تسجيل الدخول

مشاهدة النسخة كاملة : ياللي على غرات الاجواد مفتون


صنداح الزلامي
12-09-2010, 12:11AM
قالوحكوبك قلت وش هم يقولون= وش قيل فينا يالوجيه الفليحه

شوفوا مرد الهرج وش هم يطرون= حتى نعرف مزوره من صحيحه

وحتى نعرف نقول والناس يوحون= ردأ على راع الردى والفضيحه

ونعلمه علمٍ حقيقي ومضمون= علم صريح ومن عقولٍ صريحه

ياللي على غرات الاجواد مفتون= هاذي نصيحه والتزم بالنصيحه

مالك ورى العالم مطاليب وديون= ومالك لزوم لعرضهم تستبيحه

انصحك لاتركض ورى كل مجنون= هماز لماز(ن) دروبه قبيحه

ركضك ورى اهل الهينه يجلب الهون= والهينه ماهيب مثل المليحه

وتردك الايام من دون في دون= واللي مشى ممشاك عجل مطيحه

وليا نغزك بليس وبليس ملعون= يجيك من يرمى الستار ويزيحه

في ساعةٍ يطلع بها كل مكنون= الناس ماهي للغلط مستريحه

ويحاسبك رب الملاء خالق الكون= وتضيق بك كل الدروب الفسيحه

ويضاء دعا اللي في المساجد يصلون= قلوبهم من زود هرجك جريحه

وختامها ياسامع القول مليون= صح اللسان اللي بداء بالقريحه

وجاراه شعارأ سواته يغنون= ابداع في نظم الحروف الفصيحه

سفير المعاني
12-09-2010, 02:20AM
الغالي
الشاعر
صنداح الزلامي

الله انه يسعدك ويوفقك بجميع اوقاتك بكل خير

ولقد اسعدني ان اكون اول المصافحين لهذه

القصيده بما تحمله من معاني معبره ونصح

ومحشوم عن الهمازين اللامزين كفو ياصنداح

وصح لسانك وعلا شانك مليون ولايكفون



تقبل تحياتي

زمان العجايب
12-09-2010, 02:36AM
الشاعر

صنداح الزلامي

اولا" حياك الله في رهب وتعطرت بوجودك جنباته

ثانيا"

صح لسانك بكل ما تحمله قصيدتك من نهج الخبرة والنصيحة

دمت بخير

صنداح الزلامي
12-09-2010, 01:19PM
الاخ الغالي والشاعر القدير : سفير المعاني


الف الف شكر لك على هالاطراء الجميل والاعجاب

التي هو محل تقديري دمت ودام وفاك وشخصك

وصح الله بدنك انرت الصفحة بمرورك الجميل

صنداح الزلامي
12-09-2010, 01:21PM
الاخت الفاضلة زمان العجايب

صح الله بدنك اولآ وثانيا اشكرك على

سجل اعجابك ودمتي بخيرحال