بوح المشاعر! ..حديث الذات ! [الأرشيف] - شبكة رهب الأدبية-ريما محمد السديري

فــرج الدهمشى

09-18-2010, 07:35AM

http://smiles.fahrs.com//data/32/aaa7asmilies.gif

هنا يبدأ قلمي يبحر مع مشاعري ..وما يفيض به قلمي من شعرا

في البداية يا مرحبا فيكم يا أخوتي في متصفحي ..

http://smiles.fahrs.com//data/32/ss1818.gif

أشكر القائمين على المنتدى على أعطاء الاعضاء فرصة لكي ينثروا مشاعرهم ..

http://smiles.fahrs.com//data/32/aaa9asmilies.gif

http://smiles.fahrs.com//data/32/sss1414.gif

http://smiles.al-wed.com/smiles/13/flowers_221.gif

فــرج الدهمشى

09-18-2010, 07:41AM

http://dc04.arabsh.com/i/02009/6whce4j5fhh4.jpg

ياحمـود شـب النـار زوّد لهايبـه=وأحمس لنا بن ٍ مـع الهيـل ذايبـه
مع تمرة ٍ مرباه فـي نقـرة الحسـا=وصفر الدلال اللّي من البن رايبـه
بأرضٍ كساها الزين بالعشب ربعت=والديم يسقي وسمها مـن سكايبـه
وريح الخزامى والنفل عبقه أنتشـر=وفاح الشذا عبر النسيـم وهبايبـه
مع رفقة ٍ دايم على الطيب عزهـا=تجمع رفاقـات الخفـوق وقرايبـه
هذي مناة الروح عنـدي وشفّهـا=تنسى الهموم اللّي على الصدر صايبه
ياالله ياللّي خالـق الارض والسمـا=تفرج هموم اللّي شكا من مصايبـه
والحمد للي بأمـره الأرض ربعـت=وخلا عليها الغيث تمطـر سحايبـه

فــرج الدهمشى

09-18-2010, 07:50AM

مساء الخير والجوري مساء النور و الديجور=مساءٍ يشبه عيونك يابو عينين ذبلانه
الا مني تذكرتك أغوص ابحور ويّا بحور=وأحس بلهفة المشتاق والعبرات حيرانه
فديت المبسم المعسول فديته والعسل مخمور=أحسه في خيالي من حلاته نقط الّسانه
انا لعيونها أصبر وأصابر لو لحقني جور=أحبه لو يبي عمري أبيع العمر من شانه
سهرت الليل أفكر به وقلبي صوبها مجرور=جلست الليل وعيوني عليها دوم ولهانه
انا مشتاق ياقلبي يابنت ٍ تشبهين الحور=أذوب ان شفت معسولك وأغني جملة الحانه
ترى صفحة حياتي (شامخه)ماقد ماسكنهـا زور=أموت ولا رضيت الـذل ياعمـري وحقرانـه
ترى من شافني صرّح يقول اني أنا مسحور=وهو مسكين مايدري بقلبي وشهي أحزانه
وأخيراً أسمع الكلمه أحبك ياشبيه النور=أحبك يابعد عمري وحبك باني أوطانه

فــرج الدهمشى

09-18-2010, 07:54AM

يامرحبـا ترحيـب بـدوٍ أبضيفـان=أعداد ماهبت سحايب مطرها
ترحيبة ٍ من داخـل القلـب ولهـان=أعداد ماصاد البشـر مـن بحرهـا
لأهل الوفاء والجود ذربين الأيمـان = دوم الفـرح بحضوركـم ننتظرهـا
وصلاة ربي عـد ماهلـت أمـزان=على النبي فخر الأمـم هـو قمرهـا

فــرج الدهمشى

09-18-2010, 08:26AM

يامرحبا باللّي لفونا مداهيل= منهم صديق ٍوالقرابة مع الجار
(يامرحبا ترحيبة البدو بالسيل) = لاصار ربعي بالمجالي وحضار
حنا أضيوف ٍعندكم يارجاجيل =وأنتم معازيب ٍ وأنتم هل الدار
رافق وخلك مع رجال ٍ حلاحيل =وأبعد عن اللّي رفقته تجلب العار
هذا زمان غير الجيل بالجيل =والقبلي الشرقي معاه الهواء دار
وشف الحقيقة أصبحت هرج تمثيل =والثلج جانا من هواها لهب نار
والقول واضح مايبي أي تحليل =واللي سكن وسط البحر يآمن أغبار
والسالفة تثقل اذا صار تطويل = قلنا أختصار ونحسب المتر بشبار
وصلاة ربي عدّ مزن ٍ هماليل =على رسول الجود هو خير الأخيار

فــرج الدهمشى

09-18-2010, 10:32AM

دام صبـح ٍيخايـل عيـن مـهـرة اجـهـادي=ودام صـــوتٍ يلاقـيـنـي بــــرد الـتـحـيّـه
شاع صوت الفلاح وشاع صوت المنادي=وانتهظـت وسرجـت افكـار بـنـت العبـيّـه
واتكلـنـا عـلـى الله بـيـن سـهــل ٍ ووادي=وارتجلـنـا وجـريـنـا الـلـحـون الشـجـيّـه
كـل مـنـا زهــم فـكـره وهــاض الـفـؤادي=ونهمـر مـن مـزون وصـارت الموسميّـه

