إحســـاس مســـايا

[نجد الضاوي]

يسعد مسا ذوقك وأنفاس عطـرك= يسعد مسا حضن الدفـا والهدايـا
يسعد مسا قلب (ن) يذوبّه سحرك= أشوفـك بعيـن الغـلا والزوايـا
حلو الشهد لا صار يرويه شعـرك= لاكنت تطربني فصـول الحكايـا
ذاب المسا والنجم لابـان بـدرك= كن الليالي تنصهـر فـي مسايـا
صوتك وحسك وإبتسامات ثغـرك= أحسها تسكـن ضلـوع الحنايـا
ودي تعَرف إني بـلا روح ذكـرك= أموت من شوقي وأمـوت بعنايـا
ياويل حال القلب لأبديـت عـذرك= ينسى الزعل كله وينسى الخطايـا
كني أذوق البرد لا شـب جمـرك= وأحس هالدنيا تبـي مـن دفايـا
أبي شعور (ن) يسكن آفاق صدرك= يروي لك إحساسي وبيض النوايا
تعبت أدور للمواني فـي بحـرك= لقيت عذبات اللقـا فـي الخفايـا

[فــرج الدهمشى]

الشاعره نجد الضاوي


ابداع لاحدود صح لسانك مدد بلا عدد

تحياتي ومتابعتي وبانتظار ما يفيض به قلمك

دمتي بخير

[سفير المعاني]

الغاليه
الشاعره
نجد الضاوي

الله انه يسعدك ويوفقك بجميع اوقاتك بكل خير

ولقد اسعدني ان اكون من ضمن المصافحين لهذه

القصيده الجميله والرائعه وماتحويه من مشاعر تبيلة

كتبتي واجدتي بتصوير ما يكنه كل قلب محب لاهنتي

وصح لسانك وعلا شانك مليون ولايكفون



وتقبل تحياتي

[م ب ع ث ر]

كني اذوق البرد لا شب جمرك ....... واحس هالدنيا تبي من دفايا.


تصوير ..... منير .


وو صف ..... بليغ


يليق بفخامة ..... الشعر.

العطر.



نجد



دام هذا البوح


ودمتي بألق



ودي

[خلف العاطفي]

الله الله عليك
يانجد الضاوي
صح السانك
شعر وعذوبة
شكرا لك

[حمد الهذلي]

نجد قصيده رائعه بروعة حضورك
سلمتي عليه وصح الساانك ولاهنتي
تقبل مروري المتواضع هناا

شا ا ا عر ربعه