المعنويه

[الشيخ فارس]

ليـش اغـتـيـال المـعـنـويـه صار قود

كلً ن يـطـأطـئ للحـيـاه الـيـائـسـه

طفل السياده ما يوقـر شخص عود

والـمـعــنـويـه بـالمـجـارى حـايـسه

في هـيكليـه جـمـعـة اوفود القـرود

نشوة حيـاة ن في نـفـوسن بائسه

وش فـرقـها عـن مـعـنـويـه ماتـفـود

الـلا بـمـلـبـس والسـريـره خـايـسه

وامـهـايـطـتــهـا مـثـل رزًام الـرعـود

واللا القطاه أثبت من اللي ناهسه

باحساس كنًه مثل هـجـعات الرقود

احــلام نــومـه مــالـهـنً امـقـايـسه

تستـهـوي النايم وتـبـني لـه وجـود

كـنً الـحـيـاه الحـلـم ثـلـبـة هاجسه

الـعـيـن تـكذب والخـواطـر مـاتـجـود

والفكر يـخطـب هـرطـقـة دسايسه

والعـنـكبـوت اللي يحيك النا الوعود

اللي يـفـيـد الناس عـنـهـم حـابـسه

ذبًــانــه الازرق خــديــنـه فــالــردود

واصــل المــعـانـا مـن اثــر بـلايـسه

ليت الـولي منا على الهـقـوه يسود

يكشف بـطـانـة مجـلسه وانجالسه

حتى يشوف الصدق بالعين الجـرود

وان الـضـحـايـا مـن جــنــا بـرابـسه

من زيــف غـاشـيـنـا ولا فـيـنـا جحود

وفـيـروس بـلـوتـنـا بـطــانـه لاحـسه

[طلال بن نشار]

الله صح لسانك يالشيخ فارس

اه اه اه من البطانة ذبحونا امس مجلس الشورى الموقر يعترض على زيادة رواتب المتقاعدين الى 3000 الف ريال

3000 الف وحاسدينهم نبيهم عون وراحو قوم وش عليهم الرواتب عالية ومراتب ممتازة والغلاباء لهم الله نعرف ان

ولي الامر لايرضى ذلك ولكن هم يرضون ويحجبون مطالب المواطن أقل من ثلاثة الف ريال ولا ثلاثة وش تسوى

بالغلا الي حنا عايشينه لهم الله يامجلس الشورى ويابطانة
مشكور اخي الشيخ فارس وعذرا عن الاطالة لاان اي شي فيه بطانة ينرفزني بقوة

[ريف النشاما]

...

صح لسانك يا شيخ فارس و لاهنت ابد

والحمد لله على كل حال

موفق

ريف

..

[العتيبي]

صح لسانك حتى ترضى
لاهنت