فــرج الدهمشى

09-18-2010, 11:08AM

روس الفخر تعلا متون ومناكـب=والطيب بفعول الرجـال أيتهيـا
والمرجله بفعول أهلهـا تواكـب=لو ما أستحى وجه ٍ من الطيب عيا
على طريق الجود ماشي وراكـب=ما يحسد اللـي بالفيافـي تفيـا

فــرج الدهمشى

09-27-2010, 10:03PM

الله مـــن شــمــس ٍ تــأخــر شـروقـهــا
ونــفــس الـمـحـبـة زود الـبــعــد شـوقــهــا

مــن سـبّـة الـلـي ناظـرتـنـي وسلـهـمـت
وحـالـي غــدا عـــوق المـحـبّـه يعـوقـهـا

مـن أبعـدت خلّـت مـع الـروح حزنهـا
ذكـري مـن الماضـي لقلـب معشوقهـا

الــروح راحــت مــن تجافـيـه وامحـلـت
وحتى القصايد مبطيه عن أطروقها

مـــن عـقــب فـرقـاهـا تـحـريـت شـوفـهـا
أرتــــــاح بـالـمـلــقــى ويـــركــــد خـفــوقــهــا

يابـوعـيـون ٍ زيـنـهـا يـفـطـر الـحـجــر
مـــن شـافـهـا يـشـكـي مــواجــع فـتـوقـهـا

كــــم مـــــرةٍ نــاديـــت وأنــطـــق بـأسـمـهــا
أحــلا والــذ مــن العـسـل طـعـم ذوقـهــا

حـبــيــبــتــي دايـــــــــم أفــــكـــــر بــطــيــفــهــا
حـبـه بـوسـط الــروح يسـكـن عـروقـهـا

هــــي مـنـوتــي بــيـــن الـمـزايـيــن كـلــهــا
هـنـيّ مـــن يـمـسـك طـــوارف سبـوقـهـا

يــاهـــم قـلــبــي مـــــن ســبــايــب فــراقــهــا
فــــرقــــاه مــــثــــل الــــنــــار وألا يــفــوقــهــا

يــالــيــت تـجـمـعـنــا الـلـيــالــي ونـهـتــنــي
وأحـطّــهــا بـالـعـيــن وحــجـــور مــوقــهــا

فــرج الدهمشى

09-29-2010, 02:54AM

بسم الله الرحمن الرحيم

السلام عليكم ورحمة الله وبركاته

بمناسبة زواج أخي الأكبر محمد اهديه هذه الحروف تعبيرا عن مشاعر الفرح والسعاده لهذه المناسبه لعلها تنال الأعجاب .. .

(الديره)

أنورت

في أخرالمرباااع

ومعاها

الداار

والديرة

بها الأنواار مغشيّه

(نبارك)

لك

يخوي

بالفرح

والصدوور أوساااع

بعرسك

يامحمد

جعلناها رمنسيّه

رمنسيّه

رمنسيّه

ومعاكم

التعب ماضاااع

يا نبع

الطيب

منك

الطيب

زاد الطيب حنيّه

جبرنا

الزمان

الصعب

يا لينه

بالأوامر طااااع

وأخذناها

الليالي

المنوره

ماجات عاريّه

وهذا

اليوم

يوم ٍ

بالفرح قد ذاااع

عساها

تكمل

(الفرحات)

مع الأيام مرويّه

وتبقى

ديرتي

بالعز

خباري

والهواء ذعذااع

حموها

(أخوان نوره)

بلادي

(يالسعوديّه )

فــرج الدهمشى

09-29-2010, 02:59AM

بطاقة تهنئه مني عليها من الـورود أنـواع=وفيها أجمل بيوت الشعر منظومـه ومبنيّـه
ابى ابارك وابى أهني مدام أن الشعـر مطـواع=بيوت الشعر من شانك تجي ماهـي بعاديّـه
أنا في داخلي يا محمد الفرحه لهـا إيقـاع=لذا جتـك القصيـده كنّهـا همّـال ديميّـه
عسى لك الهناء دايم تعيشه ياالوفي كل سااع=وعساك إتذوق من وقتك حلاوة كل صافيّـه
الا ياطيّب المبداء قطعت إمن المراجل بااع=ومشت في دمك الطيبه ألا ياصافـي النيّـه
عساها أتخّيم الفرحه علينا والسنه مربـاع=وأكيد الفرحـه بتكبـر إذا جـوك الشماليّـه
شماليّه أذا جونا يجي معهم هواء الذعـذااع=وحنا نعتبر جيـت رفيـع الشـان عانيّـه
هلا يامرحبا بااللّي لفونا والحكي ماضـاااع=أنا شاعر وأبى أعبّر غلاكـم عايـش فيّـه

