يالله [الأرشيف] - شبكة رهب الأدبية-ريما محمد السديري

عساف العساف

02-13-2011, 10:12AM

قصة للضلماوي والكثر الكثير يعرف هذا البيت ولاكن يجهل قائله

وماهي مناسبة قوله وبعهد من .. هذه القصه امل اني افيدكم بها :-

علي وقت الامير محمد العبدالله الرشيد ذاع صيت / دغيم الضلماوي

الشلاقي الشمري ذاع صيته بالكرم وخاصة القهوة اللي يقول به :-

ياكليب شب النار ياكليب شبه = عليك شبة والحطب لك يجابـي

وعلي أنا ياكليب هيله وحبه = وعليك تقليـط الـدلال العذابـي

وادغث لها ياكليب من سمر جبه = وشبة الي منه غفى كل هابـي

باغي ليا شبيتها ثـم قبـة = تجلـب لنـا ربعـا سـراة غيابـي

بنسريةً ياكليب صلفا مهبه = لاهـب نسناسـه تقـل سـم دابـي

سراة بليـل وناطحيـن مهبـه = متكنفيـن وشوقهـم بالعذابـي

الوالمة ياكليب عجل بصبه = والرزق عند اللي ينشى السحابـي

صبة لقرما صرفته ماحسبه = يوم البخيل مكنهب الوجـة هابـي

وصبة لمنعورين ليا جاة نبة = يرخص بعمره والدخل لها ضبابي

وعدة عن اللي مايداري المسبه = اللي يدور بالقصيـر الغيابـي

عن الطيب عده نازلا له بغبه = يضرب علي درب الخطا مايهابي

لا باطن الهلباج خطوا الجلبة =يا حلو خبط عصيهـم بالركابـي

أطمر لهم وأبدي سلام المحبه = لا جو على هجناً يديهم خرابـي

سلام أخلى من شخاليل جبه = وأحلى من السمن الجديد العرابي

مع كبشً مصلاح راسه نجبه = لا أدبـر الهيـن متيـن العلابـي

خطو الولد يوم الملاقي نكبه = يأتي علينا من حسـاب الزهابـي

وحتى ايش لو يلبس وبينن وجبه = معيرة على غضير الشبابـي

أنا لقيت الصبر يازين غبه =يرقيك رؤوس مشمرخات الهضابي

من لاصبر ياكليب في حكم ربه = هذاك يوم البعث ماله ثوابـي

يقولها اللي ما حسب المسبه = ولا عرقل الاجواد ببعض الهلابي

هذا هوى بالي وهذا مطبه = من قبـل مايسفـح علينـا الترابـي

سمع الامير محمد العبدالله الرشيد بكرم الضلماوي وكثر ذكر الناس فيبي يشوف عن الضلماوي وصدقه يوم يقول :-

الوالمه يا كليب عجل بصبه = والرزق عند اللي نشى السحابي

يوم جاء تالي ليلة من الليالي قال الامير لبعض اخوياه الخاصين ترونا نبي نسير ولاعلمهم بوجهته ويوم جاء تالي الليل الا يوم نوخو على الضلماوي فقام الضلماوي ورحب بهم يوم دخلو الرقة وشاف الامير محمد الوجار الا والله الا النار حيه والوالمه على النار وصب لهم الضلماوي من الوالمة وقام يحمس الثانية وقبه النار .

قال الامير محمد
:-
ما تقولي يالضلماوي وش عندك به يوم انك تقوصد يا

كليب يا كليب . فعرف الضلماوي ان الامير زعلان فقبلة وقام ومد يده

للامير وقاله :-

مده رهن لولاك ماقلت ياكليب = ولا قلت شب النار وصر موقدا له
في ليلة تجدع سواة المشاهيب = نسرية تلصق خليل لخله
نطعن بعزك ياحصان الاطاليب =عسى الله جمع حزمتك ما يفله
يالجوهر الناريز يالمسك يالطيب =يا عنبرا من جربه مايمله
تكفي محاليب وتملى مجاليب = وكبد تيبسها وكبدا تبله
ياطير شلوى مالقي بك عذاريب = لو تستحتي ما تجمع الطيب كله
يا بو اليتامى والارامل ومن عيب = وأبوا لمن صار العصى ثالث له
وابو المحرول والاعمي والمحاديب = ومن ضامته بعقاء تصير ولدا له
أن كان هرجي به عليكم عذاريب =سامح عسى اللي عقبك بألف حله
مده رهن لولاك ماقلت ياكليب =ولا قلت شب النار وصر موقدا لـه
في ليلة تجـدع سـواة المشاهيـب = نسريـة تلصـق خليـل لخلـه
نطعن بعزك ياحصان الاطاليب = عسى الله جمع حزمتـك مـا يفلـه
يالجوهر الناريز يالمسك يالطيب =يـا عنبـرا مـن جربـه مايملـه
تكفـي محاليـب وتملـى مجاليـب =وكبـد تيبسهـا وكبـدا تبلـه
ياطير شلوى مالقي بك عذاريب = لو تستحتي ما تجمع الطيـب كلـه
يا بو اليتامى والارامل ومن عيب = وأبوا لمن صار العصى ثالث لـه
وابو المحرول والاعمي والمحاديب = ومن ضامته بعقاء تصير ولدا له
أن كان هرجي به عليكم عذاريب = سامح عسى اللي عقبك بألف حله

