محطات الارصاد

[عبدالله المفضلي الشمري]

وين اتجاهك يالغيوم الثقيله = ماجابت اخبارك محطات الارصاد

سوقي سحابك للديار المحيله = لك والعطاشا والملاهيف ميعاد

يخيلك اللي ساهراً طول ليله = هم وغثا بال وهواجيس وسهاد

اغيب واسرح في مسافه طويله = وافيق والقى الشعر بالفكر ينقاد

يشوقني نوح الحمام وهديله = وانا بحضوة كيف والسهر معتاد

فنجالاً اشقر زايداً قوس هيله = والليل ونجوم السما جمع وافراد

مجنون وبكفّي زناد و فتيله = عاقل و لا عندي فتيله و لا زناد

افخر بديني واعتزي بالقبيله = شمّر سنادي يوم كلاً له سناد

هذي حياتي واعتبرها جميله = فقير واغنى شخص ما جامل اضداد

والوقت غاراته جسام ومهيله = هولاً يبث الرعب بأرواح وجماد

يسلم به الكافر ويسجد نفيله = ويكفر به المسلم على روس الاشهاد

طمس الحقايق والكوارث حصيله = نقفور يرقص غي واولاده اسياد

دمع اليتيمه فاض من ينتخي له = تصرخ له بلاداً وتغرق به بلاد

مات الوفا بأيدين الانذال غيله = والناس بالدنيا ضحيّه وجلاّد

كليب من بعده هيام الجليله = ولازال ابو ليلى عن الثأر نشّاد

لله درك يالسيوف الصقيله = ( ماتشتكين من الصدأ وسط الاغماد )

كان ابرهه يشعب على الدرب فيله = قولو له اقبل 0 طير ابابيل صيّاد

لابد للعرّاف خطه بديله = والاّ انكشف كذبه على جمع الاوغاد

على شخوص الارض ضاع الدليله = منجوم والاّ صايبه غيض وعناد

الغايه اللي سابقتها وسيله = مطامع الروّاد بأفكار الانداد

عين الرضا عن كل عيباً كليله = قبلي يقوله شاعراً بأمة الضاد

[زمان العجايب]

الشاعر

عبدالله المفضلي الشمري

قصيدتك توثيق ل زمن فيها من الاحداث أثقلت عقولنا بالتصديق

سلم يراعك وصح لسانك في نبض ما كتبت

ي الطيب

[ريف النشاما]

الفاضل

عبدالله المفضلي
صح لسانك مدد بلا عدد
قصيدة جميلة تحمل الكثير من المشاعر الصادقة

دمت بهذا التألق

ريف

[سفير المعاني]

الغالي
الشاعر
عبدالله المفضلي

الله انه يسعدك ويوفقك بجميع الاوقات بالخير

اسعدني كثيرا ان اكون من ضمن المصافحين لهذه

القصيده ذات المعنى والمضمون والابعاد بسبك شاعر

وليس هذا بمستغرب على شاعر مثلك دائما مبدع

وصح لسانك وعلا شانك مليون ولا يكفون


وتقبل تحياتي