فــرج الدهمشى

10-01-2010, 10:33AM

قادة أصطبل الأصايل مهرةٍ عنقا طويلـه=الجموح اللي تعزوى بأول خيول الأصايل
بالسبق معها ومعها خطوت الواثق دليلـه=خطوت اللي ماتعوَد بالسبق غيرالأوايـل
كل حملٍ في زمانك حالفٍ اني غير أشيله=وأركز برجم المشاعر بارقٍ فوق النثايل
من وفاها بالمحبه مثمر بموسم حصيلـه=والعواذل من حصيله كسبهم مامن صمايل
وردتني من غلاها نهر عذب وسلَسبيلـه=لا نثنى زهر المحبه ثم تعطر ثم تمايـل
في سفوح أمن المحبه لا رقينا بالطويلـه=عشت ذيبٍ بالطويله وأسألي سبع القبايل
والله أني ما تعزوى غير بسيوفٍ صقيله=كل سيفٍ لو تعزوا عزوته بعيال وايـل
قادة أصطبل الاصايل مهرةٍ عنقا طويلـه=الجموح اللي تعزوى بأول خيول الأصايل

فــرج الدهمشى

10-03-2010, 12:59AM

http://q9aid.nayf.in/9ba7-al5er/9ba7-al5er.jpg

فــرج الدهمشى

10-05-2010, 12:54AM

صباح الخير فيه الخير كله على اللي صار في قلبي محله ذبحني سهم من عينه يسله واقول للناس هذا من حبيبي

عيونه تذبح الهويان توه على ليل المحبه شب ضوه الا يازين ماعندك مروه وتفي بالمحبه من لهيبي

ياطيب الاصل يامحبوبي اصلك الا ياليت من هو من رمسلك بس كيف قلي كيف وصلك وتكون الورد وردة من نصيبي

اراقب الليل وين الليل يسريبي ماعرف وين الديار ومن معازيبي الا ديار الحبايب وين موطنها دايم اناظر عليها من تهليبي

فــرج الدهمشى

10-05-2010, 12:54AM

http://www10.0zz0.com/2010/10/04/21/505445114.gif

حنان

سبحان ربي خلق دره ومزيونه =سبحان ربي وهب خيي بحنونه
يارب نعمتك صنها وحفظ الغالي=احفظ بنيه غلاها ثبت اركونه
في كل ركن ٍ بصدري لاقي ٍ صوره=صورة ملاك ٍ خلقها الله ومصيونه
لاشفتها تبتسم لي تضحك الدنيا=وليا خطت يمي اندبها على هونه

فــرج الدهمشى

10-06-2010, 12:42AM

ليه يادنيا الالم ..

بعد ما تعيشينا الامل ..

يكون بعد العناق هذاك اللي يسمونه فراق

وانا اسميه الممات ..

هذي الدنيا كلها قسا..

اكتسى روحي العنا..

تعبت ادور لعيوني ضيا..

بعد ان بداء قلبي يحس بالامان ..

في ظل قلبك الحنون،

واطمأنت روحي واحست بأهتمامك

وتراقص الحب فرحا

لانه ذاق حلاوة حبك الطاهر...

بعد معاناة مع مرار الحياة ,,

أعلنت الرحيل ..

أيهون عليك قلبي..

ألا تعز عليك دمعاتي .،

أيعجبك نزف جراحي،،

التي ولدها رحيلك المفاجاء

أحب ان أخبرك...،

ان جنتك التي أنشأتها بين كنفاة قلبي الصغير .،،

قد انقلبت الى نار تسعر ..

ومن بعد انوار البهجه التي ملأت بها روحي

قد أنطفأت ..

ورغم ذلك سأظل ... !!

فــرج الدهمشى

10-11-2010, 08:38PM

http://www.youtube.com/watch?v=WVRxipRI6-4

فــرج الدهمشى

10-12-2010, 07:46AM

http://dc15.arabsh.com/i/02152/orynyju3tbdk.jpg

فــرج الدهمشى

10-24-2010, 10:01PM

بـديت بسم الله بدع المثايل=الواحد اللّي يسأله كل سايل
سبحان ربي خالق الكون والبشر=في اجمل التصوير واعظم وسايل
وانا احمد الله دولة الدين موطني=دولة هل التوحيد واهل الفضايل
المملكة عـز المواطـن وعزها=من عز روس(ن) طايله كل طايـل
الديره اللّي راية المجد بأسمها=نفدى ثراها عن خطآ كل عايل
حنا مدابيس الوغى دون حدها=وحكامها آل سعود من صلب وايـل
أخوان نوره ذخرنا بعـد ربـنا=اهل المواقف والعطاء و الجمايـل
وكم دولة حلة عليها الكوارث=زلزال او سيل المزون الهمايل
بأسم الملك والدين والشعب والوطن= تلقى جسور الخير فيها حصايل
الله خلقنا نعمر الارض بالوفاء=ولاثارت الهيجاء نشيل الثقايل
وختامها مني صلاة على النبي=شفـيع خلق الله يوم الهوايل

فــرج الدهمشى

11-10-2010, 04:00AM

صباح الخير..

صباح اكبر من التقدير..!

الى من عاشقه قلبي..

صباحك شوق ونغمة طير..!

صباح الضحكه الحلوه

يجيني عزفها غنوه

صباح الورد

صباح اللي بعدكم برد..!

تعال اقرب وجيب ادفاك

تعال اقرب ابيك اهناك..

نعانق بالسما احلام..

رضا مغرور وشوق هيام..!

معاني صادره لرضاك

ومعاني وارده لرضاي

ياعزف الناي

ياروح من القهر منفاي ..!

صباح الذوق

صباحك يعتريني شوق..

