الشعب العراقي

[محمد بن نايف]

لكم




تنعش الخفاق لحظـات التلاقـي=عقب دق القلب للميعـاد زيـره
اللقى ساعة زمـن والجـو راقـي=والعقارب تدرج الوقـت وتديـره
ابتدئ صوت الغرام من العماقـي=وانتهى حرف اشتياقـي وتعبيـره
في مجار الـود اعـدل فالسواقـي=ولا مشى ساقيه ماغير مسيـره
يا كثر ما رحت له و أتعبت ساقي=مير طول طرقته و هيـه قصيـره
فيه مدري و يش انا قد كنت هاقي=انحرف خط ٍ رسمته عكس سيـره
حلم ليل ٍ صاحبه منـه استفاقـي=انكشف له نور صبح ٍ فيه خيـره
اطلق وثاقه و انـا جـود وثاقـي=واشغل التفكير شي ٍ منـه حيـره
كيف كان وكيف كنت ويش باقي=و النهاية سيـرة ٍ تشبـه لسيـره
الـوداع أول معانـاة الفـراقـي=يا غـرام ٍ راح وش خـلا لغيـره
اتركتني كنـي الشعـب العراقـي=لا لقى حاكم ولا حـدد مصيـره


اخوكم

[سفير المعاني]

الغالي
الشاعر
محمد بن نايف

الله انه يسعدك ويوفقك بجميع اوقاتك بكل خير

ولقد اسعدني ان اكون اول المصافحين لهذه

القصيده الاروع من رائعه والاجمل من جميلة

وصح لسانك وعلا شانك مليون ولايكفون



وتقبل تحياتي

[عاسف المهار]

حلم ليل ٍ صاحبه منـه استفاقـي
انكشف له نور صبح ٍ فيه خيـره
اطلق وثاقه و انا جـود وثاقـي
واشغل التفكير شي ٍ منـه حيـره
كيف كان وكيف كنت ويش باقي
و النهاية سيـرة ٍ تشبـه لسيـره
الـوداع أول معانـاة الفراقـي
يا غرام ٍ راح وش خـلا لغيـره
اتركتني كني الشعـب العراقـي
لا لقى حاكم ولا حـدد مصيـره




الله الله لله درك نص رائع يحمل من اسم والدك الشيء الكثير (نايف)
صح الله لسانك على هالقصيده التي راقت لي كثيراً.
تقبل مروري

[خلف العاطفي]

محمد ابن نايف
صح السانك
قصيدة رائعه جزله
شاعر ومتميز بانتظار مشاركات اخرى

[محمد بن نايف]

حياك الله يا سفير المعاني ويشرفني ماقلت وماكتبت


اتمنى من الاداره تعديل النص ووضعه في قالب شعري

[الغواص]

ياسلام ياسلام
صح السانك يامحمد ابيات ولاأروع والفاظ جزله لاتتهيأ الا لشاعرمتفرد مثلك .
أخوك
الغواص

[ظل الياسمين]

قصيده ادهشتني للامانه وتستاهل التصفيق لها

محمد بن نايف

ماشاء الله عليك

كفاك السميع العليم

الان انتظر جديدك

دمت بخير

[ابو فيصل]

اتركتني كنـي الشعـب العراقـي=لا لقى حاكم ولا حـدد مصيـره

للجمال الالوان وللعذوبه والروعه عنوان

وانت شاعر راائع بكل المقاييس

[جمرة العرب]

الشاعر المبدع محمد بن نايف !
لله درّك حلّقت بنا الجزاله حتى بلغنا السحآبه ! أمتعتنا أمتعك الله بما تحب .

[محمد بن نايف]

عاسف المهار : حياك الله وحيالله حضورك ولاهنت على هالاطراء ولاهنت.

خلف العاطفي : حياك الله ويشرفني حضورك لاهنتك لك اطيب تحية.

الغواص : حياك الله اخوي وياهلا ومرحبا ويشرفني تواجدك في متصفحي .

[رهب]

محمد بن نايف
صح لسانك وروحك وفكرك ابدعت
اتـركــتــنــي كـــنــــي الــشـــعـــب الــعـــراقـــي
لا لـــقـــى حـــاكـــم ولا حـــــــدد مــصــيـــره
انشهد يا سلام عليك
تشرفت بالمرور
تحياتي
رهب

[محمد بن نايف]

قصيده ادهشتني للامانه وتستاهل التصفيق لها

محمد بن نايف

ماشاء الله عليك

كفاك السميع العليم

الان انتظر جديدك

دمت بخير


هلا والله يانوف بنت عبدالله


تشرف متصفحي بحصورك ووضع بصمتك

لكي اطيب تحيه واشكرك على دعواتك

[محمد بن نايف]

اتركتني كنـي الشعـب العراقـي=لا لقى حاكم ولا حـدد مصيـره

للجمال الالوان وللعذوبه والروعه عنوان

وانت شاعر راائع بكل المقاييس

ابو فيصل ياهلا والله وغلا بهالمرور الرائع لك اطيب تحية