إما تجي قدام لايفوت الاسبوع ..؟

[خيّالـهآ]

السلام عليكم ورحمة الله وبركاته


نعتذر عن طول الغياب من الجميع :
ولكن !! مهما ابتعدت الاجساد تضل :e: :e: قريبه ..

واليكم هذه المتواضعه عسى ان تشفع لنا وتصافح قلوبكم قبل اياديكم .


الحب بذرٍ داخل القلب مزروع=ماه الوصل .. .. والهجر سمٍ يميته

واليا نما فالقلب ثم جاله فروع=يموت اذا انك بالوصل ماسقيته

والحب الاول بعد مايموت باسبوع=يِنسى مع اول حب ثاني لقيته

اذا الكرامه راسها دوم مرفوع=ماتنحني للحب لو ماقويته

وياسعد قلبٍ ماعرف للهوى نوع=ماهوب قلبٍ سجته مقتفيته

وياسعد عينٍ باتت الليل بهجوع=ماهوب عينٍ ليلها ماتبيته

وياللي بذر حبك بعد جاله إطلوع=ورده تفتح والثمر ماجنيته

اما تجي قدام لايفوت الاسبوع .. ؟= ولا تراه ان فات .. .. .. حبك نسيته .. !


وسلامت نواظركم
تحياتي ,,

[عبدالعزيز محمد الشلوه]

خيالها
ماطال غياب من حظر

نورت اخوي وصح السانك شاعرنا العذب

كل عام ونت بخير

[عاسف المهار]

من طول الغيبات جاب الغنـــــــــــــــــــــــــــــــــــايم
وانت جبت الجزله
وان كان غيابك بجيب مثل هالابيات فانا بطلبك تغيب بس لا تطول بس اهم شي عطنا مثل ماجيت به بعد الغياب
صح الله لسانك نص راق لي كثيراً
تقبل مروري

[م ب ع ث ر]

خيالهآ

اذا كان الغياب يورثنا مثل هذا الحظور


الغيم ..... ديم شعر.

فياليت ..... تكثر الغيبات.

كي ... نرتوي في حظورك من زلال الشعر


فلا غاب من حظر


دمت

برقي


تحاياي

[سفير المعاني]

الغالي
الشاعر
خيالها

الله انه يسعدك ويوفقك بجميع اوقاتك بكل خير

ومن حضر ما غاب وحياك الله ولقد اسعدني ان اكون من

ضمن المصافحين لهذه القصيده الاجمل من جميله والرائعه

وانت شاعر متمكن في اي اتجاه شعري ولك باع طويل لاهنت

وصح لسانك وعلا شانك مليون ولايكفون



وتقبل تحياتي

[خلف العاطفي]

خـيـــالها

حياك الله ومبطى من جاء
وياسـعـد عـيـنٍ بـاتــت الـلـيـل بـهـجـوع
..مــاهـــوب عــيـــنٍ لـيـلــهــا مـاتـبـيـتــه

صح السانك على هالقصيده

[فــرج الدهمشى]

القدير خيالها

عوده حميده والحمد لله على السلامه

صح لسانك مدد بلا عدد

تحياتي ومتابعتي


كن بخير

[الغواص]

خيالها
صح السانك ابيات تلامس الشعور وتتواكب مع عصر السرعه !
امتعنا بمثلها . تحياتي
اخوك
الغواص

[أنا]

خيالها

هلاا وسهلا

يفوح ازرق العود بقدومك .. ونمد لك الزل الشيرازي

اين انت .. طال غيابك .. ولك هنا تقدير ..

نص

صاغته .. روح وله .. وانامل محترف ..خبير حرف .. يحتاج لطول بال ..فهن يتمنعن ..وهن راغبات

دعائي بوابل وصل .. يروي عروق عطشى
تحياتي .. ودمت بخير