وعقبة قال الامير محمد العبدالله يالضلماوي قال نعم
قال والله ماتشريه غير ماشريته مدام ان حي كل مااحتجت تجي يمي وتاخذ حاجتك عقبة قام كل سنة يقيض بالديرة ويقولون يبني بيته بشعيب ابو جرف اللي جنوب عيرج اللي هو الشارع الجنوبي الان لثانوية حائل
(منقول)

عساف العساف

02-13-2011, 10:33AM

أبيات تميزت بقوة المعنى وجزالة اللفظ والدقة في وصف الحدث فلامست أعماق الناس وخاطبت همومهم وقضاياهم لذلك علقت في الأذهان والعقول وترددت على الألسن وضربت بها الأمثال في المناسبات المشابهة ... تلك الأبيات خلدها الحفظ والترديد المستمر بين الناس حتى يومنا هذا

أنا وربعي كلبونا جماعه=الدين واحد والهدف خدمة الشعب
لا ضاق صدر الشعب ما أستر ساعه=أضيق ليمن ضاق وأحب لا حبالمغفور له الشيخ صباح السالم الصباح

أحفظ دبشك اللي عن الناس مغنيك=اللي ليا بان الخلل فيك يرفاك
وأعرف ترى مكة ولاها بناخيك=لو تطلبه خمسة ملاليم ما أعطاك
والحر مثلك ما يصحب الديك=وإن صاحبه عاعا معاعات الأدياكبركات الشريف

إن جاد لك حظك باع لك واشترى لك=فوائده مع كل الأبواب تأتيك
وإن بار بك حظك دلا يهزل حلالك=بأردى الثمن لزمٍ يبيعك ويشريك
وإن جاد لك حظك بالمجالس حكى لك=وصدّق مقالك كل من لك يحاكيك
وإن بار بك حظك دلا يكذب مقالك=وتصير كذبات الملأ كلهن فيكمحمد بن عون

من عوّد العين المنام تعوّدت=ومن عوّد العين المساري تعاود
ومن عوّد الصبيان أكل بيته=عاودوه في عشر الليالي الشدايد
نعد الليالي والليالي تعدنا=العمر يفنى والليالي بزايدراشد الخلاوي

النوم رأس اللوم بان الردى به=واللي يبي الطولات نومه شلافيح
الذيب ما يرقد ورزقه نهابه=يدوّر الغرات عند المصاليح
واللي يبا الطولات يتعب ركابه=والعز بأكوار النضا ياهل الفيحمريبد العدواني

ليا عاد ما للرجّال رأيٍ يدله=يأخذ من أشوار الرجال دليلالشريف جري الجنوبي

فتى بلا عزم حياته مذلة=والعزم لقلوب الرجال طبيب
من لا صبر بالعسر نا ذاق يسرها ... وباب الفرج للصابرين قريبمحمد الأحمد السديري

مقام الفتى في منصب العز ساعة=ولا ألف عام يصحب الذل صاحبه
راشد الخلاوي

الحمّرة تدك معوشة عيالها=وألا الرجل يبغى منه بعض الأحوال
خلف أبو زويد الشمري

ليا صار ما توفي عميلك من الصاع=ما ينقعد لك عند حصن النواهيم
شبرٍ من البيداء يعوّضك بالافزاع=وسود الليالي يبعدنك عن الضيم سعدون العواجي

الضرس يعبى له عن السهر مقلاع=حتى تنام العين ما هي طلابهخلف الأذن

حيٍ يوريك المذلة وتغليه=أنا أشهد إنك ميت القلب عامي
من لا يودك لا توده وترجيه=أرفع مقامك يا عزيز المقاميمحمد الأحمد السديري

