أعوي عوا ذيبً ورا النزل لا جاع

[السنعوسي]

http://www.kau.edu.sa/Images/0012752/%D8%A7%D9%84%D8%A8%D8%B3%D9%85%D9%84%D8%A9.gif




http://reden3.googlepages.com/B9.jpg
http://reden3.googlepages.com/B5.jpg




لا والله الا شـدو البـدو نجـاع
كـلً هـدم مبنـاه وارتـد زملـه



شد الشديد وقوضوا عقب مجماع
وراعي الموده فـرّق الله شملـه



شدوا ودنوّا للحني كـل مطـواع
كل أشقحً يعجبك لا شـال حملـه



غدا لهـم دون الرفيعـه تمـزاع
كلً بغى دربً عزل وانقسـم لـه



اقفوا كما نوًّ نثـر مـاه وانـزاع
برقه يرفرف والسدا يرتـدم لـه



يا بكرتاه اللي غدت بين الاقطـاع
ويابعد دورتها على اللي جهم لـه



الهقوه انه يـم دخنـه بالاوقـاع
والا مع اللـي سنـدوا مستهملـه



ماهيب لاحاشي ولاهيب مرجـاع
عفرا فتاة وراعيـه ماوسـم لـه



يا غصن موزً ناعمً لـه تمريـاع
إمنين ماهب الهـوا مـال حملـه



راعي هدب عينً مضاليل ووساع
خرسً عيونه والمحاجيـر جملـه



عليه ماوقفت عيونـي بالادمـاع
هجسً يلاحقني على طول سملـه



أعوي عوا ذيبً ورا النزل لا جاع
يقنب إلين الله يجيـب اللحـم لـه



يامل قلبً من هوا الزين ينصـاع
كما يصوع الصيد رامً خطـم لـه
.
.
حبّه يخج القلب ما يوجع اوجـاع
لكن قلبي مودعـه بيـت نملـه ..



الشاعر / فهد المجماج رحمة الله

[جمرة العرب]

تظل مفردآت اللهجة البدوية لها رونقها الخآص
يعطيك العافية على النقل الرائع لاهنت يا السنعوسي
ورحم الله الشاعر فهد المجماج .

[السنعوسي]

الله يعطيك العافيه على هالمرور العذب

تحياتي وتقديري