سفير المعاني

[عبدالعزيز محمد الشلوه]

خواني اعضا منتدى رهب
امل ان تحوز على رضاكم واطلب السماح من الاخوه التي لم ترد اسمائهم
اخوي سفير المعاني تكليفي لك بالموضوع من باب انك اكبر اخوانا في المنتدى
وحطيناك امير الرحله,,,
سفير المعاني جهز الجيب للمرواح=عطه ليل يزرق به لرحلات بريه
ولامن جهز ياوالدي عطني المفتاح= ابكفيك مسرآ الليل مع خط طرقيه
تحزم بقرم ٍ لابس ٍ للمراح وشاح=عزوم ٍ جزوم ٍ ماتوانت مساريه
عصب غترته ماهوب شاوي ولا فلاح=عطا له دروب ٍ دافنتها ذواريه
على علم عود ٍ داج فيها سنين وراح= وهاذي مداويجه وهذي طواريه
أنا ,وانت,وعقاب,وخلف,والخوي صنداح=مع الدهمشي,وريف النشاما,على النيه
والغواص,والأحنف,مع الطير والملواح=وخالد,ومارد, لحقو الربع عصريه
نبي طلعة ٍ تجلا وهج خاطري ياصاح=نبي رحلة ٍ في نجد ولا شماليه
نبي شبة ٍ في خايع راكبه مسفاح=سقاه الحياء والوسم لحقه تواليه
يخالط عبير النبت بالهيل لامن فاح= بجوف الدلال اللي على النار مركيه
وكبسة قطا لامن لفينا عقب مسراح=على كف شبل ٍ مرمسات ٍ هقاويه
هاذي منوت الربان ومساعد الملاح=لامنها ابحرت ويسوقها نود نسريه

[ريف النشاما]

خواني اعضا منتدى رهب
امل ان تحوز على رضاكم واطلب السماح من الاخوه التي لم ترد اسمائهم
اخوي سفير المعاني تكليفي لك بالموضوع من باب انك اكبر اخوانا في المنتدى
وحطيناك امير الرحله,,,
سفير المعاني جهز الجيب للمرواح=عطه ليل يزرق به لرحلات بريه
ولامن جهز ياوالدي عطني المفتاح= ابكفيك مسرآ الليل مع خط طرقيه
تحزم بقرم ٍ لابس ٍ للمراح وشاح=عزوم ٍ جزوم ٍ ماتوانت مساريه
عصب غترته ماهوب شاوي ولا فلاح=عطا له دروب ٍ دافنتها ذواريه
على علم عود ٍ داج فيها سنين وراح= وهاذي مداويجه وهذي طواريه
أنا ,وانت,وعقاب,وخلف,والخوي صنداح=مع الدهمشي,وريف النشاما,على النيه
والغواص,والأحنف,مع الطير والملواح=وخالد,ومارد, لحقو الربع عصريه
نبي طلعة ٍ تجلا وهج خاطري ياصاح=نبي رحلة ٍ في نجد ولا شماليه
نبي شبة ٍ في خايع راكبه مسفاح=سقاه الحياء والوسم لحقه تواليه
يخالط عبير النبت بالهيل لامن فاح= بجوف الدلال اللي على النار مركيه
وكبسة قطا لامن لفينا عقب مسراح=على كف شبل ٍ مرمسات ٍ هقاويه
هاذي منوت الربان ومساعد الملاح=لامنها ابحرت ويسوقها نود نسريه


الله الله

ماشاء الله عليك ياعبدالعزيز
صح لسانك واعتلى شانك
راعي وفاء وكبير مقام
متى الرحلة خبرني اذا تمت الامور فاصل الريوس من اللحين
ههههههههه

[م ب ع ث ر]

والله ونعم بك وبمن ذكرت يا عبدالعزيز

طلعه شعريه .... برية رائعة بروعة شاعرها

تقديري و احترامي

[عاسف المهار]

