فهل شفتي ؟؟؟

[سعيد الغامدي]

مدخل :
العاطفة لا تشيخ .

يا اللي إلى وصلها تاقت شراييني=تداركيني قبل ما تشيب عاطفتي
مديت لك بالوفا والشيمه إيديني=كنتي سعيده بلقيانا ومعرفتي
أنتي تدلين باحساسك عناوني=الله يا مكرمك بالفكر لا طفتي
ما فيه غيرك ملا يا الغاليه عيني=عن البنيات وسط انسانها نفتي
كم عاذلٍ رام يدخل بينك وبيني=وزدتي إصرار في حبي ولا خفتي
ما كان يغريك فيَّه فيك يغريني=عهدٍ قطعناه عن فحواه ما صفتي
احس صوتك على بعدك يناديني=نسمه على عادتك تهوى ملاطفتي
نمد حبل الوصال ونطوي البيني =يا ما على حالتي من طيبتك رفتي
البان مع شهرته بالرِي والليني =يغار من رقتك لامن تعطفتي
تمر الايام والساعات وسنيني=واهديتك العمر واكرمتيه وانصفتي
نظرة محياك بالدنيا تكفيني =يا اللي من الورد لاوجانك تقطفتي
تدرين حبك دخل ذرات تكويني =حمامه وفي رياض القلب رفرفتي
ما عاد به بنت في دنياي تغريني=جيتي بقلبٍ خلي وفيه شرفتي
انتي وحيدة حلا تزهين بالزيني=باجمل قصيده من احساسي توصفتي
كلمه وعن باقي الأوصاف تغنيني=ما اشفت احد يملك احساسك فهل شفتي؟
مخرج :
الحب بذرة دائمة النمو
تقبلوا تحيات
سعيد الغامدي

[سفير المعاني]

الغالي
الشاعر
سعيد الغامدي

اسعدك الله بجميع اوقاتك بكل خير

واسعدني كثيرا ان اكون اول المصافحين لهذه

القصيده الاجمل من جميلة والاروع من رائعه

وصح لسانك وعلا شانك مليون ولا يكفون



تقبل تحياتي

[تفاصيل الخجل]

::

صح لسانك مليون لايكفون

قصيده رآئعــــه

سلمت يمناك وعساك ع قووه

آحترآمــــي

[ريف النشاما]

...


الشاعر

سعيد الغامدي

ص لسانك ولاهنت
و ابد المحبة ما تشيخ يالقرم
ننتظر منك كل جديد يا مبدع

تقدير

ريف