( تـكـفـى ) تعـرض لاول مـرة بالـفـيـديـو مع التحـيـة للجـمـيـع

[منصور الرويلي]

http://www.youtube.com/watch?v=qRk_P8i0Vs0



::::::::




::::::::

[منصور الرويلي]

تكفى ترى ماقلتها قبل هاليوم=من خلقتي ماقلت تكفى لرجال

ولا عمري أنخى من الشغاميم شغموم=حتى لو أنه حدني أشهب اللال

مانخى ولكن لا نخاني من القوم=له أنتخي لو حالتي حالها حال

أقوم والا علني يوم ماأقوم =أسوق له وجهي وكفي وماطال

واليوم شفني قلتها ماهي علوم=ناديت باعلى الصوت ياذرب الافعال

أقولها وأنا من الوقت مزحوم=للوقت ميله .. وللمواقيف رجال

ما قلتها ياكود ضايق ومظلوم؟=وانت السند يامعّرب الجد والخال

كنك (صلاح الدين) بمواجه الروم = لك هيبةٍ تكسر ثمانين خيّال

لك وقفةٍ يفخر بها كل زيزوم = ولك جاه يرقابك على نايف الجال

دامك من اللي باللقاء ينطح القوم=لا عِميت الابصار والحرب سّجال

من ساس وايل ملتجأ كل مضيوم=وقفاتهم عند العرب مضرب أمثال

اللابة اللي مجدها دايم الدوم = تاريخها تفخر به أجيال وأجيال

يوم الرجال أقوال وأفعال وسلوم = تاقف لاسم وايل صناديد وأبطال

ولاني بمن يشفق على السب واللوم=قضاب ميلة صاحبه كل مامال

والعبد ماصابه من الرب مقسوم=ولا تزعل القسمه طويلين الامال

تكفى ترى ماقلتها مثل هاليوم=من خلقتي ماقلت تكفى لرجال.

للشاعر / منصور الرويلي
.

.



أحد الردود الذي وصلني على قصيدة ( تكفى )

من الشاعر الاخ العزيز الشيخ ناصر مشعل الايداء
:

.
( قـــاف عــنــزة )
.


أبشر بعزك والخطاء يرخص السوم = ان كانها بالحال وان كان بالمال
ابشر بعزك لو تبي ننطح الروم ؟ = عاداتنا كسب الثناء اقفاي واقبال
ماتلحق المخطي أذا لامنا لوم = نميّـز أعقولن بها اخفاف واثقال
ياصاحبي محدن من الناس معصوم = كم بالبشر كاذب وكم فيه دجال
لا صرت واثق لا تناطح لك سهوم = كم شجرةٍ ترمى اذا ظلها مال
كثر الحسد والغلّ والشك والزوم = يدمر له اجيالٍ توارث لها اجيال
محدن سلم من هالبشر دايم الدوم =حتى النبي لحقوه بالقيل والقال
المجتمع ضايع وضاعت به قروم = رؤس العرب مافالها هالزمن فال
شوف المواطن حقه اليوم مهضوم = كل التعامل اصبح ريال بريال
ان طعتني لا تلتفت جيهت ارخوم = اللي يطق الظل يكفي به اظلال
حنا نعرف الحر ,, وانميّـز البوم = مقصودنا الجوهر ولا تهم الاشكال
بعض الخلايق تظلمه بصمة ابهوم = اللي تجمعها بطاقات الاحوال ؟
هذا الخطأ ماهو خطا زلة اختوم = من كان له حيله بذا الوقت يحتال
ياما تغاضينا ,, خطأ كل منجوم = وياما تجاهلنا سواليف جهال
لكن على الله يصلح الحال وتدوم = اتدوم (ياقاف عنزة) ميلة عقال
لاشك قدرك فوق رأسي ومحسوم = مقدار وافي مابها شك وآجدال
هذا كلامي جاك واضح ومرسوم = من خاطري واللي ورى القلب مازال .
للشاعر / ناصر المشعل
.
[/center]

[ريف النشاما]

::::::::

ابداع يا منصور

صح لسانك ولاهنت

قصيده جزله و احتراف غير مستغرب من الاخ
النجادي

و صح لسان ناصر

دمت بخير يالقرم

تحيه

[الفلاحي]

ابو نايف قصيده تخلي الرجل يقوم على طوله

كلنا معك لا يلحقك ضيم يا قاف عنزه

صح لسانك كل حرف

/

يوم الرجال أقوال وأفعال وسلوم = تاقف لاسم وايل صناديد وأبطال
ولاني بمن يشفق على السب واللوم=قضاب ميلة صاحبه كل مامـال
والعبد ماصابه من الرب مقسوم=ولا تزعل القسمه طويلـيـن الامال
تكفى ترى ماقلتها مثل هاليوم=مـن خـلـقـتـي ماقـلـت تـكـفى لـرجال



/

[منصور الرويلي]

ريف النشاما

شـُـكراً لمرورك المليء بالإحساس

أحترامي لك

[منصور الرويلي]

الـفـلاحـي

شكـراً لـ بهاء حـضـورك

دمت أخاً وصديق أعتز به

ودي وتقديري .

