غـــــــلا نــــووف

[متعب بن فارس بن طواله]

بعدها الوله قام يتساعر ويصلا الجوف= رسمت الغلا باللي على وجنتي ساحت

فتيلة فوادي تشتعل والنظر مطروف= لولا غلاها كان مادمعتي طاحت

بعد غيبته لوكنت مبصر تقل مكفوف=مارتحت بغيابه والاعصاب مرتاحت

تشوف العيون وغير نوف المنى ماشوف=حمامة فوادي من فقدت الغلا ناحت

الاياعيون اللي تقود الظبا وخشوف= يموحن وراها شرد الريم لاماحت

عليها اشقرن لاهلته ماتشوف ردوف= على جمر فرقاها دلال الهوى فاحت

الياسولفت تغيث خفاقي الملهوف=لها وحشةٍ لو زيحت جبال مانزاحت

لها كل مافيني ينادي تعالي نوف=ياليت اني ادري بس وين الغلا راحت

[سفير المعاني]

الغالي
الشاعر
متعب بن فارس بن طواله

الله انه يسعدك بجميع اوقاتك بكل خير

ولقد اسعدني ان اكون اول المصافحين لهذه

القصيده الاجمل من جميله والاروع من رائعه

وصح لسانك وعلا شانك مليون ولايكفون



وتقبل تحياتي

[ريف النشاما]

بن طواله

صح لسانك مليون ولاهنت
نص رائع فيه من الشوق ما يبهر القارئ
كما عهدناك مبدع والله يكون بعونك وعون من كان ملك

تحياتي

ريف

[إْجـرآ‘إْإْس إْلرًحيـْلْ]

الشاعر / متعب بن فارس بن طواله

متعب الشعار .. وفارس قصيد ... وطايل الجزاله

صح لسانك مدد بلا عدد

كتبت وأبدعت فأمتعت

لكني أشك من الصوره إنك عود خل الهوى للشباب يا عودنا

مير الله يجزاكم خير يالعواده اخذتو كل شي ما خليتولنا شي نتهنا فيه ( مزوح :d )

لا وقلوبكم خضر بعد :d

//

جعلك حي وطويل عمر


.

.

وتقبل مروري وإعجابي

[متعب بن فارس بن طواله]

بسم الله الرحمن الرحيم
اشكر الجميع على التواجد هناااا والتعليق الجميل والرائع
تحيتي وتقديري للجميع

[ظل الياسمين]

ياليـت انـي ادري بـس ويـن الغـلا راحــت

اخي متعب صح لسانك واعتلى شانك

قصيده بغاية الجمال

<<<مبسوطه علشان الاسم :d

لاهنت

[متعب بن فارس بن طواله]

ياليـت انـي ادري بـس ويـن الغـلا راحــت

اخي متعب صح لسانك واعتلى شانك

قصيده بغاية الجمال

<<<مبسوطه علشان الاسم :d

لاهنت

اشكرك نوووف على الرد الجميل والرائع
كمان انا مبسوووط على شان الاسم ههههههههه
كل الشكر لك

[الإدمي]

قصيده جميله يعطيك الف عافيه
لا تحرمنى من جديدك مماتجود به قريحتك

عوافي مراراً وتكرارا

[متعب بن فارس بن طواله]

مشكووووووره والله يعطيك الف عافيه
مرحبااا بك الادمي