بنت الشيوخ يا كثرهم خطــّـابها

[ميلاد اليماني]

من قال نفسه بالحلا قله تعبّ=بنت الشيوخ يا كثرهم خطــّـابها
والي يبي شعبان يتحرّى رجبّ=دامه تمنى بالغصون اعنابها
من يرمي النخلات ردت بالرطبّ=والطير ما تجرح بلا مخلابها
ما حد .. يعلـّـي جدر بيته من قصبّ=ويهدد الرعيان حرّق احطابها
واهل العقول تدرى بهم عند الغضبّ=لان الغضب يعمي معاه البابها
واليّ لباكر ما تأمل او حسبّ=ما ينتكس لو صار عند اذنابها
كم ذيب مقطوعه جذوره من نسبّ=ما تنصف الفرسان طول اشنابها
ذيب الذيابه ما يذيــّـبــّـه الحسبّ=واسمه يزلزل بالقلوب اصحابها
واليعربي لو ما تحلـّـى بالادبّ=واعطى السلامه بالطريق اسبابها
يبقى سبب نفسه ولا غيره سببّ=والعيب اكبر في لـِـحَى شيــّـابها
واليّ اخذ حقك بظلمه واغتصبّ=بيجيب حقك من طويل ارقابها
اعمى البصيره قال تيسه ما حلبّ=واهل الجهاله يا كثر القابها
ليش كل زمره جاهليه بالعصبّ=والنار تغلي في عروق اعصابها
تدري العجيبه يوم تقول اكبر عجبّ=ان العرب ما عاد فيه اعرابها
وان العرب ما ضرهم غير العرب=حكمه وصاحب صاحبي يدرى بها
وان النفوس الي معادنها ذهبّ=صارت غريبه في وسط اسرابها
ياريم حــَـنــّـي للجدايل بالخــُـلبّ=وامحي من الاجفان كحل اهدابها
زفي الجنايز حافيه لين التربّ=وارثي القصايد من ورى جلبابها
خلو العتب ما فادنا كثر العتبّ=واليّ يبي عزه يعضّ انيابها




بنت الشيوخ يا كثرهم خطــّـابها

للشاعر ميلاد اليماني

[فواز علي الروقي]

شاعرنا المميز

ميلاد اليماني

قصيده فيها من الحكمة الشي الكثير

التي نسجها شاعرنا من تاليفه صح لسانك وعلاء شانك

تحياتي لك وتقديري

[الإدمي]

~..
يعطيك العافيه وتسلم الأيادي المتألقه
على روعة جلبها وانتقائها الراقي
بإنتظار روائعك القادمه بشوووق
~..

[رهب]

صح لسانك ميلاد
تشرفت بالمرور واستمتعت بقرائتها
دام نبضك وابداعك ومليون صح لسانك
وافيه
تحياتي
رهب

[مسفر علي الروقي]

صح لسانك وعلاء شانك

قصيده رائعه من رائع

تحياتي

[نومان سحل]

ميلاد اليماني

صح نبضك

شاعر جميل ولا يأتي الا بالجميل

مودتي

[سفير المعاني]

الغالي
الشاعر
ميلاد اليماني

الله انه يسعدك بجميع اوقاتك بكل خير

اسعدني كثيرا ان اكون ضمن المصافحين لهذه

القصيدة الاجمل من جميله والاروع من رائعه

وصح لسانك وعلا شانك مليون ولايكفون



وتقبل تحياتي