[منصور الرويلي]

من نسى في زحمة الدنيا صديقـه=قلت له عندي صديـقٍ مانسانـي

لـو يـطـول الـوقـــت ويـطـوّل طـريـقـه=أدري أنه لو يطول الـبـعــد جـانـي

بـيـني وبينه على الـعـشـره وثـيـقـه=إن بـديـتـه بـالـــوفــا وإلا بـدانــي

صرت عنده بالغلا حسبة شقيقـه=وهو بعد غالي ومن حسبة أخواني


*
*

[خيّالـهآ]

منصور الرويلي

صح السانك والسانه
ابدعتوو وامتعتوو
تحياتي ,,

[صوت الشمال]

منصور الرويلي

ابدعت بـ الكلمات

الاكثر من رائعه

صح لسااانك

[منصور الرويلي]

خيالها

شكراً على حضورك الراقي

دمت بخير

[خالد البرمان]

لك وقفةٍ يفخر بها كل زيزوم = ولك جاه يرقابك على نايف الجال

دامك من اللي باللقاء ينطح القوم=لا عِميت الابصار والحرب سّجال

من ساس وايل ملتجأ كل مضيوم=وقفاتهم عند العرب مضرب أمثال

اللابة اللي مجدها دايم الدوم = تاريخها تفخر به أجيال وأجيال

يوم الرجال أقوال وأفعال وسلوم = تاقف لاسم وايل صناديد وأبطال

ولاني بمن يشفق على السب واللوم=قضاب ميلة صاحبه كل مامال




------------------------------------------------------------

لا صرت واثق لا تناطح لك سهوم = كم شجرةٍ ترمى اذا ظلها مال
كثر الحسد والغلّ والشك والزوم = يدمر له اجيالٍ توارث لها اجيال
محدن سلم من هالبشر دايم الدوم =حتى النبي لحقوه بالقيل والقال
المجتمع ضايع وضاعت به قروم = رؤس العرب مافالها هالزمن فال

ياما تغاضينا ,, خطأ كل منجوم = وياما تجاهلنا سواليف جهال
لكن على الله يصلح الحال وتدوم = اتدوم (ياقاف عنزة) ميلة عقال



-----------------------------------------------------------------

من نسى في زحمة الدنيا صديقـه
قلت له عندي صديـقٍ مانسانـي
لو يطول الوقت ويطـوّل طريقـه
أدري أنه لو يطول البعـد جانـي
بيني وبينه على العشـره وثيقـه
إن بديتـه بالوفـا وإلا بـدانـي
صرت عنده بالغلا حسبة شقيقـه
وهو بعد غالي ومن حسبة أخواني




------------------------------------------------------------


ياأخي والله مشكلة المفاهيم


احياناً يابو نايف يتم الهجوم عليك بسببها رغم وجود الصفات الحسنة في المهاجم


احياناً تذخر الصديق للآخر مع التحمل الشديد لقدره عندك الا ان الزيادة تثقل الكاهل


فتضطر للدفاع عن نفسك بلسان صديق



ولعلمك استفدت منك في النصايح الغير موجهه الا انها تنطبق ايها الحكيم


والسموحة زينة للي تحتسي معه كوباً من الشاهي فما بالك ان زاد عن ذلك



لكن على ربك ايها العملاق





الف صح لسانك ولاقصّر الايداء في هالرد وصح لسانه

[منصور الرويلي]

صوت الشمال

تسلم على المرور الكريم

تحياتي

[منصور الرويلي]

خيالها

تسلم على الاشادة

تحياتي

[فواز الحسيكي]

كنك (صلاح الدين) بمواجه الروم = لك هيبةٍ تكسر ثمانين خيّال

صحّيت اخوي وصح لسآنك

قصيده رآئعـه

تقبل مروري

[م ب ع ث ر]

الغالي

منصور الرويلي

صح لسانك ...


وعند عيونك يابن العم .

انت بس اشر .

وصح لسان الشاعر ناصر .



تقديري وحترامي .