في ذمة الله

[علي المبرد]

هذه هي محاوله اولى بعد فقدان اخي مرزوق رحه الله واسكنه فسيح جناته

في يوم الجمعه الموافق1/10/2010م

والمعذره ان لم تكن غير شافيه حيث ان المعاناة احيانا تكون اكبر من الكلمه ...







امنتك الله بيدي يوم حطيتك= في قبرك اللي سكن فكري ووجداني



نزلت قبلك على لحدك تلقيتك=ماكان جثمانك ..الا كان جثماني



ودعتك باخر النظرات في بيتك=وحسيت كني بعد فرقاك وحداني



بكيت وابكيت من حولي وخليتك=في ذمة الله وحده مامعه ثاني



وقفت ماني مع العالم.. وحسيتك=تقول خلك على خبري على شاني



جوني يعزون مايدرون عزيتك=في فرحتي من قبل موتك بكتماني



مرت سنه حابس العبره اليا جيتك=لامن صوتك بنبرة ياس حياني



ماهي مجرد دموع الحزن لااطريتك=لكن.. شعرت بفراقك طاح بنياني



ياخوي ياوجد حالي لاتمنيتك=بالموقف اللي حضر في ضيقي اخواني



من فوق رجم العنى جالس وناديتك=ياليت تأخير ذاك اليوم بامكاني



لكن بحكم القدر ميقن ولفيتك=وسط الكفن مانقص من حزني ايماني



الله يبيحك رحلت وباقيٍ صيتك=سيره نبيله وطيب الذكر عزاني



لعل مسكانك الفردوس .. ياليتك=لامن خشعت بصلاتي تمتم لساني

[زمان العجايب]

على المبرد

في رثاءك الآخوة لا يسعنى إلا قول

رحم الله أخاك وأجعل مثواه الفردوس

وأثقل الله ميزانه عند الحساب

حفظك الله

[عبدالعزيز محمد الشلوه]

على المبرد

صح السانك شاعرنا القدير


الله يغفرله و ماتقدم من ذنبه وما تاخر

الله يجبر مصيبتكم

[سفير المعاني]

الغالي
الشاعر
علي المبرد

الله انه يسعدك ويوفقك بجميع اوقاتك بكل خير

واحسن الله عزاك باخيك رحمه الله وغفرله مرة

اخرى وما قصرت رثائيه اخويه من قلب صادق

وصح لسانك وعلا شانك مليون ولايكفون



تقبل تحياتي

[شمايل]

أبكيت منا المقل ياعلي

فالدايم الله

دعوت الله أن يفرح قلبك بلقاه في جنة عرضها السموات والأرض
فجمع في دار الخلود يا رعاك الله

وصح لسانك مليون طال عمرك

حفظك الله ورعاك

[علي المبرد]

على المبرد

في رثاءك الآخوة لا يسعنى إلا قول

رحم الله أخاك وأجعل مثواه الفردوس

وأثقل الله ميزانه عند الحساب

حفظك الله

اختي زمان العجايب


جزاك الله خير والف شكر لك


دمتي بخير

[المسافر]

علي المبرد رحم الله اخوك


قصيده نابعه من حزن موجع نسئل العلي القدير ان يتولاه بواسع رحمته


مودتي

[النجلا]

يـــاخــــوي يـــاوجــــد حـــالــــي لاتـمـنــيــتــك
بالموقف اللي حضر في ضيقي اخواني

مـن فـوق رجــم العـنـى جـالـس وناديـتـك
يـالــيــت تـأخــيــر ذاك الـــيـــوم بـامـكــانــي

لــكـــن بـحــكــم الــقـــدر مـيــقــن ولـفـيــتــك
وسط الكفن مانقص مـن حزنـي ايمانـي

الله يـبـيـحــك رحـــلـــت وبـــاقـــيٍ صــيــتــك
ســيــره نـبـيـلـه وطــيـــب الــذكـــر عــزانـــي

لــعــل مـسـكـانـك الــفـــردوس .. يـالـيـتــك
لامــن خشـعـت بـصـلاتـي تـمـتـم لـسـانـي

علي المبرد
أبيات ابكت القلب قبل العين
الله يرحمه ويغفر له
ويرحم أموات المسلمين
تحياتي لك

[اسيرالوفاء]

الله يرحمه ويتغمده في واسع رحمته ويجمعكم في جنانه

ورزقك الصبر والسلوان وصح لسانك

[جمرة العرب]

الشاعر القدير علي المبرد !
رحم الله أخيك وغفر الله له وجمعك به في جنّات النعيم إنه على كل شيء قدير
أبياتك جعلتنا نلوذ بالصمت المبلل
صح لسانك ودمت بحفظ الله ورعايته

[الشاعر الشمري حمود]

علي المبرد معانا في المنتدى وانا اخر من يعلم !!!

