مجاديفْ

[سع ـود الدوسري]

لكم الود بأكمله ..!!

والورد بأجمله ..!!

أحبائي ....{

هنا ســ يكون موطني وموطنكم

مجاااااديفْ..


ســ أنزف هنا على هذه الأرض

حتى أرويها حرفآ

بقلمي ..

سـ أحلق حتى أصل سحاب ذائقتكم

مساحات عشق متجدده

أقرئوني واقرئوها

بقلوبكم قبل عيونكم



بكل هدوء سـ أكون هنا


عندما أحتاج نفسي ..ّّ


سعود الدوسري

[سع ـود الدوسري]

لاتعبت وضقت مـن دنيـا الهمـوم=شفت في عينك من الظيق انشراح
الفرح من دون شوفتـك معـدوم=يابعد من جا على الدنيـا..وراح

[سع ـود الدوسري]

لا تروح وعين محبوبك تنادي=أقهر العبره..ورد الابتسامه
المكان بغيبتك ماهوب عادي=طلّتك نوره..وتوديعك ظلامه

[سع ـود الدوسري]

على الطريق اللي جمعنا مع الشوق=نمشي ولا نحسب حساب النهايه
مادام انا وياك ..والمشي برفوق=اموت ..ماينطق لساني.. كفايه
دامك معي بالدرب يا اعز مخلوق=بترك جميع الكون كله.. ورايه

[سع ـود الدوسري]

الصدفه اللي وقتها يجمع حبيبٍ مع حبيب=ماتشبه الا فزة اشواق الغلا في حينها
لبيه يافرحة لقانا..شوق..واحساسٍ غريب=في موقفٍ عيني ترووت بالغلا من عينها

[سع ـود الدوسري]

تدلل وقول اللي تبي ياغـلاي فـداك=علي نذر ما ترجع قبل نيل مطلوبـك
تدلل وقول..اسمع كلامك وهمس شفاك=واخذ ماتبي من قلب خلك ومحبوبـك

[سع ـود الدوسري]

أمر الرياض وكل ما جيت ذاك الحي=الاقي من الذكرى على الدرب تشويقه
اجي له ونا مانيب ادوّر.. بجيّه.. شي=لكن ينجذب قلبي.. عليه ..بمعاليقه
اجي له بشوقي مير لا خذت فيه شوي=تعكر مزاجي وقلبت فرحتي ضيقه

[سع ـود الدوسري]

بين الوداع وبين وعد التلاقي=رحلة شقى ياجعلها ما تمررك
ماعاد خلّت لي من الحال باقي=لو قلت حالي يا حياتي يسررك

[سع ـود الدوسري]

تصدق على شانك فتحنـا مجاديـف=تصدق على شانك قطعنـا المسافـه
هنا..هنـا يلتـم شمـل المواليـف=يالذوق..يالـورد الندي..ياللطافـه
انت الحلا..ويطيب في قربك الكيـف=وغيرك ..لو انه يغيب ما من حسافه

[سع ـود الدوسري]

ان كان ما تدري وش بخاطري يوم=بلاش من نـزف القلـم والكتابـه
الهم يجلس داخل القلب.. مكتـوم=ولا اشتكيه لواااااحـدٍ مـا درابـه

[سع ـود الدوسري]

لاجيت ابنسى نار فقدك وأكابر=هزتني الذكرى القديمه وشوقي
غيرك غلاه يمرني طيف عابر=والا انت متربع غلاك بخفوقي

[سع ـود الدوسري]

والله معك يتبدد الهم والضيـق=واغيب عن دنيا التعب والشقاوه
ياغلا غلاً لي بين كل المخاليق=الحظر واللي يسكنون البـداوه

[سع ـود الدوسري]

ياسلوة الخاطر..وياضيقـة البـال=ياصيف قلبي ..ياشتاه.. وربيعـه
عيّا يزول الضيق لـو قلتنـا زال=لاراح ضيق يحل بعـده ..تبيعـه
يأصعب طموحات الشقاوي والامال=ياحلى سرابٍ شاق عيني لميعـه
عجزت اغيّر فيك ياصدق من قـال=حرّك جبـال ولا تغيّـر طبيعـه!!