ولهفه مالها اخر

مدام لشووفكم باتوق..!

يااطهرحب

يااعظم من سكن هالقلب..!

دخيلك شوفها دنياي

تنادي يالغلا وياي..!

صباحي في وجودك غير

فــرج الدهمشى

11-12-2010, 09:50PM

مساء الخير فيه الخير كلّه =على اللّي صار في قلبي محلّه
ذبحني سهم من عينه يسلّه=اقول للناس هذا من حبيبي

عيونه تذبح الهويان توّه =على ليل المحبه شب ضوّه
الا يازين ماعندك مروّه =تفي بالمحبه من لهيبي

ياطيب الاصل يامحبوبي اصلك =الاياليت من هو من همسلك
بس كيف قلي كيف وصلك =تكون الورد وردة من نصيبي

اراقب الليل وين الليل يسريبي =ماعرف وين الديار ومن معازيبي
الا ديار الحبايب وين موطنها =دايم اناظر عليها من تهليبي

فــرج الدهمشى

11-22-2010, 01:29AM

مساءالفل والجوري مساءالنور والبلور= مساءٍ يشبه عيونك مساء الشعر وقيفانه
الا مني تذكرتك اغوص ابحور ويّا بحور = واحس بلهفة المشتاق والعبرات حيرانه
فديت المبسم المعسول فديته والعسل مخمور = احسه في خيالي من حلاته نقط الّسانه
سهرت الليل افكر به وقلبي صوبها مجرور = جلست الليل وعيوني عليها دوم ولهانه
انا مشتاق ياقلبي يابنت ٍ تشبهين الحور = اذوب ان شفت معسولك واغني جملة الحانه
انا لعيونها اصبر و اصابر لو لحقني جور= احبه لو يبي عمري ابيع العمر من شانه
ترى صفحة حياتي لك الله ما لحقها زور = اموت ولا رضيت الـذل ياعمـري وحقرانـه
ترى من شافني صرّح يقول اني انا مسحور = وهو مسكين مايدري بقلبي وشهي احزانه
احبك يا اجمل احلامي احبك ياشبيه النور = احبك يابعد عمري وحبك باني اوطانه

فــرج الدهمشى

11-23-2010, 07:07AM

http://www.youtube.com/watch?v=qz0qlhngJKI

فــرج الدهمشى

11-26-2010, 01:03AM

ياقلبي اللي بالهوى لاعبٍ دور=ياللّي على كأس المحبه أساسي
لو ينجرح بالحب والله معذور=وياليتني من عقب فرقاك ناسي
ذاك الحبيب اللّي جبينه من النور=حور ٍعيونه ذابلاة ٍ نعاسي
الشعر ليل ٍ بين الأمتان منثور=فائق على كل الجمال القياسي
كنت احسب اني بعدها غارق ابحور=واحس اني واقع ٍ في مآسي
وين انت ياعطر ٍمن ورود وزهور=يادنيتي يا كل ربعي وناسي
مشتاق لك في حالة احزان وسرور=شوق الصحاري للمطر بالدماسي
ترى الأمر امرك وانا صرت مأمور=تروي شراييني تبلل يباسي
يانبضي اللّي كله احساس وشعور=ياليلة الشعار بأحلا الأماسي
يااجزل قصيده قلتها بأجمل الحور= واروع قصيده قلتها من حماسي
بيت الغزل برموشها ماخذ ٍ دور=هي ملهمة شعر الغزل من اساسي
لك شاعر ٍ ماحط بأبياته كسور=مثل الجبل يبقى مع الوقت راسي

