علميني

[وليد السلطان]

علميني
الغلا لو ساق عقلك للجنون
حبني للموت وألا لا تحب

الوفاء طبعي وانا قلبً حنون
لي خفوقً صافيً مثل الذهب

حطني في وسط قلبك والعيون
وافترش عيني والحفك الهدب

كل شيً لك في هالدنيا يهون
انت آمر كل ما تاآمر وجب

حاجتينً مالها طعمً ولون
الهوى منها تبرى واحتسب

الغلا لامن تجرح بالظنون
ومن يخون الحب ويرجع بالعتب

آه من ناسً حبيبي يدعون
يحسبون الحب ياقلبي لعب

مادروا راعيه يفنى مايخون
دام حبه في خفوقه انكتب

علميني كان ودك لي تكون
كل عمري والدواء عقب التعب

وكان حدك بالغلا لين الجنون
استخير من المحبه والمحّب


وليد السلطان

[ريف النشاما]

علميني الغلا لو ساق عقلك للجنون=حبني للموت وألا لا تحب
الوفاء طبعي وانا قلبً حنون=لي خفوقً صافيً مثل الذهب
حطني في وسط قلبك والعيون=وافترش عيني والحفك الهدب
كل شيً لك في هالدنيا يهون=انت آمر كل ما تاآمر وجب
حاجتينً مالها طعمً ولون=الهوى منها تبرى واحتسب
الغلا لامن تجرح بالظنون=ومن يخون الحب ويرجع بالعتب
آه من ناسً حبيبي يدعون=يحسبون الحب ياقلبي لعب
مادروا راعيه يفنى مايخون=دام حبه في خفوقه انكتب
علميني كان ودك لي تكون=كل عمري والدواء عقب التعب
وكان حدك بالغلا لين الجنون=استخير من المحبه والمحّب


الشاعر القدير

وليد السلطان

صح لسانك ولاهنت ابد على هذه
القصيدة العذبة الجميلة
اسعدنيان اكون اول الواصلين

دمت كما انت دائما متالق

ننتظر منك كل جديد

ريف

.,.

[وليد السلطان]

هلا بريف النشاما مشكور طال عمرك بس تراك حطيت عنوان القصيده بأول الشطر من القصيده يوم نسختهااااا

[النجلا]

صح لسانك على هذه الديمه

قصيده عذبه وإحساس جميل

بإنتظار جديدك

أرق تحيه

[سفير المعاني]

الغالي
الشاعر
وليد السلطان

الله انه يسعدك ويوفقك بجميع الاوقات بالخير

اسعدني كثيرا ان اكون من ضمن المصافحين لهذه

القصيده الاروع من رائعه والاجمل من جميلة لاهنت

وصح لسانك وعلا شانك مليون ولا يكفون


وتقبل تحياتي

[خلف العاطفي]

علميني كان ودك لي تكون
كل عمري والدواء عقب التعب

وكان حدك بالغلا لين الجنون
استخير من المحبه والمحّب


وليد السلطان
صح السانك
قصيدة من منهل عذب
ووافية من جزل
شكرالك..وبالتوفيق

[شاعر الاحساس]

القدير وليد السلطان

صح لسانك

عذبه ورائعه بروعة حضورك هنا

لله درك ابيات في قمة الروعه

بانتظار جديدك

تحيتي