صح الله لســــــــــــــــــــــانك ياعبدالعزيز
ولاهو غريبه عليك الابداع
وعز الله ان الرحله تنشرى: قصيد وصيد وخوة نشاما
معكم ركوب لواحدٍ يبي يخاويكم ؟

لاهنت اخوي عبدالعزيز ابدعت ابدعت وبيض الله وجهك واخوياك يستاهلون الناموس
تقبل مروري لاهنت

[أنا]

عبد العزيز

اسعد الله قلبك

محيط شعر .. تتدفق امواجه عذوبه .. دانات نبض صادق ..ولآآليء روح نقيه ..
فوح من كمبودي ألأحساس .. يتجلى .. في ثنايا النص .. لنابغة شعر ..وفنار مرجله

رفقة شموخ .. وعزه .. وفكر .. تبهج وتسعد ..

لله درك عبدالعزيز ..لفته كريمه منك لأخوانك ..

تحياتي ..وتقديري ..ودمت بخير

[مــــــــــارد عـبـقـــر]

محجوز

[خلف العاطفي]

عبد العزيز
صح السانك
وخوتك تشرى
انت ومن ذكرت وباقي اخواننا الشعراء
قصيدة جزله فيها من ما يهيض الخاطر الكثير
صح السانك واعتلى شانك..

[عبير الروح]

صح لسانك
وبيض الله وجهك
ولاهنت
بس الظاهر ممنوع اصطحاب البنات بالرحله :)<<<<<< داخله جو مع القصيده

تقدير لك ياممميز

[الغواص]

عبدالعزيز
وش تبيني اقول بس
شوّقتنايااخي الله يسامحك
ابداع .. لا.. مايكفي
مشروع أخوي شفّاف
وفاء .. هبّة ريح .. معاني صداقه واضحه
جزالة لفظ
بس يوافق ابومحمد عطنا خبر

[عبدالعزيز محمد الشلوه]

الله الله

ماشاء الله عليك ياعبدالعزيز
صح لسانك واعتلى شانك
راعي وفاء وكبير مقام
متى الرحلة خبرني اذا تمت الامور فاصل الريوس من اللحين
ههههههههه



صح بدنك اخوي ريف النشاما

تعلمنا الوفا من المطاليق اللي شرواك

ياليت والله يوافق ابو محمد (امير الرحله)

مرورك شرف واطرائك سام كن بخير

[الاحنف]

هي امنيه بالهروب بها الى اخر حدود المرحلة يا عبد العزيز
عسى ان تتحقق

تحيتي

[عقاب]

عبدالعزيز

ياهلا وغلا


وصح الله لسانك ولايستغرب منك هذا الاحساس اللي يدل على طيب معدنك يالغالي

وانت من الرجال الي انا بالذات اشتري رفقتهم وياليت ياعبدالعزيز يتحقق الي قلته

بمرافقة الاخوان جميعهم .


انتم اعزمو والجيب والطير ازهلوها بس تبي منكم الضوء الاخضر



تحياتي


.

[سالم محسن الفهمي]

ونعم وسبعة انعام ياعبدالعزيز بك وبي من اخترت في الرحلة بدون قصور في الباقين

صح لسانك وافي وابيض وجه ياعزوتي

[سفير المعاني]

ابشر يابو محمد جاهز ومرتاح=خوتك تشرى يا عميد السريه
اللي معانا كلهم طيب وصحاح=اهل الكرم والمرجله بالسويه


الغالي
الشاعر
عبدالعزيز محمد الشلوه

الله انه يسعدك ويوفقك بجميع اوقاتك بكل خير

ولقد اسعدني ان اكون من ضمن المصافحين لهذه

القصيده العذبه بكلماتها والقويه بمعناها ويكفي ما

اشرت به ويشرفني ان اكون بمعيتك وجميع من ذكرت

من شعرانا الكرام وتقول وتطول وكفو يا ابو محمد لاهنت

وصح لسانك وعلا شانك مليون ولايكفون



تقبل تحياتي

[عبدالعزيز محمد الشلوه]

