نجد الضاوي
02-11-2012, 01:36PM
يكفي الشتاء ينهش ضلوعي من البرد= يكفي الزمان اللي غلبني رهانه
ما كنت أظن الشوك يطلع من الورد= وإلا الجفا يسكن ضلوعي عشانه
ليت الخيال اللي بدالي هوى شرد= ليت الذي شفته مجرد لعانه
شفت الغدر في نظرة الشوق تحتد=يروي ضما محبوبته من حنانه
أهونّ علي أعمى ولا شفت هالود=بينه وبين اللي خدعني عشانه
سلمت له قلبي من اليد لليد= فيني نبت روح الغلا من جنانه
ما كنت أبي جرحه ولا كنت أبي الصد= بيده رسم خط النهاية وزانه
الله على ذاك الغرام اللي من بعد= لوعة خفوقي اللي مضيع كيانه
محبته في داخلي مالها حد= غيره تمنى يملك الصدر خانه
إسمه قبل رسمه غدا فيني منجد= عطيته من غدر الليالي حصانه
اخلصت له روحي ولا كنت أبي رد= غير الوفا غير الوعد والأمانة
دمع الحروف الغايرة يروي الخد= حتى القصايد تنزف من الإهانة
ياما تمنيته يجي يقهر البعد= يلمس أحاسيس الوله باحتضانه
صدره بغيته يحضن أسواري ويشد= لا ذقت جمرة من هواه وزمانه
كنت أنتظر تدفا ضلوعي من البرد= وإثر الدفا جرحه وبرد الخيانة
ما كنت أظن الشوك يطلع من الورد= وإلا الجفا يسكن ضلوعي عشانه
ليت الخيال اللي بدالي هوى شرد= ليت الذي شفته مجرد لعانه
شفت الغدر في نظرة الشوق تحتد=يروي ضما محبوبته من حنانه
أهونّ علي أعمى ولا شفت هالود=بينه وبين اللي خدعني عشانه
سلمت له قلبي من اليد لليد= فيني نبت روح الغلا من جنانه
ما كنت أبي جرحه ولا كنت أبي الصد= بيده رسم خط النهاية وزانه
الله على ذاك الغرام اللي من بعد= لوعة خفوقي اللي مضيع كيانه
محبته في داخلي مالها حد= غيره تمنى يملك الصدر خانه
إسمه قبل رسمه غدا فيني منجد= عطيته من غدر الليالي حصانه
اخلصت له روحي ولا كنت أبي رد= غير الوفا غير الوعد والأمانة
دمع الحروف الغايرة يروي الخد= حتى القصايد تنزف من الإهانة
ياما تمنيته يجي يقهر البعد= يلمس أحاسيس الوله باحتضانه
صدره بغيته يحضن أسواري ويشد= لا ذقت جمرة من هواه وزمانه
كنت أنتظر تدفا ضلوعي من البرد= وإثر الدفا جرحه وبرد الخيانة