ياحظ وين انته .!!

[رايد الهذلي]

طليق لكني من الضيق مسجون
واعاتب الايام واحرق فوادي

تايه وصاحي عقل ماني بمجنون
متضارب الافكار ماني بعادي

ازعل واسامح واتفكر على هون
واخذ دروس الوقت وادعم وافادي

مرتاح لا با الله من الوقت مطعون
وايامي البيضاء تقلب سوادي

تعبت من قولة سمعنا يقولون
ناسن بلا مصلوح وابلا مبادي

تعبت من وقتي ومن دون في دون
يومن حظي ماعطاني مرادي

ياحظ وين انته مجمل وممنون
كانك تجيب اللي بصوته ينادي

ابطى عليه الوقت في شك وظنون
والوقت ما يرحم وطال التمادي

يمكن يجي للصبر مفتاح وعيون
ويدين فرق وغير كل الايادي

واقولها باالصوت والناس يووحون
اللي تعنصر وقت والي حيادي

لوكل من يهرج معه علم مضمون
ماكان تلقالك من الناس غادي

[سفير المعاني]

الغالي
الشاعر
رايد الهذلي


الله انه يسعدك ويوفقك بجميع الاوقات بكل خير

ولقد اسعدني ان اكون اول المصافحين لهذه

القصيده الاجمل من جميلة والاروع من رائعه

وصح لسانك وعلا شانك مليون ولا يكفون





وتقبل تحياتي

[عبدالكريم الروقي]

الله الله

كتبت وأبدعت لله درك

وصح لسآنك مدد بلآ عدد

تحيتي لك

[خالد البرمان]

تعبت من قولة سمعنا يقولون
ناسن بلا مصلوح وابلا مبادي






صح لسانك مليون ايها العملاق








ياشين وكالة يقولون يارايد











اجمل تحياتي وتقديري وبحفظ الباري

[تفاصيل الخجل]

::

صح لسانك مليون لايكفون


قصيده رآئعـــه ابدعت

سلمت يمناك وعساك ع قووه

نحترى جديدك بشوق

آحترآمي

[ريف النشاما]

...

رايد الهذلي

صح لسانك و لا هنت
قمة في الابداااع و ليست بغريبة عليك يالقرم

كل التقدير

ريف

[النجلا]

صح لسانك وأكثر

أبيات وصلت للقلب وإستقرت فيه

شكرااا لجمال ماقرأت

أرق تحيه