لغز@ من العيار الثقيل

[سفير المعاني]

السلام عليكم ورحمة الله

وينكم يا محبين الالغاز حياك على الجديد


انشدك عن رجل(ن) مخرج ومصنوع = معروف عند الكل يناس معروف
خصايصه يحتاجها صنع ممنوع = يا صعب مسكه والاسم باربع حروف




للجميع تحياتي

[ظل الياسمين]

هلا بك الوالد العزيز ابو محمد

بنسبه للغز اذا ما خاب ظني فهو المسدس

دمت بخير وعافيه

[النجلا]

وعليكم السلام ياأبوالجميع

أعتقد مثل ماقالت نوف

السلاح << يااااااارب صح

دمت بصحه وعافيه

[ريف النشاما]

لي عوده يا ابو محمد

بروح اصلي و ارجع

الليله السهر كلها وناسه

[سفير المعاني]

هلا بك الوالد العزيز ابو محمد

بنسبه للغز اذا ما خاب ظني فهو المسدس

دمت بخير وعافيه

هلا وغلا بنوف بنت عبدالله


يارب حيها وما لك لوا حاولي مرة اخرى يمكن تجيبينه انتي

ركزتي على الحروف فقط ركزي على كامل التركيبه لأن

المسدس ما هو صعب مسكه لاهنتي



تقبلي تحياتي

[سفير المعاني]

وعليكم السلام ياأبوالجميع

أعتقد مثل ماقالت نوف

السلاح << يااااااارب صح

دمت بصحه وعافيه


هلا وغلا بالنجلاء

ياربي يحييك ومالك لواء شوفي ردي

على نوف وحاولي مرة اخرى لاهنتي


تقبلي تحياتي

[سفير المعاني]

لي عوده يا ابو محمد

بروح اصلي و ارجع

الليله السهر كلها وناسه


هلا وغلا بريف النشاما


الله يتقبل منا ومنك وانا بانتظارك حياك الله


تقبل تحياتي

[زمان العجايب]

حبيت أسلم عليك يالوالد وتعرف ما عندي أمل أحل لغز << حلم ابليس بالجنة

[ريف النشاما]

عدنا كم

الله يسلمك والله يا ابو محمد و نسأل الله القبول و الاخلاص

اللغز فيه شويت صعوبة

بس عندي رمعه اجس فيها النبض ههههههههه


انا اقول السم

يستخرج من العقارب و الثعابين
و يصنع كذلك وله اربع حروف و في بعض الاحيان لا يستطيع احد لمسه

ان ما خاب ظني

[سفير المعاني]

حبيت أسلم عليك يالوالد وتعرف ما عندي أمل أحل لغز << حلم ابليس بالجنة



هلا وغلا بزمان العجايب


الله يسلمك من كل شر اقري اللغز وممكن

تفهمينه صح وتجدين الحل قدامك لاهنتي




تقبلي تحياتي

[زمان العجايب]

هلا وغلا بزمان العجايب



الله يسلمك من كل شر اقري اللغز وممكن

تفهمينه صح وتجدين الحل قدامك لاهنتي





تقبلي تحياتي



لا هنت

بس ما فيه أمل

أنتظر الحل من الشاطرين << تشجع ريف :whistling:

[ريف النشاما]

انتظر ردك يا ابو محمد

حطيت لي رمعه ما رديت عليه

شوف الرد قدام

[سفير المعاني]

عدنا كم

الله يسلمك والله يا ابو محمد و نسأل الله القبول و الاخلاص

اللغز فيه شويت صعوبة

بس عندي رمعه اجس فيها النبض ههههههههه


انا اقول السم

يستخرج من العقارب و الثعابين
و يصنع كذلك وله اربع حروف و في بعض الاحيان لا يستطيع احد لمسه

ان ما خاب ظني


هلا وغلا بريف النشاما

اعجبني جدا جدا حلك وتحليلك وان كان السم حرفين ويستطيع الانسان مسكه

ولكن اكيد يبي لك كوب قهوه نسكافيه وتمخمخ ورايح تجيب الحل ميه بميه لاهنت


تقبل تحياتي

[سفير المعاني]

لا هنت

بس ما فيه أمل

أنتظر الحل من الشاطرين << تشجع ريف :whistling:


هلا وغلا بزمان العجايب


شجعيه لايرقد الا وهو حاله لاهنتي



تقبلي تحياتي

[سفير المعاني]

انتظر ردك يا ابو محمد

حطيت لي رمعه ما رديت عليه

شوف الرد قدام

هلابك ريف النشاما


وضحت لك لازم تحاول وتصدق ياريف واحد حله بس ارسل لي الحل
على الخاص ورديت عليه وترجيته ما يحط حله بحجة انه ارسله لي
قبل وضعه بالمنتدى يعني وقفته لتكون فرصه للتفكير بالحل وشكر


