ما كل برقع له عيون صنعانيه

[ميلاد اليماني]

كثر النجوم مثل الفلا متراميه=ما كل نجم(ن) في السما يبقى اصيل

مثل الكفوف لا شفتها متحنيه=ما كل من حنــّـى كفوفه بالجميل

ولا .. كل برقع له عيون صنعانيه=ولا كل من كحــّـل رموشه بالكحيل

ولا كل خنجر له ملامح جنبيه=عشق الخناجر مهرها طعنة قتيل

هلوسة انا لو .. ما بدت لي جنيه=فيها حلا مثل الغدير رقه يسيل

مثل القمر لا قلت بانت قمريه=فيها العروق ينطق بها الحــُـسن النبيل

حسيت نشوه في جنوني ثانيه=نشوه بها الاحساس يجرف ارخبيل

ما عاد احس بداخلي عقلانيه=واني جمحت بلذتي جمحات خيل

اجمع خمور الشعر داخل آنيه=واعصر عنبها وامزجه بالزنجبيل

كن القطوف من تحت يدي دانيه=من بينها نهر العسل كالسلسبيل

ارفع عروش الملك في غسانيه=واعيد للتاريخ تاريخي بديل

تبرق لنا تيجانها النعمانيه=ونجمنا يمسي معه مليون سهيل

لولا المجانين ما استلذت امنيه=لولا الجنون ما كان بالدنيا عقيل

دون الوتر ما كان غنت اغنيه=مثل الكرم لولاه ما كان به بخيل

ربي خلق للشي فينا ضديه=قمة عداله ما لها عدل(ن) مثيل







بقلم

اخوكم // ميلاد اليماني

لا ابيح النقل بتاتا بدون ذكر مصدر القصيده

[ريم الهيلا]

شـكــ وبارك الله فيك ـــرا لك ...لك مني أجمل تحية

[ريف النشاما]

...

صح لسانك يا ميلاد و لاهنت ابد

موفق ان شاء الله

ريف