبدالله بن عريمة]

صح لسانك يا ابو عبدالرحمن على الابيات الجزلة ويستاهل ابو عبدالله الله يرحم شايبه

ارحب يالذرب وانت اما ابوعبدالله

ولاشك انكم مسجلين سوى انت وبوفيصل


عالعموم صح بدنك والله يرحم الوالد الشيخ عبدالله بن فالح ويبارك في اللي ورث

[فواز علي الروقي]

منصور الرويلي

صح لسانك

[مــــــــــارد عـبـقـــر]

اخي الشاعر عبدالله بن عريمة

صح منطوقك كفيت ووفيت بردك ويستاهل ولد عمك
ونعم فيك وفيه وتستاهلون الطيب
تقبل مروري تحياتي لكم

[عبدالله بن عريمة]

اخي الشاعر عبدالله بن عريمة

صح منطوقك كفيت ووفيت بردك ويستاهل ولد عمك
ونعم فيك وفيه وتستاهلون الطيب
تقبل مروري تحياتي لكم

صح بدنك مارد عبقر

ولاهنت على الكلام الطيب

وشرفني حضورك وثنائك

وماعليك زود وتستاهل الخير

تحياتي لك

[البريمي]

صح لسانك شاعرنا
ويستاهلون الممدوحين
تقبل مروري

[عبدالله بن عريمة]

صح لسانك شاعرنا
ويستاهلون الممدوحين
تقبل مروري

ارحب يابوعبدالله

وصح بدنك

ويستاهلون

من طيب افعالهم