تقبل تحياتي

[ريف النشاما]

هلا وغلا بريف النشاما


اعجبني جدا جدا حلك وتحليلك وان كان السم حرفين ويستطيع الانسان مسكه

ولكن اكيد يبي لك كوب قهوه نسكافيه وتمخمخ ورايح تجيب الحل ميه بميه لاهنت



تقبل تحياتي


والله على قولك يبي مخمخه

بروح اجيب نسكافه :yasser:

شكر زمان على التشجيع :d

[ريف النشاما]

هلابك ريف النشاما



وضحت لك لازم تحاول وتصدق ياريف واحد حله بس ارسل لي الحل
على الخاص ورديت عليه وترجيته ما يحط حله بحجة انه ارسله لي
قبل وضعه بالمنتدى يعني وقفته لتكون فرصه للتفكير بالحل وشكر



تقبل تحياتي



والله يا ابو محمد اللغز هذا يباله واحد معه مخ مثل مخ عقاب
لو موجود كان حله من اول رمعه

لا يكون عقاب هو اللي حله

لي رجعه

[مقــدام]

الخاتم .. !!!

[مقــدام]

اذا مو الخاتم يمكن يكون

الزئبق ...!!!!

[سفير المعاني]

الخاتم .. !!!





هلا وغلا بمقدام


وحياك الله

مالك لوا الخاتم نعم يستخرج ويصنع واربع حروف ولكنه يمسك ويلبس واللغز يقول صعب مسكه لاهنت


تقبل تحياتي

[ظل الياسمين]

النووي

<<<يارب يطلع صح

[سفير المعاني]

اذا مو الخاتم يمكن يكون

الزئبق ...!!!!


هلابك يالذيب

نعم الحل هو الزئبق


واعتبرك انك حليته ولكن احقاقا للحق سبق وان نوهت انه جاني رساله
على الخاص بالحل نفسه وطلبته عدم وضعها وهذه الرساله من الشاعر
القامه مارد عبقر
جاني الغبو بالطيب والعود منقوع *** عطر نســـــــــــــيم الجو والغز مكشوف
حله كما شــــــربي لفنجال قرطوع *** والغز مثل الشــــــيك صارف ومصروف
الزيبق الي في غلا السوق مقطوع *** مسموع بالطاري بعيد(ن) عن الشوف

[ريف النشاما]

ماشاء الله عليكم

حليتوه

الف مبروك يا مقدام ما شاء الله عليك
ولا ننسى مارد عبقر

شكرا ابومحمد و نورنا بلغز غيره


تحياتي

[ظل الياسمين]

قال نووي قال <<<مصدقه نفسك انتى ووجهك .

[مــــــــــارد عـبـقـــر]

اخي الشاعر سفير المعاني لك كل الود والتقدير والاحترام
اخي الشاعر ريف النشاما لك كل الاحترام
اختي الفاضلو نوف بنت عبدالله لك كل الاحترام
اخي مقدام ماشاء الله عليك لك كل الاحترام
تحية طيبة للجميع

[عبير الروح]

ياوالله الي بالاحلام احله
اصلن ماطرى على بالي اي حل للغز
<<<<<<<<<<<<<<<<<<<<<<< مافيه امل ابد :)

لاهنت ياطويل العمر

[مقــدام]

الحمدلله

<<<<< اول انجااااز في العام الهجري الجديد
يالله عسى خير


مشكووور اخوي سفير المعاني على اتاحة الفرصة لنا اجراء عميلة عصف ذهني مع بداية العام الجديد


ولاتقطعنا من استهلالتك الحلوه مابين ( لغز , وطرفة , وقصيدة ... الخ) فأنت مبدع في جميع الاتجاهات .

وابارك لأخوي مارد عبقر اللي سبقني في الاجابة ....

وااعتذر لأن الرد لم يكون عن طريق ابيات شعرية تجاري ابيات اللغز

ودمت بألف صحة وهنا

[زمان العجايب]

شكر زمان على التشجيع :d

مو طيب مني

أبي نص الجااااايزة << طمعت البنت :whistling:

[زمان العجايب]

ماشاء الله على مقدام

بس مقدام وش اكلت يوم انك تحل اللغز << وده تحل لغز لو مره بحياته :Looking_anim:

[سفير المعاني]

الغاليين

نوف بنت عبدالله

ريف النشاما
مارد عبقر
عبير الروح

مقدام

زمان العجايب

اشكركم جميعا كلا باسمه على محاولتكم ومشاركاتكم واخص بالشكر مقدام ومارد عبقر
على تمكنهم من الحل الصحيح وابشري يازمان العجايب ابا احط للبنات لغز وفرفري معهن
لعلك تكسبين الحل وفقكم الله جميعا ودمتم بخير


للجميع تحياتي