مالبورو أحمر

[عبدالله المفضلي الشمري]

والله يالولا تارك التتن لي وقت = إنّي لأكنّه لين يكوي فوءادي

صبري قضا وانا على الموت وايقت = واليوم ابا اكفر بالحيا والمبادي

ياهم وش بك ما بقلبي ترفّقت = رفيق عمري مار ظالم وسادي

لا مجرمً جابو لي الحبل وشنقت = و لا شفت من وقتي سلام وبرادي

سكرت لي مده من الوقت ما فقت = الا وانا في ديرة الخوف غادي

فوق السحاب برحلة الفكر حلّقت = لعلّي انظر نور الافراج بادي

اتلى الامل شعره وفيها تعلّقت = واشوف الارض اشواك طلح وكدادي

صديت عن بعض النواحي ودنّقت = وجنّبت دربً فيه كبوة جوادي

صريح مايومً للانذال نافقت = اشري زعل خطو الخسيس الربادي

ما دمت من بعض الهقاوي تحقّقت = الخوف ما به للنعامه مفادي

عبداً لهّمي مار طوّلت ما اعتقت = والعتق هو شفّي وغاية مرادي

[سفير المعاني]

الغالي
الشاعر
عبدالله بن فضلي الشمري

الله انه يسعدك ويوفقك لمافيه الخير

اسعدني مروري وان اكون ضمن المصافحين

لقصيدتك القويه بمعناها ومضمونها وبسبكها

وربي يساعدك ويجعل لك من كل ما يورقك مخرج

وليس ذلك بغريب على شاعر بحجمك ان يبدع

وصح لسانك وعلا شانك مدد بلا عدد



تقبل تحياتي

[ريف النشاما]

..

تتيه الاحرف بين هذا الالجام المنفرد به يا عبدالله

صح بدنك يالقرم و هذا هو طبع الدنيا

و النفس لابد لها ان تذوق الكدر بها
والاعتناز على الله وحده

مبدع

ريف

..