فــرج الدهمشى

12-05-2010, 02:22PM

العام هـذا راح ولَّـت ركايبـه = واقبل علينا عـام نرقب عجايبـه

عام جديد وعام بالامس قد رحل = واللّي مفارق او ملاقـي حبايبـه

ايامنـا تمضـي وحنـا نشوفهـا = تنقص وبعض الناس ماهي بتايبـه

يالادمي لازاد عمرك تـرى نقـص = الموت ماخلّى من النـاس سايبـه

كل عام وانت بخير يامن نصحتنـي = يالله عسى جملـة لياليـك طايبـه

كل عام وانت بخير يامن فزعةلـي = انا شهد امك يابن الاجواد جايبـه

كل عام وانت بخير يامـن تعزّنـي = واللّي كرهني جعل تكثـر ذهايبـه

كل عام والويلان ربعي وعزوتـي = في خير والمغرض يطيـح بنكايبـه

ربعي وساع البال ركّابـة الهجـن = ربعي كعام الضد في كـل هايبـه

ربعي جموع الجن في ساحة الوغـى = لاشـمـو البـارود نسنـس هبايبـه

ربعي هل الفزعات ربعي هل الوفاء = ربعي و ذخري بـالزمـان و نوايبـه

كل قوم الا ربعي وذخري عنزة = مقولت ٍماهي عن النـاس غايبـه

ماهو قصـور ٍبالقبايـل ومجدهـا = كـل ٍيهيم و يعتـزي فـي قرايبـه

نطيت في راس الرقيبه وانا فرج = وامعنت ناس ٍكل ماقلت خايبـه

ناس ٍتعاني من تضخـم بروسهـا = تفرزصديد ٍماعرف وش سبايبـه

حقدوحسد مع كره مزمن وملتهب = اعمى عيون ٍ بالوساويـس شايبـه

نطلب لهم من ربنا الشافي الشفاء = يالله تشفي المبتلي مـن صوايبـه

ونطلب لنا من ربنا الكافي العلـي=المنعـم اللّـي ما تـعـدد وهايبـه

يا ربـنـا لا تبتليـنـا وعـافـنـا=انت الرجاء للّي تنامـت نشايبـه

هذا وصلى الله على محمـد النبـي =عد الغشين اللّي لفا مـن سحايبـه

فــرج الدهمشى

12-29-2010, 04:30AM

لجل الغلا شبيت ضو الفوانيس =ي ااتعب زمن وشلون تبحث خفايا
مجبور أولع شمع ليل النواميس = واجبر نجوم الليل تسهر معايا
أبعد واناظر فـي جمال التضاريس = حسبي على اللّي قللو من عطايا
عيب الزمن لوجابها بالمقاييس = خلا طمان القاع تقرب سمايا
فكر الغدر بعقول ناسٍ مناحيس =ي وم الخناجر سولفت من ورايا
القلب غار وموحش ٍ بالدهاليس = والعشق يكتب قصته والروايا
واللي رفعني مع طيورٍ قرانيس = عشق ٍ مع الغيمات لاعب هوايا
ومن الغلا ولّعت ضو الفوانيس = وانتي وانا ونجوم ليلي معايا

فــرج الدهمشى

01-13-2011, 02:07AM

ياذابل الشفه اللي هرجها خدري=ياناعس الرمش في نظره وسلهامه
الخد يزها جماله وجهك البدري = والقد يزها وصوفه فارع القامه
ان جيت مقبل تناثر ليلك الغدري=ضافي جديلك على الساقين واقدامه
ترمي بسهم العيون وكان ما تدري = قلبي صويبك وهذي طعنة اسهامه
الليل بعيونك النجلا حفر قبري =من اول احلام عمري لآخر ايامه
الوقت لاشفت زولك مر بي بدري=كن الدقايق توازي ماضي اعوامه
الشعر مايوصفك لوانتثر حبري = على الورق يا(.....)جفّت اقلامه
لكن عزايه احبك واقبلي عذري=القلب سيف المحبه ناوي اعدامه
لومات حبك ياحبي مانزل قدري=اشوم بأسمي وراسي رافع الهامه
مايكسر القلب غير البعد ياجبري=ولاينزف الجرح الا غربة اوهامه
وشلون ابنسي غرام ٍ نبضه بصدري..؟=ياهاجس البوح والاحساس وهيامه..؟
وياذابل الشفه اللي هرجها خدري=يفداك حرف ٍ رسمتي بصمة ابهامه

فــرج الدهمشى

01-21-2011, 12:31AM

الشاعر / عويد العنزي

عينك تشوف أطباع روحك مع الناس=وكلٍ على أطباعه يشوف الخليقه
كانك صدا صديت لوبيدك ألماس=وكانك ذهب والــناس لمعة بريقه
دهامشه والنعم يامعرب الساس=من ورث أبوك وطيب جد العريقه
يزبن عليك الهم ماشاف الأتعاس=ويزبن عليك الضيق ماشاف ضيقه
يزبن عليك الفقر ماشاف الأفلاس=وأنت الطريقه بأنعدام الطريقه
وأنت الفخر فيك أفتخر يرفع الراس=وفيض المشاعر بالبحور العميقه
وأنت القصيد اللي نبض كل الاحساس=وعز الصديق الياأعتزى في صديقه
مابغا أمدحك في بيت يبقى بكراس=قلبك ذهب والناس لمعة بريقه
كان الفرج بالأرض يمشي مع الناس=أنت الفرج من بعد رب الخليقه

الشاعر فرج الدهمشي

الصاحب اللّي خوته ترفع الراس =مثل الذهب في معدنه في بريقه
اللي بنا بيت القصيده على ساس =مثلك حرام يشوف شي يضيقه
يا صاحبي حذراك تشكي على الناس =الله كريم ولا قطع بالخليقه
شمس القصيد وصبح غيم بالأنفاس=شاعر وضوح ومنهجه له طريقه
اللي ملا روح المشاعر بالأحساس =بحر من القيفان قاعه عميقه
ما هو بها مصنوع شاعر بكراس =لو ضاعت الشعار تسلك طريقه
نجم القصيد اللي ضوي الأدماس =مثل العسل والحرف زهرة رحيقه
يا صاحبي لاهنت يا معرب الساس =عز الخوي لا قيل مثلك صديقه

فــرج الدهمشى

01-21-2011, 12:32AM

الشاعر/ناصر عطالله العنزي

عزي لمن مثلي حياته زحاليق=كل مارفع راسه تجيه الأعاقه
ولا كمى اللي عاش عمره تلا فيق =أبسط حوايج دنيته بطقاقه
ليتك يبن عمي على حالي أتويق=كني مريضٍ ناخر الدود ساقه
واليوم صبري صارمافيه توفيق=أوصبرن بليا فود فعل الحماقه
ياالله ياخالق جميع المخاليق =ياعالم بخافي الأمور الدقاقه
تجيرنا من نار تشوي المعاليق=يارب أنا مالي على النار طاقه