والله ونعم بك وبمن ذكرت يا عبدالعزيز

طلعه شعريه .... برية رائعة بروعة شاعرها

تقديري و احترامي



نورت اخوي م ب ع ث ر الاروع حظورك

تقديري لشخصك الكريم
كن بخير

[خيّالـهآ]

عشان الجيب مايكفيناا يعني ..؟
طيب خذو باص مثل حق مناحي وخذونا كلناا

>> يبي يبنشر كفرات الجيب

الله يستر عليكم ودام ماخذيتونا اجل لاتنسونا من الصيد ... ثم نسوي فيكم هجائيه نطلع الاول والتالي

صح السانك ياعبدالعزيز
تحياتي ,,

[كلك نظر]

صح لسانك اخوي واعتلاشانك ,,

لاهنتــ ع القصيدهـ الجزله من رجلٍ جزل ..

احتراامــي وتقديري ..

[رهب]

عبد العزيز صح لسانك ويسلم فكرك
وخير من اخترت ..
قصيده رائعه وجزله لا عدمناك
تشرفت بالمرور
تحياتي
رهب

[النجلا]

صح لسانك
والله يهنيكم بالرحله
بس المره الجايه دورنا حنا البنات تسويلنا رحله بقصيده وزعيمتنا زمان العجايب << يازينها من رحله
تقبل تحياتي

[حمد المخلفي]

صح لسانك وعلا شانك ...

تحياتي .

[عبدالعزيز محمد الشلوه]

صح الله لســــــــــــــــــــــانك ياعبدالعزيز
ولاهو غريبه عليك الابداع
وعز الله ان الرحله تنشرى: قصيد وصيد وخوة نشاما
معكم ركوب لواحدٍ يبي يخاويكم ؟

لاهنت اخوي عبدالعزيز ابدعت ابدعت وبيض الله وجهك واخوياك يستاهلون الناموس
تقبل مروري لاهنت

عاسف المهار

صح بدنك ونورت وانا اخوك

والمعذره على عدم ذكر اسمك النص اجبرني على اسما معينه
والله انك لول وراعي الاوله

ولو مالقينا لك مكان نزلت وركبتك في مكاني يالقرم
وافي وانا خوك

[عبدالعزيز محمد الشلوه]

عبد العزيز

اسعد الله قلبك

محيط شعر .. تتدفق امواجه عذوبه .. دانات نبض صادق ..ولآآليء روح نقيه ..
فوح من كمبودي ألأحساس .. يتجلى .. في ثنايا النص .. لنابغة شعر ..وفنار مرجله

رفقة شموخ .. وعزه .. وفكر .. تبهج وتسعد ..

لله درك عبدالعزيز ..لفته كريمه منك لأخوانك ..

تحياتي ..وتقديري ..ودمت بخير


انا شاعرنا الجزل بيض الله وجهك على مرورك العطر المتواضع
كن بخير

[الخرش]

مرحبا

عبد العزيز الشلوه

صح لسانك وكلك على هذا النص البديع

ونعم فيك وفي صحبتك ولا يمنع الخشوش معكم في الرحله

وعاذرينك لكون الاسماء لا تجمع كلها في بيت صدرك اوسع

دمت بخير في حفظ الله

[عبدالعزيز محمد الشلوه]

محجوز




في انتظار الطيب ياراعي العبيه=انتظر جيت عريبين المجاني
هلابك اخوي
مارد انتظر نثر قلمك ياغالي

الى ذالك الحين كن بخير

[عبدالعزيز محمد الشلوه]

عبد العزيز
صح السانك
وخوتك تشرى
انت ومن ذكرت وباقي اخواننا الشعراء
قصيدة جزله فيها من ما يهيض الخاطر الكثير
صح السانك واعتلى شانك..




صح بدنك اخوي خلف

نعم يستاهلون اخواني شعرا وادبا اسرة رهب

بس قلت يمكن اللي ماذكرتهم مايبون يروحون معنااا

<<<<ام التصريفه

[الإدمي]

شاعري القدير


.. عآفاك ربـي ع الآآحرف الذهبيه / بإنتظار بوحكـ كل الوود