رماد الشوق

[علي المبرد]

بعد طالعت وجهي فالمرايه وانعمست وهمت=بعد ماشفت حزنك يالسنين فوجهي السامي



سرحت وطاف فكري بالمتاعب بالزمان ولمت=مسافات الدروب وغفلتي عن واقع ايامي



تعلمت السهر ..والوجد يسكنني ولا علمت=عن اوجاعي ليا حل السكون وضيعت احلامي



اكابر كل ماعانيت حرماني..بخوف الشمت=يجيني من عدو(ن) يسعده ..لابرق حطامي



جريح وشايل اوجاع وهموم ولكن اني قمت=بعد ماتعبت اعظامي ..وشالت حملي عظامي



اجي ضامي واشوف الما..ولكن عن وروده شمت=تخيرت الهلاك وميتتي في عزتي ضامي



ولاني من يحرم مايحل..ومايحل حرمت=انا واضح مثل ماخطت لعشاقي اقلامي



صبرت الين ماثار وتفجر بالكلام الصمت=وقلت افرد جناحين القصيد ويزقح اقطامي



يمر بهاجسي ليل(ن) طويل وفي ظلامه عمت=وحيد وجيت اسولف وحشتي والليل مترامي



رثيت ببوح حزني كل فرحه بعدها سلمت=على الدنيا بعد شفت الرجا يقتال قدامي



رماد الشوق يحييه الحنين وكل متألمت =احس النار توقد بالمحاني سبة هيامي



وداعا يااجمل اجمل ما شكيت وكل مابه رمت=تطوف بخاطري لاجيت اودع سيرته عامي



كتبت الوجد في صدق المشاعرمالها نظمت=ولايعني فرح.. والا حزن للناس هندامي

[عبير الروح]

القدير
عليى المبرد
صح لسانك

ولاهنـــــــــــــــــــت


تقديري لك

[عبدالعزيز محمد الشلوه]

عليى المبرد
صح لسانك
عزف فريد
وعقد جديد
تحياتي

[رهب]

شاعرنا القدير علي المبرد

اعجبتني واحسست بها

تعلـمـت السـهـر ..والـوجـد يسكـنـنـي ولا عـلـمـت
عـن اوجاعـي ليـا حـل السكـون وضيعـت احلامـي
اكـابـر كــل ماعانـيـت حرمانـي..بـخـوف الـشـمـت
يجينـي مــن عــدو(ن) يسـعـده ..لابــرق حطـامـي
جريـح وشايـل اوجـاع وهمـوم ولـكـن انــي قـمـت
بعـد ماتعبـت اعظامـي ..وشالـت حمـلـي عظـامـي
اجي ضامي واشوف الما..ولكن عن وروده شمت
تخـيـرت الـهـلاك وميـتـتـي فـــي عـزتــي ضـامــي
ولانـــي مـــن يـحــرم مايحـل..ومـايـحـل حــرمــت
انـــا واضـــح مـثــل مـاخـطـت لعـشـاقـي اقـلامــي
صـبـرت الـيـن مـاثـار وتـفـجـر بـالـكـلام الـصـمـت
وقـلـت افــرد جناحـيـن القصـيـد ويـزقـح اقطـامـي
يمـر بهاجسـي ليـل(ن) طويـل وفـي ظلامـه عمـت
وحيـد وجيـت اسولـف وحشـتـي واللـيـل متـرامـي

الله ابداع في التصوير ومرارة الجرح
دام نبضك
تحياتي
رهب

[الإدمي]

،

أبيـآت جميله ـ تحمل وفآء في قلبك العذب ..

صح حرفك ونبضك السامي ..


تحيتي لك ..



والسلام ..

[ريف النشاما]

الشاعر القدير

علي المبرد

صح لسانك و لاهنت

جمال حروفك لا يوصف ابداع و جزالة و انتقاء منفرد
سجل اعجابي بكل ما تكتب يا علي


كل التقدير

ريف

..

[سفير المعاني]

الغالي
الشاعر
علي المبرد



الله انه يسعدك ويوفقك بجميع اوقاتك بكل خير

ولقد اسعدني ان اكون من ضمن المصافحين لهذه

القصيده القويه بما تحتوي من معنى وشعر ربي يعينك

وما اقول الا صح لسانك وعلا شانك مليون ولايكفون



وتقبل تحياتي

[علي المبرد]

القدير
عليى المبرد
صح لسانك

ولاهنـــــــــــــــــــت


تقديري لك

شكرا لك اختي عبير الروح

اسعدني حضورك

دمتي بخير