مواقف واحداث

[متعب بن فارس بن طواله]

راحت علينا يامناشد حسايف= ماعاد ينفع قول لولا وياحيف

لوا خساره عشرتي للهدايف=النكث مايبرم بطانٍ ولا الليف

من خوة اهل المصحله شمت عايف=ناسٍ على شان المصالح مواليف

نصرف عليهم بالفلل والمصايف=لارافقونا ما تشيل المصاريف

خوينا في ديرة الغرّب كايف= حناء معازيبٍ وهو حسبت الضيف

يجلس وترعاه القلوب النظايف= نطبخ غداه ودلة الهيل له كيف

تقول خدام بواجب وظايف=وحنا سلالة متعبين المهاجيف

وببيوتنا بصدور سردالمضايف= وحيلٍ اتشاكل وسط بيض المناسيف

وقولت هلا وعلوم طيب وطرايف=وبن اليمن بملهوقاتٍ مهاديف

ولاعاضبت حاجاتهم عند نايف=في مكتبٍ يهومه الصعل ويقيف

يجيك واحدهم يفزّع وخايف= حلقوم خربٍ شاف حجل المعاكيف

فزعات فارس لجلهم واخلايف= ياما احرج الحكام لجل الدناديف

مكّثر غلانا يوم وقت العلايف = يوم انهم خمصٍ سوات المعاسيف

ويوم انهم صارو كروش وردايف= اقفايت الضبعه ولا واحدن شيف

يمر واحدهم مع الدرب طايف=حتى السلام يشح به والسواليف

يالمسندي شاهدت ماكنت شايف= اسمع جزى فزعاتنا والمواقيف

على خفايانا تعض الشفايف= فينا يودون البلايس مظاريف

دامه كذا ياملقطين الحجايف= تعيشو به ياصغار المغاريف

خدع البواشك للنوادر تضايف= وزقم الحصاني يتبعن الهواريف

لابد يومٍ للمناعير طايف= وانتم عليكم يكثحن العواصيف

[سفير المعاني]

الغالي
الشاعر
متعب بن فارس بن طواله

الله انه يسعدك ويوفقك بجميع اوقاتك بكل خير

ولقد اسعدني ان اكون ثاني المصافحين لهذه

القصيده الناريه بما تحمله من معنى ومضمون

وصح لسانك وعلا شانك مليون ولايكفون



تقبل تحياتي

[عبير الروح]

صح لســـــــــــــــــانك



ولاهــــــــــــــــــنــــــــــــــــــت

[ريف النشاما]

الشاعر القدير

متعب بن طواله

صح لسانك مدد بلا عدد

ابيات شامخه بشموخك المميز

يسعدني دائما تواجدي بين قصائدك المميزه

كل التقدير

ريف

..