علي بن عامر
02-27-2011, 05:26PM
قصيدة بمناسبة عودة خادم الحرمين الشرفين إلى أرض الوطن سالماً معافى
حي الله اللي عليه النفس مشغوفه=سيّد وطنّا من ابنا سيّد الساده
عبدالله اللي ملك شعبه بمعروفه=مطلق سراح السجين إمزبّن القاده
عبدالله اللي ما والله يرخي إكتوفه=إلا لرجلٍ كبير وطفل واعباده
اللي مسح دمعة الايتام بكفوفه=اللي سمع للفقير وحقق إمراده
اللي بنا وقف أبوه وطوّل إسقوفه=لجل الحرمين ينفق كل ميراده
في وقته الحج مابه ضيق وكلوفه=زوّد لرمي الجمار أدوارٍ إزياده
فعّل قطار المشاعر وأعلن أوقوفه=على سنام الجبل قد ثبّت إشداده
اللي بنا في ثول للعالم إتحوفه=إمجمّع أبحاث وإرشادات وارياده
وفصل التواما وشيٍ ماقدر آحوفه=شيخٍ يتعّب هجوسٍ تحصي إمجاده
يوم أكثر الناس للشيطان مصروفه=هو مصرفه فالدروب الخيّر عاده
ماهوب منلام بانزلاق غظروفه=شايل هموم العرب زودٍ على إبلاده
حي الله معزّبٍ تفزع له إضيوفه=إترحّب الناس فيه أفراد واقياده
أصواتنا يوم جيت أوتار معزوفه=واقلوبنا بالرضا تآتيك منقاده
في جيّتك دفّة الاحزان مدفوفه=وكلٍ جعل صورتك فارقبته إقلاده
ماعاد نبغى بعد شوف الملك شوفه=عاد الفرح للوطن في يوم معواده
المملكه باهلها شفقه وملهوفه=طوّلت عنها وهي ماهيب معتاده
مير اصبرت واصبحت بالصبر مخلوفه=من عقب ماهي لثوب الحزن مرتاده
في كل بيتٍ سمعنا صوت غطروفه=يام الذهب غطرفي للدار واعياده
المملكه للقلوب البيض مآلوفه=وهي بعد للقلوب السود لهّاده
ياسيّدي كان صف الحاقد إصفوفه=والله لنحرق صفوف الخصم وأعتاده
انتم دروع الوطن واحماه وسيوفه=وارقابنا دون حد الدار سداده
إيديننا فالوغا ماهيب مكتوفه=إلاّ صقورٍ على الاخصام هداده
دارٍ لقينا منه تقدير ومروفه=في بادي العمر وامعاناه وانكاده
في ظل أبو متعب ورحماه واكنوفه=اللي جعل دولته بين الدول غاده
الله يجيره من المكتوب وظروفه=شيخٍ غيابه يهز الجسم وفواده
شوفه معافى غناة القلب واشفوفه=يارب عافه من أدنى الشر وأبعاده
وسلامتكم
حي الله اللي عليه النفس مشغوفه=سيّد وطنّا من ابنا سيّد الساده
عبدالله اللي ملك شعبه بمعروفه=مطلق سراح السجين إمزبّن القاده
عبدالله اللي ما والله يرخي إكتوفه=إلا لرجلٍ كبير وطفل واعباده
اللي مسح دمعة الايتام بكفوفه=اللي سمع للفقير وحقق إمراده
اللي بنا وقف أبوه وطوّل إسقوفه=لجل الحرمين ينفق كل ميراده
في وقته الحج مابه ضيق وكلوفه=زوّد لرمي الجمار أدوارٍ إزياده
فعّل قطار المشاعر وأعلن أوقوفه=على سنام الجبل قد ثبّت إشداده
اللي بنا في ثول للعالم إتحوفه=إمجمّع أبحاث وإرشادات وارياده
وفصل التواما وشيٍ ماقدر آحوفه=شيخٍ يتعّب هجوسٍ تحصي إمجاده
يوم أكثر الناس للشيطان مصروفه=هو مصرفه فالدروب الخيّر عاده
ماهوب منلام بانزلاق غظروفه=شايل هموم العرب زودٍ على إبلاده
حي الله معزّبٍ تفزع له إضيوفه=إترحّب الناس فيه أفراد واقياده
أصواتنا يوم جيت أوتار معزوفه=واقلوبنا بالرضا تآتيك منقاده
في جيّتك دفّة الاحزان مدفوفه=وكلٍ جعل صورتك فارقبته إقلاده
ماعاد نبغى بعد شوف الملك شوفه=عاد الفرح للوطن في يوم معواده
المملكه باهلها شفقه وملهوفه=طوّلت عنها وهي ماهيب معتاده
مير اصبرت واصبحت بالصبر مخلوفه=من عقب ماهي لثوب الحزن مرتاده
في كل بيتٍ سمعنا صوت غطروفه=يام الذهب غطرفي للدار واعياده
المملكه للقلوب البيض مآلوفه=وهي بعد للقلوب السود لهّاده
ياسيّدي كان صف الحاقد إصفوفه=والله لنحرق صفوف الخصم وأعتاده
انتم دروع الوطن واحماه وسيوفه=وارقابنا دون حد الدار سداده
إيديننا فالوغا ماهيب مكتوفه=إلاّ صقورٍ على الاخصام هداده
دارٍ لقينا منه تقدير ومروفه=في بادي العمر وامعاناه وانكاده
في ظل أبو متعب ورحماه واكنوفه=اللي جعل دولته بين الدول غاده
الله يجيره من المكتوب وظروفه=شيخٍ غيابه يهز الجسم وفواده
شوفه معافى غناة القلب واشفوفه=يارب عافه من أدنى الشر وأبعاده
وسلامتكم