أنا أشهد إن بقصرة الرجل نوماس=لا صار ما للرجل داعيٍ دعاهامبارك بن عبيكة

لا يأمن المظهود جمع المعزة=ولا يأمن الجمع العزيز الظهايد
أيضا وبيت الفقر لا يأمن الغنى=وبيت الغنى لا يأمن الفقر عايد
ومن لا يسقي كنة القيظ زرعه=فتراه يفلس منه ليالي الحصايدراشد الخلاوي

يا بايعٍ جوخٍ على غير أهاليه=مثل الذي ينزل بقصرٍ خرابه
ولد الردي لو طاب لك لا تماشيه=يومين والثالث يبين الردى بهمشعان بن هذال

لعل قصرٍ ما يجي له ظلالي=ينهد من عالي مبانيه للساس
لا صار ما هو مدهلٍ للرجالي=وملجأ لمن هو يشكي الضيم والباسمحمد الأحمد السديري

لا تأخذ الدنيا خراصٍ وهقوات=يقطعك من نقل الصميل البرادي
لك شوفةٍ وحده وللناس شوفات=ولا واديٍ سيله بفيض بواديعبدالله بن سبيّل

الأجواد إن قاربتهم ما تملّهم=والأنذال إن قاربتها عفت ما بها
الأجواد وإن قالوا حديثٍ وفوبه=والأنذال منطوق الحكايا كذابها
الأجواد صندوقين مسك وعنبر=ليا فتحت أبوابها جاك ما بها
والأنذال لو غسلوا ايديهم تنجّست=نجاسة قلوبٍ ما يفيد الدواء بهامحمد المهادي

أحدٍ على جاره بختري ونوّار=وأحدٍ على جاره صفاةٍ محيفه
خطو الولد مثل البليهي ليا ثار=زودٍ على حمله نقل حمل أليفه
وخطو الولد يا مال قصّاف الأعمار=لا نافعٍ نفسه ولا منه خيفهمقحم النجدي الصقري

ليا خاب ظنك بالرفيق الوالي=ما لك مشاريهٍ على نايد الناسمحمد الأحمد السديري

أحدٍ ينام وحط رأسه بكمه=وأحدٍ تخم النوم عينه وتخطيه
وأحدٍ يحاول بالردا بنت عمه=وأحدٍ يدوّر ستر عذرا عوانيه
ماني وأنا بندر بياع دمه=يقطعك يا بياع دمه وشاريهبندر بن سرور

من لا يديس الرأي من قبل ما ديس=عليه داسوه العيال القرومي
ومن لا يقلّط شذرة السيف والكيس=يبدي عليه من الليالي ثلومي
والقصر ما يصلح على غير تسييس=ومن لا تعلم ما تفيد العلوميتركي بن حميد

المراجل ما تهيّا هالسّويا=كود من عض النواجذ في سنونه
لا بغيت الهون درب الجود عيّا=حالفٍ ما أرضى لنفسي بالمهونهعبدالله القريفة

الناس ما تسقيك لا صرت عطشان=ولا يشرب المضمي كود من ذراعه
أضرب على الكايد ليا صرت بحلان=وعند الولي وصل الحبل وإنقطاعه
عيبٍ على اللي يتقي عقب ما بان=وعيبٍ طمان النفس عقب إرتفاعهعبيد العلي الرشيد

من حل دار الناس حلّوا دياره=لابد ما تسكن دياره ويغبن
ومن شق ستار الناس شقوّا ستاره=ومن ضحك بالثرمان ضحك بلا سنشالح بن هدلان

يا كليب شب النار يا كليب شبه=عليك سبه والحطب لك يجابي
حنا علينا جيب ماها وحبه=وهليك تقليط الدلال العذابيدغيم الظلماوي

خمسة عشر فنجال لحنيف صبيّت=لو كان بطنه قربةٍ قد ملاها( .......... )

لا تحسبني من دلالك تقهويّت=ما تنقه الشرّاب من كثر ماها
يا عنك ما سويتتها يوم سوّيت=قلّلت الهيل وكثّرت ماها
يا موصي الحرمة على صكة البيت=تقول منته فيه وأنته وراهاحنيف بن سعيدان

شبعنا وشبع الذر من زاد سورنا=وللذر في زاد الكرام معاش
يعطي العطى من كان ضاريٍ للعطى=ويمن العطى من كان خاله لاش
ومن يعرّب منسبه قبل منشبه=تروح عله عيلانه بلاش( .......... )

