العنود

[متعب السميري]

ياكثر ماهوجس لياغبت عني = وياكثر ماشكي من فراقك للأصحاب
طاوعت عذالي وخيبت ضني = وطال الغياب اللي يسمونه غياب
حتى القمر عنك بليلة سـألني = يقول وين اللي خذا النورثم غاب
مايدري أن الاســئله يوجـعني = والحزن في صدري فتح له100باب
ذيك العنود اللي غلاها سكني = العيطموس المترفه أم الاهداب
ام العيون الفاتنه جرحني = يابري حالي منك ياسيد الاحباب
ياطول ليلي والدموع أحـرقني = تقول نايشني على الكبد مشهاب
دنياً بلتني بالجروح ,,ومـلني = مارتاح لي بال(ن) ولاخاطري طاب
عيٌن ظروف الوقت لا يسعفني = ازريت اجاهدها وانا حيل منصاب

[العتيبي]

الله يجيرني ويجيرك من المشاهيب
صح لسانك حتى ترضى
لاهنت اخوي

[عقاب]

متعب

صح لسانك على هذه الرائعه

تحياتي

.

[سفير المعاني]

الغالي
الشاعر
متعب السميري

الله انه يسعدك يجميع اوقاتك بكل خير

ولقد اسعدني ان اكون من ضمن المصافحين لهذه

القصيده الاجمل من جميله والاروع من رائعه

وصح لسانك وعلا شانك مليون ولايكفون



وتقبل تحياتي

[الإدمي]

اسعد الله اوقاتك بكل خير

صح لسانك مدد بلا عدد

بانتظار ما يفيض به قلمك

تحياتي ومتابعتي