[سع ـود الدوسري]

تدرين من دونك وش الوقت يسـوى=وتدرين وش تسوى حياتـي بدونـك
العمر من دونك من اسوى..إلى اسوى=والكون ضيّـق دون نظـرة عيونـك

[سع ـود الدوسري]

تغيب عني ونسة البال لا غبت=وترجع لي البسمه..على أول ماشوفك
من جمعة الفرقى إلى ليلة السبت=عندي همومي ونت عندك ..ظروفك
زوّد حلاك أسبوع..لكن انا..شبت=عاين قبل فن الحلاقه..حروفك

[سع ـود الدوسري]

عساني يابعد عمري فداك من الزعل لرضاك=عساني فدوة..عيونك..وخدك..وابتساماتك
حلاك اللي محلي دنيتي..وش دنيتي لولاك؟=حلا وصفك..حلا ذوقك..حلا طبعك..حلا ذاتك
احبك ..يابعد عمري..عساني ياغلاي.. فداك=ونا اكفـايه على نظرة ..عيونك..وابتساماتك

[سع ـود الدوسري]

همسك .. على نظرة عيونك.. على شفاك=والابتسامـه ..والخجـل لا اكتسـاهـا
يبحـر بمفتونـك مـن حـدود مرسـاك=ويغـرق وهـو فـي معرفتـك يتباهـا

[سع ـود الدوسري]

اقرب هنا.. لك منزلٍ بين الاظلاع=بالصدر..وسط القلب هذا محلّـك
مجلس غلا ماهوب مجلس تمتاع=لو تسكنه طول الدهر ما يملّـك

[سع ـود الدوسري]

غيرك

يغيب سنين مايزعج الـروح!!

و الاأنت

اموت ان غبت عني ثواني..

شوفك.

حياة اللي من البعد مجروح

وفقدك
.
تهدّم به ركون المحاني..

[سع ـود الدوسري]

يسج

الخفوق اللي من الشوق فيه

وفيه

مادام

الظروف يحاولنه على

السجه

تصده

ظروفه..والزمن..بس

ماتنسيه

طريق

الغلا اللي بالوجه وين

ماوجّه

[سع ـود الدوسري]

مثل

البدر تطلع لك ايام

وتغيب
...
وباقي

الشهر ماعاد لك فيه

شوفه

عيّت

جروح الصبر من بعدك

تطيب

عجّل

مدام الشوق تومي

كفوفه

يكفيني

اللي صار صدٍ

وتعذيب

لا عاد

تلحقني بنفسي

حسوفه..

[سع ـود الدوسري]

أعيش


معك الوقت لو غبت

عني

لو غاب

زولك ما تغيّب

خيالك

شوق..

وحنين..

مطعّمه

بالتمني..

كأنك

لحالك

في حياتي

لحالك..

وانت

الوحيد الللي غيابه

شحنّي..

ما بالبشر

شخصاً يعوّض

بدالك..

[سع ـود الدوسري]

وصلك
دواء قلب من الحب
هيمان
وصب
رٍ على بعدك مرارٍ
مذاقه
اقرب
هنا لك بين الأظلاع
مسكان
منزل
غلا ماهوب منزل
رواقه
تبختر
بناديه شــريان
شــريان
ومن
كــل نبع فيه خذ لــك
ذواقه

[سع ـود الدوسري]

هاتي

يديك وخلي العين

بالعين

خلّي

عيون الحب تقرا

بعضها

تقرا

رسايل حب من بين

قلبين

هذي

طبيعتها توفّي

غرضها

[سع ـود الدوسري]

خللي

عيونك في عيوني وانا

اشوف

تقرير

قلبك يالغلا في

عيونك

القى

بعينك لي عناوين

وحروف

وتلقى

بعيني كلمةٍ

ماتخووونك

[سع ـود الدوسري]

تبسم
يابعد عمري فدتك الروح..
دمت الروح
فداك
الكون كله يابعد هالكون
ياروحي
غلاك
اللي بقلبي لو ترووح مستحيل
يروح
مادام
انك هنايه.. والجروح..وبلسم
جروحي

[سع ـود الدوسري]

مدري ورى حظي من العام به ميل=اعدّله والحظ لي ماتعدّل
صبرت في رجوى الليال المقابيل=إلين شفت ستار وقتي مسدّل
ماعاد لي رجوى ولا عاد بي حيل=ان كان قلب اللي هويته تبدّل
لاتذبحين اللي جراله غرابيل=ياعذبة المنطوق يازينة الدل

[سع ـود الدوسري]

أقرب
هنيّا منزلك داخل الروح..
ولا يضيق
صدرك دام ها محلك
مادم
لك قلبي من الشوق مفتوح..
انزل
وخلّك داخل القلب خلك

[سع ـود الدوسري]

ودي

بشوفك كان تسمح

ظروفك..