عرّب وليدك عرّبه=والنار من مقباسها
والعز بوروك النساء=اللي عريبٍ ساسها
بنت الردي لا تأخذه=لو هو طويلٍ رأسها( .......... )

لا تأخذ الهزلا على شأن مالها=ولا تقتبس من نارهم بالوقايد
لا تأخذ ألا بنت قومٍ حميده=لعل ولدٍ منها يجي بالفوايدراشد الخلاوي

أبا أنذر اللي من ربوعي يبا الطيب=لا يأخذ ألا من بيوت الشجاعه
يجي ولدها مذربٍ كنّه الذيب=عزٍ لأبوه وكل ما قال طاعه
وبنت الردي يأتي ولدها كما الهيب=غبنٍ لأبوه وفاشله بالجماعه
يا كبر زوله عند بيت المعازيب=متحريٍ متى يقدم متاعهشالح بن هدلان

هجننا ما ركبهن كل زاروبه=كود من هو عريب الجد والخالي
الظفر ساعه وإن حلّ ماجوبه=والمراجل لها حزّات ورجاليضيدان الحريبي العارضي

المجلس اللي به اسماعيل وسعيد=ينعاف لو إنه على الكبد غالي
أسماعيل ما سمته سمت الأجاويد=وسعيد ما داجوا عليه الرجاليعدوان الهربيد

لولا الهرم والفقر والثالث الموت=يا الآدمي بالكون يا عظم شأنك
لولا الثلاث وشأن من قدّر الفوت=نفذّت كل اللي يقوله لسانكمحمد الأحمد السديري

أيامنا والليالي كم نعاتبها=شبنا وشابت وعفنا بعض الأحواليبديوي الوقداني

شابت لحانا ما لحقنا هوانا=وعزي لمن شابت لحاهم على ماش مبارك بن مرجان

ما مال ألا فارغٍ من زبرها=ولا حي ألا مقتفيه المماتيسعدون العواجي

أنا حسن ماني بولد حيضريه=ولا زهملتني عند بيبان دورها
أنا حسن صعيب رأيٍ بمجلس=ليا تاه رأيي القوم عدّلت أمورها
درني وتلقاني ورى شمّخ الذرا=أضرب بعيدان القنا من يدورها
أضرب لعنا فاطرٍ ننتخيبها=نعيش في درٍّ طلع من شطورها
تملأ القدح بكرٍ وتملاه ثاني=وتملأ صميل الجود حزّت فطورها
وليا نزلنا منزلٍ ما يسرّها=الصبح وحنا معتلينٍ ظهورها
نعشي معاشيها ليا طبّت الحيا=الحمض والماء مالياتٍ نحورهاحسن بن سرحان الهلالي

يوم كلٍ من عميله تبرّا=حطيّت الأجرب لي عميلٍ مباريالامام تركي بن عبدالله آل سعود

يا ناشدٍ عني تراني شليويح=قلبي على قطع الخرايم عزومي
وليا قلّت الوزنه وربعي مشافيح=أخلي الوزنه لربعي وأشوميشليويح العطاوي

يرزقني رزّاق الحيايا بجحرها=لا خايلت برقٍ ولاهي بحايله
ترى رزق غيري يا ملأ ما ينولني=ورزقي يجي لو كل حيٍ يحايلهحجرف الذويبي

وراك تزهد يا أريش العين فينا=تقول خيّال الحضر زين تصفيح
الطيب ما هو بس الضاعنينا=قسّم على كل الوجيه المفاليحبداح العنقري

يا دباس ما يصبر على البق والحاس=ألا الذي ما له بنجدٍ عشيرهمحمد أبو دباس

يا دحيم ريضان الجماعة مريفه=واللي مع الأجناب كنه على نار
الطير بالجنحان ما أحلا رفيفه=وليا إنكسر حدا الجناحين ما طار
ويمنى بلا يسرى تراها ضعيفه=ورجلٍ بلا ربعٍ على الغبن صبّارعبدالله بن سجوان الرويس

ياما حلا يا عبيد بوقت الأسفار =جر الفراش وشب ضو المناره
مع دلةٍ تجذا على صالي النار=ونجرٍ ليا حرك تزايد عباره
وأخير منها ركعتين بالأسحار=لا طاب نوم اللي حياته خسارهتركي بن حميد

ياما حلا الفنجال مع سيحة البال=في مجلسٍ ما فيه نفسٍ ثقيله
هذا ولد عمٍ وهذا ولد خال=وهذا رفيقٍ ما لقينا مثيلهراكان بن حثلين