مدري اقوم بواجبي ثم اعزيك ***ولا اهني الناس بقدوم شخصك


لله ما اخذ ولله ما ابقى وكل شي عنده بمقدار ,,,,, البقاء لله ومو دايم غير وجهه ,,,, واحسن الله عزاكم وعظم اجركم وجبر مصابكم وكتب لنا ولكم الصبر والسلوان ,,,,, شده وتهون وانا اخوك ,,,,, وعسى هي أخر الاحزان

ويعلم الله لو عندي خبر كان جيتكم للكويت بس توني ادري حتى على مستوى الربع والجماعه ماعندي خبر لإني بالرياض ومنقطع عن الكويت والحفر لي فتره

الله يرحمه ويغفر له ويتجاوز عنه ويسكنه فسيح جناته

اللهم أجرني في مصيبتي واخلف لي خيرا منها

وإنا لله وإنا إليه راجعون

[الجـــمـــوح]

الله يغفر له يارب

اخوي علي المبرد

صح لسااانك واعتلاا شاانك

يعطيك الف عافيه

وبيض الله وجهك

احترامي لك

الجموح

[أنا]

علي
صباحك-مسائك ..صبر

عظم الله اجرك ..ورحم الله اخيك واسكنه فسيح جناته ..واعانكم الله ب الصبر

نص
احزن القلوب ..وابكى المدامع ..ومن منا لم يصب بقريب أوحبيب ..هكذا الدنيا ..حل وارتحال

غفر الله لنا ولهم ...تحياتي ..ودمت بخير

[علي المبرد]

على المبرد

صح السانك شاعرنا القدير


الله يغفرله و ماتقدم من ذنبه وما تاخر

الله يجبر مصيبتكم



اخي عبد العزيز

الف شكر لك وجزاك الله كل خير

وتسلم يالغالي

[ظل الياسمين]

حقيقة ابكيتني ياعلي كثير قصيده موثره

الله يرحمه اخوك ويغفر له يارب


جعلكم سالمين

[علي المطيري]

رحم الله الفقيد واسكنه فسيح جناته امين

[علي المبرد]

الغالي
الشاعر
علي المبرد

الله انه يسعدك ويوفقك بجميع اوقاتك بكل خير

واحسن الله عزاك باخيك رحمه الله وغفرله مرة

اخرى وما قصرت رثائيه اخويه من قلب صادق

وصح لسانك وعلا شانك مليون ولايكفون



تقبل تحياتي


اخي العزيز سفير المعاني

شكرا لك ولحضورك المميز

اسعدني تواجدك يالغالي

دمت بخير

[علي المبرد]

اخواني واخواتي

كل باسمه الف شكر لكم وانا فعلا عاجز عن شكركم

وتحية وتقدير لكل من منكم وضع حرف من حروفه فهو اسعدني وواساني

الله لايريكم مروه

ودمتم بالف خير وسلام

[علي المبرد]

علي المبرد معانا في المنتدى وانا اخر من يعلم !!!

مدري اقوم بواجبي ثم اعزيك ***ولا اهني الناس بقدوم شخصك


لله ما اخذ ولله ما ابقى وكل شي عنده بمقدار ,,,,, البقاء لله ومو دايم غير وجهه ,,,, واحسن الله عزاكم وعظم اجركم وجبر مصابكم وكتب لنا ولكم الصبر والسلوان ,,,,, شده وتهون وانا اخوك ,,,,, وعسى هي أخر الاحزان

ويعلم الله لو عندي خبر كان جيتكم للكويت بس توني ادري حتى على مستوى الربع والجماعه ماعندي خبر لإني بالرياض ومنقطع عن الكويت والحفر لي فتره

الله يرحمه ويغفر له ويتجاوز عنه ويسكنه فسيح جناته

اللهم أجرني في مصيبتي واخلف لي خيرا منها

وإنا لله وإنا إليه راجعون

اخي حمود شكرا لك

ومافيك قصور يالغالي والله لايحرمني منك

وسؤالك يكفي ولافيك تقصير وانا عاذرك

ودمت بخير