الشاعر فرج الدهمشي

لا تشتكي يا هام سنجاروطويق=حبل الوصل مشدود عندي وثاقه
فزعاتنا ماهي برد الطواريق=أبشر وحنا يالبناخي رفاقه
من غربنا إلين توصل تشاريق=فدا ولك فوق القرابه صداقه
نزيل عنك كل ما يمكن يعيق = واللي تبيه يجيك طيب ولباقه
حنا ليامن وصلت نشفة الريق=نزيد للجهيل جهل و حــــماقه
بالجنه العليا نمارق وأباريق =والعبد بالدنيا كثير أنزلاقه
الصبر والسلوان جعل الله يتيق=قلبك لهديٍّ يرتضيلك سياقه
ويجيرك الفتنه وبطش المطاريق=في ساعة والمرء تلتف ساقه

فــرج الدهمشى

01-21-2011, 11:05PM

راع الهوى لاشك لو ضاق معذور = فرقا الاحبه يهد شم الرواسي

فــرج الدهمشى

01-23-2011, 04:12AM

صوت وصدى بيني وبين الشاعر القدير/ عواد الدهمشي

الشاعر/ فرج الدهمشي

عواد عود وانت بالاسـم عـواد = عودٍ ومثلـك لازم انـه يعـودي

طوّل غيابك حيل ياذيـب الاولاد = يالله عساها خير مامـن نكـودي

الطيب يذكر دايمٍ بيـن الاجـواد = ولا الردي ينسى ولابـه قعـودي

لك بصمةٍ ما مسهـا كـل نقـاد = جزل القصيد وكل مابه عهـودي

الشعر يسأل وينه اليـوم عـواد = يبيه يحيي عرقه اللـي يسـودي

عرقٍ يموت وفرحته صوت رعاد = وعواد اقبل يدحم اللـي يـزودي

والختم صلـو عـد ماثوَر زنـاد = وعداد ماهبت من الشرق نـودي

على النبي الهاشمي سيد الاسيـاد = اللَي بـدون رسالتـه مانسـودي

الشاعرالقدير / عواد الدهمشي

كلٍ على ماتزرعه يـده حصـاد = وانا زرعت الورد واجني ورودي

والطيب لوسقته بالانـذال مافـاد = إن مارجعلك شر مافيـه فـودي

وهذا الوفا لوينقسـم بيـن العبـاد = ياخذ فرج نصّـه إذا مايـزودي

الطيب للعيّـاش يرضـخ وينقـاد = هذا كلامـي والقبايـل شهـودي

وفـاك يالبـلاّز بالعـون معتـاد = دايم على درب المراجل سنـودي

وانـا إذا ربـك اشــا والله آراد = لارجع وانا ماقول واخلف وعودي

لكن ظروفـي جعلها تبتعـد غـاد = إدعوا معايـه جعلهـا ماتعـودي

ولازالت ظروفي وبي الزمن جاد = لاشعل قناديل الشعرمن وقـودي

ولاهان كل اللي نشد وين عـوّاد = واقسم قسم انتم سبايب وجـودي

وان شاء الله يرجع ابو العود للنشر :)