والله يا لولا العظم يومني أملاه=أكويه بالجمرة ويكوي جروحي
مع دلةٍ صفرا على النار مركاه=أقصر بصبتها على كيف روحي
فنجالها يشدي خضاب الخونداه=الجادل اللي عند أهلها طموحي
عدّه لمن يثني خلاف المخلاه=فكاك بالضيقات راع اللحوحي
وعدّه لمن تدفق السمن يمناه=عيدٍ لربعه بالزمان الشحوحي
وعدّه لقرمٍ ما توني مطاياه=يضوي ولو صكت عليه النبوحي
وباقي الرجال فحول نسوان ورعاه=ضباط مال وحافظين السروحيذعار بن مشاري بن ربيعان

طسّ السبيل من أشقر التتن طسّه=الشاوري يجلي عن الكبد علّه
من كيس قرمٍ يجدعه ما يدسّه=تلقاه مقروطٍ على جال دلّه
لا شفت خطو الظول بالك تعسّه=وإن فارقك شر المخاليق خلّه
ولي عجوزٍ كل بيتٍ تعسّه=ضافٍ على كل المخاليق ظلّه
لو عندنا من غيب الأيام رسّه=الآدمي مصلوح نفسه يدلّهمحمد بن مهلهل بن شعلان

يتبع

--------------------------------------------------------------------------------

خالد العبدالله06-28-2008, 04:31 am
يا شارب التنباك شاربك لا طال=إياك وإيا واحدٍ جاز دونه
مادام به نقصٍ على الحال والمال=أيضا وشرّابه يدمّر سنونهثم استدركت ذلك بهذه الأبيات بعد أن سمعها زوجها:

شرابة التنباك بهم سعة بال=واللي طويلٍ شاربه يقصرونه
يستاهل التنباك مثل ابن هذال=اللي يصرّه في مثاني ردونهزوجة مشعان بن هذال

أشوف مسلوب الحشا مرسلٍ لي=رسالةٍ تخليني أصخي بفرقاه
إن كان مقصود الحبيّب تغلي=ما أقبلك يالمرسول لنتَ ولياه
أمي ليا شافت زولي تهلي=وألا الغضي ليا شاف غيري تحلاه( .......... )

من صد عني له الطاروق خليته=عيبٍ على البنات الناس يبلاهامحمد بن حجي المطيري

لي بنت عمٍ ما وطت درب الأدناس=ولا دنست يوم النساء يدنسني
ضربتها وأنا أحسب الضرب نوماس=طلقتها يوم أفخت العقل منيسعد بن مشعل المطرفي البلوي

طيري غدا والسلوقي راح=لا وا حلالاه يا طيري
أصيح وأدعيه بالملواح=وأظن طيري لقى غيري( .......... )

يا راكب اللي بعيد الخد يطوّنه=حراير من ضرايب جيش ابن ثاني
تكفون ياهل النضا سجّوا عليّهنه=سجّوا ولجّوا وسيور العمر فاني
لابد من خرقةٍ بيضاء على السنّه=الموت من قبلنا ما عاف راكانيمحمد بن جارالله المري (هناك اختلاف كبير على اسم شاعرها)

يا الله أنا طالبك حمرا هوى بالي=لا روّح الجيش طفاحٍ جنايبها
يرحمك يا عودٍ شراها لي=من واحدٍ بالسوق جاك جالبهافراج بن ريفه القرقاح

يا ذلولي وإن نزرتك سامحيني=وإدمحي لي زلتي مما جرى لي
قاعدٍ عند هل الدرب شهريني=وا عذاب اللي يعدون الليالي
الشهر عندي يجي مثل السنيني=وإن مضى يوم يروح بنص حالي
يوم زان الدرب قالوا مرخصيني=إنتويت اللي عن الشقة شمالينزال بن رشيد المعصب الرشيدي

التايه اللي جاب بصري يقنّه=جدّد جروح العود والعود قاضي
نهجت أبي من رب الإله جنّه=وعوّدت في عمياي عقب إفتراضي
لا ريحته قثرة ولا هي مصنّه=ريح النفل بمطمطمات الفياضيبصري الوضيحي

ريحه كما ريح النفل في شعيبه=في خايعٍ علّه من الوسم تشعيب
ممطور أمس وممسيٍ ما وطي به=واليوم شمس وفاح طيبٍ على طيبسليمان بن شريم

