قصيدتي الأولى لديكم!!

[عبدالكريم الروقي]

السلام عليكم ورحمة الله وبركاته

قصيده جديده واتمنى أن تحوز على رظاكم.!!

والمعذره على القصور!!







لاح برقً فالشمـال وهـب ذعـذاع النسيـم=والرعود تحـن فالمنشـاء وعينـي للسمـآ
والمخايـل خيلـة والمـزن جايلـه رزيــم=يا الله أنـك تسقـي بنـوك عديميـن النمـآ
والصدر ضايق وجايله مـن الضيقـة رنيـم=ضاق جولي من هواء الديره وميقافـي حمـا
ودي أسج القـدم وأمشـي بـدربً مستقيـم=بس وين اللي ليا منـه نحـا الفرجـه طمـا
جيب لكزز وآرد عمان من وكـالات البريـم=منوت اللي لا نوى الطرقـه وشـد المحزمـا
لا أعتدل بالخـط يامحمـد يصـلاه الجحيـم=ابلجـن يطـوَ المسافـات ويجتـاح الحِـمـا
ولا أعترض دون الوضح والجو فالصمان غيم=والجنايـب درهمـت وكـن شاعيهـا ظمـا
يبهج الصدر ودوآ للقلـب والقلـب السقيـم=وما طرالـي جـاك مرسـل يامحمـد وأنمـآ
اللحون اللحوني وقافـي وأنـا عبـد الكريـم=من عتيبـه متعبيـن الخيـل قـاده وزعمـا




وسلامتكم

[م ب ع ث ر]

الفاضل


عبد الكريم


ياهلا ومرحبا بك بين أخوانك و أخوااتك

في واحة رهب


حضور فاخر ..... يليق بسموك

وبوح ..... روح طاهر


تقديري وحترامي

[الغواص]

حيّاك الله ياعبدالكرم
مصافحه تشرّف وجهك
صح السانك ولاتحرمنا جواهرك
اخوك
الغواص

[خلف العاطفي]

اللحون اللحوني وقافـي وأنـا عبـد الكريـم
....من عتيبـه متعبيـن الخيـل قـاده وزعمـا
عبد الكريم/صح السانك والله والنعم فيك
وفي لابتك الهيلاا..وحياك الله معنا بالمنتدى

[سفير المعاني]

الغالي
الشاعر
عبدالكريم الروقي


اهلا وسهلا بك بين اخوانك واخواتك الشعراء

ولقد اسعدني ان اكون من ضمن المصافحين لهذه

القصيده وهي المصافحة الاولى والاروع من رائعه

وما قصرت وكفو والنعم بلابتك عتيبه وبجميع القبايل

وصح لسانك وعلا شانك مليون ولايكفون



وتقبل تحياتي

[عبير الروح]

حياااااااااااك الله
ياطويل العمر
وصح لسانك على المصافحه الرائعه
تقديري لك

[حمد الهذلي]

حياك يأبن الهيلا ونعم فيك وبربعك
وصح الساانك ولاهنت تقبل مروي


شا ا ا عر ربعه

[عبدالكريم الروقي]

صراحه جف القلم عن التعبير لكم بمدى فرحتي بإطلالتكم

وإثناكم على القصيدهـ وبترحيبكم الحار لي ولكن الطيب

مرساكم وعادهـ لكم والله يبقيكم جميع وصح الله بدن كل

واحداً بأسمه والله يجعلني من المُفيدين والمستفيدين في

هذا العرش الزاهد والمُغري ولا عليكم زود جميع تحياتي


//

عبد الكريم

[عقاب]

عبدالكريم


صح لسانك على هذه الرائعه



تحياتي


.

[عبدالكريم الروقي]

صح بدنك يا عقاب


ولا هنت طال عمرك

شرفت أخوك برورك

//

[رحاب بنت إبراهيم ..~]

وعليكم السلام ورحمة الله وبركاته
ودي أسج القـدم وأمشـي بـدربً مستقيـم
بس وين اللي ليا منـه نحـا الفرجـه طمـا

مفردات جدا رائعه
وكلمات منسقه واكثر من مبهرهـ
اسعدك الاله


اللحون اللحوني وقافـي وأنـا عبـد الكريـم
من عتيبـه متعبيـن الخيـل قـاده وزعمـا


والنعم والله باهل عتيبه

خاصة هل الروقي لهم معزه خاصه على قلبي:r:

مزيد من التميز اتمناه لك اخوي الكريم

وحياك الله

موفق يارب
:)

[عبدالكريم الروقي]

رحاب بنت إبراهيـــم!!

حياك الله ما عليكِ زود

والله يسلمك وإنشاء الله عند حسن ضنك بِنا.!!


وأسعـــدني مرورك.!!

[أنا]

عبد الكريم

اهلا وسهلا بك

نص
لاح برق حرفه .. وامطر غمام مفرداته .. ففاحت خزامى المعاني .. في رياض جملك ..لتعطر ذائقتنا

حضور مبهج ياعبدالكريم

تحياتي ..وتقديري

[عبدالكريم الروقي]

هلا فيك وحياك يا أنا

سعيد بإطلالتك وتعبيرك الرائع


//

[احمد العليان]

صدقت ويامحلى البر خصوصاً في مثل هذه الأوقات

كل بيت يحكي عن جمال الأجواء

اهنيك بصدق

[خالد البرمان]

اين هو هذا الشاعر العذب





عسى ان يعود بخير وسلامة هو الرائعون فقط



امثالكم اعزائي