وكان

الظروف اصعب من الشوف

مسموح


ان كان

عيني يالغلا ما تشووفك..

ما عاد

لي في زايد الشوف ..مصلوح

[سع ـود الدوسري]

لا يرووح

البال يا قلبي بعيد..

دام

انا وياك ثالثنا الغلا

اقربي

وارويك ياروحي قصيد..

جعلني

ياروح روحي ماخلا

[سع ـود الدوسري]

تباشير شوفك..طرد ضيقه..وفلّ حجاج=ربيع العيون..وراحة القلب..وعلاجه
عيوني عليك يسوقها..شوقي الوهاج=بها بوح قلبٍ يسألك.. بالغلا ناجه
لو أن الأوادم في عيوني.. يجون افواج=احس الزمن من دون شوفك..ولا حاجه
عليك الخفوق من المفارق..يجيه خلاج=وعليك العيون من المشاريه..زعّاجه
تبي زبدة الموضوع..لو كان فيه احراج=إلى منْ كلٍ ..عدْ بالوقت ..ما وااااجه
إلى من فقدتك عدني دائماً محتاج=وإلى من وجدتك.. ما نقصني ولا حاجه

[سع ـود الدوسري]

قبل
اراجع للرسايل في بريدي
جاري
الارسال برساله جديده
حبرها
نبض المشاعر من وريدي
يستلمها
نور عيني ليل عيده
كل عام
العيد ياروحي سعيدي
عاده
الله لك مع سنينٍ مديده

[سع ـود الدوسري]

تدرين

معك الوقت لو هو دقيقه..

يسوى

مع غيرك من العالم..سنين

انتي

الغلا..والحلم..وانتي الحقيقه..

وأنتي

ربيع العمر..وانتي العناوين

غيبتك..

عني توقد القلب ضيقه..

وشوفتك

تنسيني جميع المزايين..

[سع ـود الدوسري]

ردي

علي بهمسة شفاتك..

وأن

خانك التعبير ضميني


وأن

كان كله يالغلا فاتك..

الشوق

بعيونك يكفيني

[سع ـود الدوسري]

اعيش

بخيالك كل ما غبت عن عيني..

وأجي

للمكان اللي تمرّه على شانك

أحبك..

وحبك سارياً في شراييني..

من ابواب

شوقك لين همك ووجدانك

[سع ـود الدوسري]

يا من

تملكت الغلا كلّه..

والقلب..

حلّيت بمعاليقه

اعاف

كل الكون وآملّه..

لا شفتنا

في خاطرك ضيقه

[سع ـود الدوسري]

بروح

انا ونتي بعيداً عن الصوت

رحله

مع الأشواق.. برا المدينه

عينك..

وخدك..وأسود الليل..والتوت

في مجلسٍ

عليه شوق ..وسكينه

اهمس

بشيٍ بين الأضلاع منحوت

وترد

عينك كل ما ..تسمعينه

[سع ـود الدوسري]

أغيب
لكن صورتك في غيابي..

ما فارقت

عينٍ تحبك دقيقه

لازارني

طايف خيالك سرابي..

واصبحت

في حلمٍ يعادل حقيقه

بعدك..

عن عيونٍ تحبك عذابي..

وقربك..

هداوة بال..وعلاج ضيقه

[سع ـود الدوسري]

مادام

صوتك غير بأشراقة العيد..

عايد

على اللي واقفٍ بأنتظارك

عيده

مابين الضيق هو والتناهيد..

إلين

يسمع منك ((عيدك مبارك))

[سع ـود الدوسري]

قلبٍ
جرى فيض حبك.. داخل عروقه,,
ضمّك..
لو ان العيون ..تبوح ما خفّى
لو انك
تحس ..لا من غبت ..في شوقه,,
عذرت
دمعه ..إلى من قال..ما جفّى
من دونك
الحلم..والضحكات..مخنوقه,,
ومن دونك
الكون..لو كابرت..ما كفّى