ليا صفى لك صاحبك وأنت مشتاق=أقطف زهر ما لاق والعمر ملحوقمحمد العبدالله القاضي

سرا البارق اللي له زمانين ما سرا=صدوق المخايل بارقه يجذب الساري
برا الجرح منه ومني الجرح ما برا=وهو يحسبني يوم طال المدى باري
صويب الهوى مسكين مشيّه إلى ورا=ترى النقص فيه وحيله أقوى من الضاريسليمان بن شريم

هبّت هبوب الشمال وبردها الشيني=ما تدفي النار لو حنا شعلناها
ما يدفي ألا حضن مريوشة العيني=في طرق زوليةٍ والورع ما جاها
عديّت في مرقبٍ والليل ممسيني=في ديار غربٍ لعل السيل ما جاها
أضحك مع اللي ضحك والهم طاويني=طويت شنون العرب لا قطروا ماها( .......... )

قالوا تتوب من الهوى قلت لا لا=إلا إن تتوب رماح علوا عن الزرق
قالوا تتوب من الهوى قلت لا لا=إلا إن يتوبون الحناشل عن السرق
قالوا تتوب من الهوى قلت لا لا=إلا إن تتوب الشمس عن مطلع الشرقمحسن الهزاني

يا مل قلبٍ يسج وفيه دولاجه=من هاجسٍ بالضماير قام يدرجها
في معزلٍ عن جميع الخلق وازعاجه=ما أسمع من الناس لو تكثر لجايجها
قلبٍ يناجيك بأسلوب الهوى ناجه=يشكي لك الحال داخلها وخارجها
أما إلتفت له وتم الوصل بمواجه=وألا تنعاف عشرةٍ هاذي نتايجهاعبدالله بن نايف بن عون

لولا الحيا والله لا أصيح=صيحة يتيمٍ ضايمينه عمامه
أبوه بين النصايب طريح=وأمه توفت قبل يبلغ فطامهمفرح الضمني

من يشتري قلبٍ همومه ملايين=ويبيعني قلبٍ من الهم خاليعبيد بن حطاب

يا قرب واشنطن ولندن وباريس=حذفة عصا للي رصيده ملايين علي القحطاني

تو ما شافت غزير الزين عيني=طارت الغدفة وشفت اللي تحتها
الجدايل فوق متنه سبحتيني=يا صباح الخير ياشوف اطخمتها
بس عذروب الحبيّب شارتيني=مع سواد عيونها طول رقبتها
لعنبوك اخذي ذلولي وامنحيني=عندكم تسوا ولا عند اطمعتهازيد بن غيام

مهوب خافيني رجال الشجاعه=ودي بهم بس المناعير صلفين
أبي مندسٍ بوسط الجماعه=يرعى غنمنا والبهم والبعارين
لو أضربه مشتّده في كراعه=قال أضربي والناس ما هم بدارينمويضي البرازيه

برقٍ مصدٍ لو مزونه لها نور=لا تستخيله لو ربيعك شفاقه
من لا استشارك لا تعدي له الشور=ولا يودك نور عينك فراقهالدقيس الجمّيليّه

اللي يته بالليل يرجي النهارا=واللي يته بالقايله من يقديهمويضي البرازيه

الزول زوله والحلايا حلاياه=والفعل ماهوب فعل واف الخصايل زوجة وديد بن عروج

يا عين هلي صافي الدمع هليه=وليا انتهى صافيه هاتي سريبه
اللي يبينا عيّت النفس تبغيه=واللي نبي عيّا البخت لا يجيبهنورة الهوشان

من عافنا عفناه ولو كان غالي=ومن باعنا بالرخص بعناه بزهودمزنة بنت مكازي

أصفر على أصفر ليت محسن يشوفه=توّه على حد الغرض ما بعد لمس( .......... )

راكب اللي لا مشى يسهي سهياني=ما يداني رجل سواقه تنوشه
قاصد اللي عقبهم عفت المكاني=كن قلبي من عراويه محشوشهنورة السبيعية

يفداه من يمشي على الأرض من فوق=واللي يشوفون القمر والثريا
ويفداه من يركب على الخيل بعروق=مع خيل ابن هندي وخيل المحياقمرا الدعجانية

بعض العرب موتهم تخفيف=مير البلاء موت عبدالله
مرحوم يا مهليٍ بالضيف=يا مكثّر الهيل بالدلّه
يا صفقهن ووردن عيف =وياما حمى كل منتلّه
ليا مسك زينة التواصيف=الدم من مضربه شلّهكنة الشمرية ترثي زوجها
منقول