فــرج الدهمشى

02-27-2011, 11:32AM

يامرحبا حييت يا منبع الجـود = يالقائد اللي شوفته يـوم محسوب

عودة ملك ماهي شعـارات ووعود = عودة حبيب الشعب بالخير مصحوب

عودة ملك دايم على شعبـه يجود = من طيب ساسه صار للشعب محبوب

عودة ملك بقلوبنا كان موجود = رغم الغياب اللي به الوصل محجوب

اللي بنى مجده على شامخ الطود = اللي بشوفه جمر الاشواق مشبوب

باسم الوطن نهديه باقات وورود = ونكتب قصايدنا هجيني ومسحوب

نبني صروح الحرف لاهبت النود = ونرسم ملامح صورته نبض وقلوب

الحب جنه والغلا نبضه يزود = شمس الوفا في شوفته مالها غروب

شعبك يحبك يابو متعب بلاحدود = وبيرق غلاك بقمة العـز منصوب

ياسيدي بوجودك الخوف مفقـود = سيف الشريعه بين غالب ومغلوب

ياالحاكم اللي لك مواثيق وعهـود = لا ضاعت الحيلات والحق مسلوب

انت الحكيم اللي بالافعال محسود = وانت الحليم اللي بالاسلوب مرغوب

انت الزعيم اللي على القمه يسود = وانت الكريم ليا غدى الطيب عذروب

وسلامتك يا سيدي منبع الجود = عسى الُولي يجعلك الآجر مكتوب

فــرج الدهمشى

03-10-2011, 05:53AM

http://www4.0zz0.com/2011/03/09/23/528204343.gif

فــرج الدهمشى

03-10-2011, 08:44AM

http://dc08.arabsh.com/i/02754/iesbzcwgbo0e.gif

فــرج الدهمشى

03-14-2011, 11:30AM

عطريني يالقصايد من شذى الحرف الجزيل = بالقوافي والمعاني في سمايه ارعدي
دوري لي عن مشاعر شالها جرف المسيل = الله اكبر كيف كنتي في محيطي في يدي
لو قريتك في سؤالي ماجحد شمسك دليل = للمعالم فاز شعري للجزاله يقتدي
هامت الجزله بزنْد ٍيقدح الحرف المثيل = رجت حروف القصايد كل حرف ٍابجدي
جاوبته ام المعاني في كنفها سلسبيل = الحلى كلّه رحيق ٍ تشربينه يابعدي
شعرك بليل ٍتحدر خلف نجمك مايزيل = لو رفعته في يمينك ياصل لنجم الجدي
ماتضيع بنور نجمك لامشيت ولاتميل = خل عينك للثريا والخفايا مقصدي
يالقوافي بعثريني لاغدى ليلي طويل = وايلي ٍدهمشي ٍ ماعلى كفه ندي
ابشر بعزك وانا اللي كاسب ٍشي ٍجزيل = ايه البيها وانا اللي ماني بالفزعه ردي
الهقاوي في خيالي تطوي الدرب الطويل = والاماني في عيوني جتك بالطيب تعدي

فــرج الدهمشى

03-15-2011, 12:11PM

الشاعر عبد الرحمن صباح الفاضل

كيف اسلي خاطر النفس الحزينة=والحزن ماغيره الوافي معاها
لا اهالي ولا رفاق ولا مدينة=غربتي غربة ويامقسى قساها
كنت احسب ان دنيتي فعلًا امينة=لين ماخانت بي وبين جفاها
طاحت وطاحت معه ناس ٍ رزينة=مابقالي منها الا صداها
الزمن لاضعت فيه تعرف وينه=والحياة فضيقه تعرف وجهاها
وصورة الناس اللي تشوفه بـ/لينه=ماهي نفس الصورة ان ضاقت رحاها
تتضح لك اكثر بزينه وشينه=لو تشين بعينك تزين بصفاها
علـ/ الاقل تعرف يساره من يمينه=وتعرف اخلاقه وتفرق مستواها
تخبرك عن حكمة الدنيا سنينه=وشدته تكشف لك الناس وخفاها
وكذبة الاحلام لو كانت ثمينه=لاتصدقها ولا تركض وراها

فــرج الدهمشى

03-20-2011, 01:12PM

جريدة الرياض

الجمعه

13 / 4 / 1432 ه

18 / مارس / 2011 م

شعبك يحبك يابو متعب بلاحدود

http://www.alriyadh.com/2011/03/18/article614785.html

فــرج الدهمشى

03-31-2011, 05:59AM

بيت القصيد اللي كتبته على ذوق=مثل الشمال ان هب ريح بهواها
له منطق ٍ يطغى على كل منطوق=انا اشهد انّـه للسقايـم دواهـا
دايم كلامه واصل ٍ راعي الـذوق=صفات طيب ٍ راعي المجد جاهـا
يا صاح لي قلب ٍ تولع بمخلـوق=راحت وقلبي راح عِـزّه وراهـا
ماني بمشتاقه انا كلنـي شـوق=متى يبل عروق قلب ٍ كواهـا..؟
الجادل اللي عقبه الحال مسروق=ما يعشق الخفاق شخص ٍ سواها
له الدلع له الغـلا لايـق ٍ لـوق=ومن وين مارحت الاقي حلاهـا

فــرج الدهمشى

04-02-2011, 04:15AM

برد الشتاء لوكان حـس بدفايـا=وانتي معي ماعاد ثانـي يجينـي
يامرهفه بأحساس غيـم بسمايـا=اليا انحنى قوس المطر تكتبينـي
في ثامن طيوف المطر من غلايا=لاجيت كلي بالغلا واعرفينـي
انا الشمال بعشقها مـن هوايـا=من طينة احساس الوفا واعشقيني
دامك معي والكـون كلـه ورايـا=خلي يمينك غارقـه فـي يمينـي
مااطيع فيـك بحكيهـم والوشايـا=قدرك هنا مابين رمشي وعينـي
وليا نزلت في وسط قلبـي معايـا=عايش معي في روح وحده تبيني
مجنون عشق وشاعرن في وفايا=ياتاج راسي بالغـلا واسمعينـي

فــرج الدهمشى

04-08-2011, 02:30AM

فــرج الدهمشى

04-15-2011, 04:39AM

دايم على بالي ولاني بناسيك = يكفي مكانك وسط قلبي هنيّا

فــرج الدهمشى

05-01-2011, 04:59AM

صدق من قال ياروحي هجير البعد ماينطاق = غيابك طال و همومي كثيرة من يواسيني

يطول الصبروسنينك تطول وتذبل الاوراق=دخيلك لاتخليني اعانـي غربة اسنيني

انابعدك غدى قلبي مقر الهم والاشواق=وجع فرقا .. وجع غربة .. وحيد و من يسليني

طواري كل ماتطري تسبب لي الم وارهاق=انا مشتاق لك كلي وقلبك ماسأل فيني

احبك حب ماحبه على مر الزمن عشاق=احبك يابعد عمري دخيلك لا تجافيني

احبك كثر هالدنيا وحبك ساكن الاعماق=احسه داخل بدمي ويجري في شراييني

تعال وناظر عيوني وشفني كيف انامشتاق=ترى صدك مع عنادك على موتي يوديني

تعال وتصبح الدنيا مودة .. مع وفاء .. وعناق=اناوالله محتاجك طلبتك لا تخليني

فــرج الدهمشى

05-04-2011, 02:57PM

العِـلمُ يُجدِي ويَبْقَى للفتى أبـدا ‏..‏ والمَالُ يَفنى وإنْ أجْدَى إلى حِينٍ

فــرج الدهمشى

05-06-2011, 05:31PM

http://www13.0zz0.com/2011/05/06/14/272150254.jpg

فــرج الدهمشى

05-21-2011, 08:35PM

الهقاوي في خيالي

صحيفة السياسه

http://www.al-seyassah.com/AtricleView/tabid/59/smid/438/ArticleID/132277/Default.aspx#startframe

فــرج الدهمشى

05-29-2011, 07:56AM

http://www10.0zz0.com/2011/05/29/04/768018831.jpg

فــرج الدهمشى

06-03-2011, 11:57PM

http://www.snnam.net/vb/imgcache/2/4582snnam.gif

http://www.snnam.net/vb/imgcache/2/4583snnam.gif

(الأمثال ... خاصة البدوية )

من أكثر الأشكال التّعبيريّة الشّعبيّة انتشاراً و شيوعاً، و لا تخلو منها

أيّة ثقافة،فهي قول سائر بين الناس، يمتاز بصدق التجربة، و تتّسم

بإيجاز نصّها و جمال لفظها و كثافة معانيها.

المثل يصوّر حقيقة المجتمع وفكره،فنجدها تعكس مشاعر الشّعوب

على اختلاف طبقاتها و انتماءاتها، و تجسّد أفكارها و تصوّراتها و عاداتها

و تقاليدها و معتقداتها و معظم مظاهر حياتها، في صورةٍ حيّة ، فهي

بذلك عصارة حكمة الشّعوب و ذاكرتها.

ومن هنا كان التباين بين أمثال الشعوب، وإن كان هنالك بعض الأمثال

الشائعة بين الأمم أو الشعوب جميعها. والاختلاف في الأمثال مرده

إلى البيئة، وسُبُل كسب العيش فيها، فالأمة الزراعية أمثالها مشتقة

من زراعتها، والتجارية من تجاريتها...

http://www.snnam.net/vb/imgcache/2/4584snnam.gif

وأما في مجالسنا .... فإنك إن لم تكن حافظاً لتلك الأمثال ....

فإنك لن تحظى بحسن الإستماع ...

ستشعر أنت بالحرج ... والشيبان (المستمعين) بالغثيان ....

كما أنك ...(لن تفهم ما يقولون) إذا كنت أنت المستمع ...

(ستصبح مثل الأطرش بالزفة)...

ارجوا لكم الفايدة ....

المثل الأول :

http://www.snnam.net/vb/imgcache/2/4585snnam.gif

يُقال : للأمر الذي بعد عناء شديد نجحت في إتمامه ....

المثل الثاني:

http://www.snnam.net/vb/imgcache/2/4586snnam.gif

يشبه المثل المصري القائل:

" جيتك يا عبد المعين تعين ....لقيتك يا عبد المعين عاوز تنعان "

المثل الثالث:

http://www.snnam.net/vb/imgcache/2/4588snnam.gif

يُقال: لمن فعل الأمر بعد فوات الأوان ...

يتبع

فــرج الدهمشى

06-04-2011, 01:13AM

http://www5.0zz0.com/2011/06/03/21/984201892.gif

يُقال: لمن فعل الأمر بعد فوات الأوان ...

المثال الرابع :

http://www5.0zz0.com/2011/06/03/21/898959469.gif

يشبه المثل القائل :"اسأل مجرب ولا تسأل طبيب "

المثل الخامس :

http://www5.0zz0.com/2011/06/03/21/104313419.gif (http://www.0zz0.com)

يُقال : اللي ما تقدر عليه .... تجنبه أحسن لك ....

يشبه المثل القائل :"إن طاعك الزمن ولا طيعه"

المثل السادس :

http://www5.0zz0.com/2011/06/03/21/771840480.gif

يُقال : لمن أُبتلي بالحب ...

فهو ملاصق لمحبوبته ملاصقة الأعمى لشاته التي يخشى هروبها

يعني صاير ل عنزروت

المثل السابع :

http://www5.0zz0.com/2011/06/03/21/660532253.gif

يُشبه المثل القائل : اللي يده في الماي مب مثل اللي يده في النار

المثل الثامن :

http://www5.0zz0.com/2011/06/03/21/697595945.gif

يُقال: لمن أدخل نفسه في مشكلة ....

ثم لم يستطع إخراج نفسه منها ....

المثل التاسع:

http://www5.0zz0.com/2011/06/03/21/749325631.gif

يُقال: لمن ينفق بسخاء في غير ماله ...

إذا مثلاً أخوك أخذ منك 100 ريال وعطاها طرار ....

وهو عادةً ما يعطي طرارين ...

فتقول له : طبعا ...كريم في غير جرابه

(جراب : ما هو خاص بك كمحفظة أو رصيد أو ...الخ)

المثل العاشر :

http://www5.0zz0.com/2011/06/03/21/828286796.gif

عبارة تُقال للمواساة .... لمن ابتُلي بشيء نقول له هذه العبارة ...

المثل الحادي عشر :

http://www5.0zz0.com/2011/06/03/21/595899908.gif

هذا المثل واضح ....

ودمتم بخير ..